Məşədibaba

Məşədibaba
Məşədibaba
	Məşədibaba Aydəmirov
Ümumi məlumatlar
Doğum adı	Məşədibaba Bilal oğlu Aydəmirov
Doğum tarixi	13 fevral 1971
Doğum yeri	Maştağa Bakı, Azərbaycan SSR
Vəfat tarixi	10 yanvar 2011 (39 yaşında)
Vəfat yeri	Maştağa, Azərbaycan
Vəfat səbəbi	İntihar
Vətəndaşlığı	Azərbaycan;
Milliyyəti	Azərbaycanlı
Musiqiçi məlumatları
Fəaliyyəti	Meyxanaçı
Fəaliyyət illəri	1984-2010

Məşədibaba (azərb. Məşədibaba Bilal oğlu Aydəmirov‎; d. 13 fevral 1971, Maştağa – ö. 10 yanvar 2011) — Azərbaycanlı şair, qəzəlxan, meyxanaçı.

Həyatı

Məşədibaba Aydəmirov 1971-ci ildə fevral ayının 13-ü Bakı şəhərinin Maştağa qəsəbəsində anadan olub. Uşaq yaşlarından şeirə böyük maraq göstərib. Yüzlərlə şeir, qəzəl, qəsidə müəllifidir. Məşədibaba Aydəmirov uşaq yaşlarından şeirlər yazırmış. Böyüdükcə onun bu istedadı da artır. Valideynləri Məşədibabanın bu istedadını görüb onu məktəbdən çıxarırlar. Beləcə, balaca Məşədibaba bütün vaxtını bədii kitablar oxumağa, şeir yazmağa ayırır. Məlahətli səsi ilə hər kəsi heyran edən Məşədibaba gənc yaşlarından məşhurlaşır. Artıq o, yazdığı qəzəlləri meyxanaya çevirir. Bundan sonra Məşədibaba toylara çoxsaylı dəvətlər alır. Qısa zamanda qəsəbə camaatı arasında hörmət qazanan meyxanaçı kasıb ailədə böyüdüyü üçün kənddə bir çox imkansızların toyuna təmənnasız gedirmiş. Ustadı olmayıb, söz sənətinin ALLAH tərəfindən olduğuna inanır:

"Bu meyxanə belə şeydi ki, bunun ustadı yoxdur, yəni ki, insanın özündən asılıdır, əgər sənin bacarığın varsa-deyəcəksən, bacarığın yoxdursa lap 50 il sənə bir ustad dərs versin xeyri yoxdur. Bu tamam ALLAHIN vergisidir, varsa səndə var, yoxdursa insanlar sənə kömək eləyə bilməz." - ANS TV-yə verdiyi müsahibəsindən.

Nəhayət, bir gün tanınmış meyxanaçı subaylığın daşını atmaq qərarına gəlir. Əmisi qızını istəyən Məşədibaba onunla nişanlanır. Toylarına çox az qalmış meyxanaçı həbs olunur. 11 fevral 1994-cü ildə O, yaxın dostu meyxanaçı Elçin Atakişiyevilə aralarında yaranan münaqişə zamanı ona bıçağla xəsarət yetirir. Elçin xəstəxanaya gec çatdırıldığı üçün normadan artığ qan itirərək dünyasını dəyişmişdir. 6 il dəmir barmaqlıqlar arasında qalan Məşədibaba 2000-ci ildə həbsdən azad olunur. Əsərlərinin çoxunu həbsdə olarkən yazıb. 2000-ci ildə ailə heyatı qurub, Bir il sonra isə onların Mircəlal adlı övladları dünyaya gəlir. Bir müddət sonra bu xoşbəxt ailə arasında soyuqluq yaranmağa başlayır. Buna da səbəb içki olur. İçkiyə qurşanan Məşədibaba ailəsini unudur və 9 il sonra ailə dağılır. Həyat yoldaşı və uşağı evdən çıxıb gedirlər.

Vəfatı

39 yaşlı Məşədibaba Aydəmirov yaşadığı evin qarşısında üstünə benzin tökərək özünü yandırıb. O, qonşuların köməkliyi ilə xəstəxanaya yerləşdirilib. Lakin həkimlərin səyinə baxmayaraq, onu xilas etmək mümkün olmayıb.

Şeir və qəzəlləri

1.Gəl
2.Nə etmisən
3.Pulla
4.Olasan
5.Məndən
6.Yoxdur
7.Mələksən ya Bəşərsən
8.Gələcək
9.Canan
10.İçində
11.Səda
12.Sevsin səni
13.Bəsimdir
14.Divanələrin
15.Ana
16.Atam yazıq
17.Bıçaqla
18.Sevənə
19.Ey insan
20.Qazamat
21.Şəfa versin sənə

Qafiyələri

1.Səndə bilijnidi (yaxındı) məndə dalnidi (uzaqdı) 1991
2.Ya ölək ya yaşıyaq yada görək nə edirik 1991
3.Bu gecə burda qiymətim var Mənim 1992
4.Gedək evə evdə nigarandılar 1992
5.Namərdin nöqsanı çətindir mərdə 1992
6.Ağıl başdan ruhda bədəndən çıxır, hər cürə insan bu vətəndən çıxır 1992
7.Bahalıqdır alırıq bulkunu tort qiymətinə 1993
8.Axtarıram yamanını şairlərin 1993
9.Yaxşılığını eylə yamana baxma 1993
10.Dədə-babadan qalıb bizə meyxana 1993
11.Gül sənin, bülbül sənin, sümbül sənin, mübarək olsun toyun oğlan sənin 1993
12.Yuxun gəlir yat gecədən səhərəcən 1993
13.Maştağadı Bülbülə Bülbül qonubdur gülə

İstinadlar

Xarici keçidlər