Qızqayıt Həsənova

Qızqayıt Həsənova
Doğum tarixi	1924
Doğum yeri	Xırmandalı, Salyan qəzası, Azərbaycan SSR, ZSFSR, SSRİ
Vəfat tarixi	22 avqust 2012
Vəfat yeri	Xırmandalı, Biləsuvar rayonu, Azərbaycan
Vətəndaşlığı	SSRİ→ Azərbaycan
Milliyyəti	azərbaycanlı
Təhsili	K.A.Timiryazev adına Moskva Kənd Təsərrüfatı Akademiyası[d]
Fəaliyyəti	pambıqçı
Partiyası	Sovet İttifaqı Kommunist Partiyası
Mükafatları

Qızqayıt Salman qızı Həsənova (1924, Xırmandalı, Biləsuvar rayonu – 22 avqust 2012, Xırmandalı, Biləsuvar rayonu) — Azərbaycan pambıqçısı, Sosialist Əməyi Qəhrəmanı (1948).

Həyatı

Qızqayıt Həsənova 1924-cü ildə hazırkı Biləsuvar rayonunun Xırmandalı kəndində anadan olub. Əmək fəaliyyətinə sıravi kolxozçu kimi başlayıb. Pambıqçılıqda yüksək əmək göstəricilərinə görə o, 1948-ci ildə "Lenin" ordeni ilə təltif olunub, Sosialist Əməyi Qəhrəmanı fəxri adına layiq görülüb. 1953-cü ildən 1996-cı ilə kimi Xırmandalı kəndindəki Telman adına kolxozun sədri işləyib.

Qızqayıt Həsənova 1975-ci ildə Kənd Təsərrüfatı Akademiyasını bitirib. 1984-cü ildə Telman adına kolxoza Qızqayıt Həsənovanın adı verilib.

Qızqayıt Həsənova V–VI çağırış SSRİ Ali Sovetinin, II–X çağırışlar olmaqla 9 dəfə Azərbaycan SSR Ali Sovetinin deputatı, dəfələrlə Azərbaycan KP MK-nın, Azərbaycan SSR Ali Soveti Rəyasət Heyətinin üzvü, Azərbaycan KP Biləsuvar rayon komitəsinin büro üzvü seçilib.

Məşhəd, Kərbəla və Həcc ziyarətlərində olub.

Sosialist Əməyi Qəhrəmanı Qızqayıt Salman qızı Həsənova 2012-ci ildə 88 yaşında vəfat edib.

Təltif və mükafatları

• Sosialist Əməyi Qəhrəmanı (10.03.1948)
• 4 "Lenin" ordeni (10.03.1948; 08.04.1971; 12.12.1973; 10.03.1982)
• "Oktyabr İnqilabı" ordeni (27.12.1976)
• "Qırmızı Əmək Bayrağı" ordeni (30.04.1966)
• "Əmək igidliyinə görə" medalı (07.03.1960)
• "Xalqlar Dostluğu" ordeni
• Azərbaycan Respublikası Prezidentinin fərdi təqaüdü (02.10.2002)
• medallar

Mənbə

• [1] Arxivləşdirilib 2012-08-24 at the Wayback Machine
• [2]

Həmçinin bax

• Muğan qızı (film, 1972)