Dürrə Məmmədova

Dürrə Məmmədova
Dürrə Əlabbas qızı Məmmədova-Kosmodemyanskaya
Şəxsi məlumatlar
Doğum tarixi	25 dekabr 1923
Doğum yeri	Nuxa, Nuxa qəzası, Azərbaycan SSR, ZSFSR, SSRİ
Vəfat tarixi	25 avqust 2005 (81 yaşında)
Vəfat yeri	Bakı, Azərbaycan
Dəfn yeri	Şəki, Azərbaycan
Hərbi fəaliyyəti
Rütbəsi	Baş leytenant
Təltifləri

Məmmədova Dürrə (tam adı: Dürrə Məmmədova-Kosmodemyanskaya Əlabbas qızı, 25 dekabr 1923, Nuxa – 31 avqust 2005, Bakı) — II Dünya müharibəsi iştirakçısı, baş leytenant, SSRİ tibb xidməti əlaçısı, Azərbaycan SSR əməkdar səhiyyə işçisi (1981).

Həyatı

Dürrə Məmmədova 25 dekabr 1923-cü ildə Şəki şəhərində anadan olub. 1940-cı ildə Şəkidəki Nuxa Əczaçılıq Texnikumunu bitirib. Bu zaman Dürrə xanımın 17 yaşı varidi. Müharibənin ilk günlərindən o, könüllü cəbhəyə gedərək, Qara Dəniz Donanmasında 43 №-li hərbi hospitalda xidmət etmişdir. Dürrə xanım Novorossiysk şəhərinin azad edilməsi uğrunda gedən döyüşlərdə 18-ci Ordunun tərkibində tibb işçisi kimi iştirak etmiş, 1948-ci ildə ordudan tərxis olunmuşdur. O, 1949-1951-ci illərdə Leninqradda (indiki Sankt-Peterburq), 1951-1961-ci illərdə Uzaq Şərqdə hərbi hospitallarda işləyib. 1961-ci ildən Bakıda, Baş Aptekler İdarəsi sistemində çalışıb.

Mükafatları

• "Qırmızı Ulduz" ordeni
• II dərəcəli "Vətən müharibəsi" ordeni
• SSRİ tibb xidməti əlaçısı
• Azərbaycan SSR əməkdar səhiyyə işçisi (1981).
• Beynəlxalq Qızıl Xaç və Qızıl Aypara Hərəkatının ən ali mükafatı olan "Florens Naytingel" medalı (2005)