Cəmaləddin Maqomayev

Vikipediya, azad ensiklopediya
Toghrul R (müzakirə | töhfələr) (əlavələr) tərəfindən edilmiş 20:03, 4 dekabr 2021 tarixli redaktə
Naviqasiyaya keç Axtarışa keç
Cəmaləddin Maqomayev
Şəxsi məlumatlar
Doğum tarixi
Doğum yeri Lənkəran, Lənkəran qəzası, Bakı quberniyası, Rusiya imperiyası
Vəfat tarixi (67 yaşında)
Vəfat yeri
Dəfn yeri I Fəxri Xiyaban
Partiya
Təhsili
Fəaliyyəti siyasətçi
Atası Müslüm Maqomayev
Təltifləri "Azərbaycan SSR əməkdar mühəndisi" fəxri adı — 1960
"Qırmızı əmək bayrağı" ordeni "Qırmızı əmək bayrağı" ordeni "Şərəf nişanı" ordeni — 1946

Cəmaləddin Müslüm oğlu Maqomayev (28 may 1910, Lənkəran, Lənkəran qəzası – 5 oktyabr 1977, Moskva) — Azərbaycan SSR Nazirlər Sovetinin sədrin müavini, Azərbaycan Kommunist Partiyası Bakı vilayət komitəsinin ikinci katibi.

Həyatı

Cəmaləddin Müslüm oğlu Maqomayev 1910-cu il mayın 28-də Lənkəran şəhərində bəstəkar Müslüm Maqomayevin ailəsində anadan olmuşdur. Bakıda orta təhsil aldıqdan sonra o, Azərbaycan Sənaye İnstitutunda təhsilini davam etdirmişdir. 1932-ci ildə institutu bitirdikdən sonra Leninqraddakı "İjora" ağır maşınqayırma zavoduna göndərilmiş, orada mühəndis-texnoloq vəzifəsində işləmişdir.[1]

Bakıya qayıtdıqdan sonra Cəmaləddin Maqomayev 1935–1943-cü illərdə Azərbaycanın neft maşınqayırma sistemində işləmiş, V. İ. Lenin adına zavodda baş mexanikin müavini, Azərbaycan Neft-Mədən Maşınqayırma Trestinin baş mexaniki, Kirov adına zavodun direktoru, Azərbaycan Neft-Mədən Maşınqayırma Trestinin baş mühəndisi olmuşdur.[1]

Böyük Vətən müharibəsi illərində Azərbaycan SSR Xalq Komissarları Sovetinin və Azərbaycan KP MK-nın silah və döyüş sursatı üzrə müvəkkilinin müavini işləyən Cəmaləddin Maqomayev orduya döyüş silahlarının fasiləsiz göndərilməsində iştirak etmişdir. O, 1943-1948-ci illərdə Azərbaycan KP MK-da sənaye-nəqliyyat şöbəsinin, neft sənayesi şöbəsinin müdiri, Mərkəzi Komitənin sənaye üzrə katibinin müavini işləmişdir.[1][2]

1962-ci ilin fevralından ömrünün sonunadək SSRİ Nazirlər Soveti yanında Azərbaycan SSR Nazirlər Sovetinin daimi nümayəndəsi işləmişdir.[1]

1940-cı ildən Sov.İKP üzvü olmuş, SSRİ Ali Sovetinin (3-4, 7-8-ci çağırış) və Azərbaycan SSR Ali Sovetinin (2-3, 5-6, 9-cu çağırış) deputatı seçilmişdir.[3]

Cəmaləddin Maqomayev 5 oktyabr 1977-ci ildə vəfat etmiş[4] və 8 oktyabrda Fəxri Xiyabanda dəfn olunmuşdur.[5]

Təltifləri

İstinadlar

  1. ↑ 1 2 3 4 Ҹ. М. Магомајев // Коммунист. 7 октјабр 1977-ҹи ил. С. 4.
  2. ↑ Maqomayev Cəmaləddin Müslüm oğlu // Fəxri Xiyaban. Bakı: Heydər Əliyev Fondu. 2007. səh. 134.
  3. ↑ Магомајев Ҹәмаләддин Мүслүмович // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 197.
  4. ↑ Азәрбајҹан Коммунист Партијасынын Мәркәзи Комитәсиндән, Азәрбајҹан ССР Али Советинин Рәјасәт Һеј'әтиндән вә Назирләр Советиндән // Коммунист. 6 октјабр 1977-ҹи ил. С. 1.
  5. ↑ Ҹ. М. Магомајевин дәфни // Коммунист. 9 октјабр 1977-ҹи ил. С. 3.
Mənbə — "https://az.wikipedia.org/w/index.php?title=Cəmaləddin_Maqomayev&oldid=6231532"