Bahadır və Sona (roman)
Bu məqalə Nəriman Nərimanovun "Bahadır və Sona" romanı haqqındadır. Digər mənalar üçün Bahadır və Sona səhifəsinə baxın. |
Bahadır və Sona (roman) | |
---|---|
azərb. Bahadır və Sona | |
| |
Janr | Roman |
Müəllif | Nəriman Nərimanov |
Orijinal dili | azərbaycan |
Yazılma ili | 1896 |
Nəşr ili | 1896 |
Vikianbarda əlaqəli mediafayllar |
Bahadır və Sona — Nəriman Nərimanov tərəfindən 1896-1898-ci illərdə yazılmış roman. Azərbaycan ədəbiyyatında ilk roman.[1]
Məzmunu
Roman öz millətini istəyən müsəlman tələbə Bahadır ilə təhsil görmüş, ağıllı, öz xalqını sevən erməni Sonanın sevgisi haqqındadır. Yazıçı romanda din, millət, mədəniyyət, mətbuat, ailə və s. məsələlərə münasibət bildirmişdir. Sevgi əhvalatı faciədə bir ədəbi vasitə olsa da, yazıçının əsas ideyası millət, vətən qayğısı, ictimai tələblər, mövhumatçılıq, müsəlman qadınlarının savadsızlığı kimi məsələlər idi. Bahadır və Sonanın bədbəxt taleyi ictimai həyatın faciəsi idi. Burada iki gəncin nakam məhəbbəti ictimai fəlakətlərin mənbəyi olan burjua-mülkədar qayda-qanunları, ruhani cəhaləti fonunda qələmə alınmışdır. Məhz bu cəhətdən yazıçının faciədə verdiyi hadisələr uydurma və ya sadəcə təxəyyülün məhsulu deyil, tarixi bir həqiqət idi.[2]
İncəsənətdə
Musiqidə
- 1961-ci ildə bəstəkar Süleyman Ələsgərov Nəriman Nərimanova məxsus eyniadlı faciəvi pyesi əsasında opera yazmışdır[3]. Əsər 1962-ci ildə Azərbaycan Dövlət Opera və Balet Teatrının səhnəsində müvəffəqiyytələ tamaşaya qoyulmuşdur. Libretto müəllifi Əfrasiyab Bədəlbəyli, şerlər Şıxəli Qurbanovundur. Əsərin ideyasını lirik-psixoloji opera janrında təcəssüm etdirən bəstəkar, klassik operaların, həmçinin Azərbaycan, rus və Qərb operaları ənənələrinə əsaslanır.[4]
Rəssamlıqda
- 1977-ci ildə rəssam Y.Hüseynov yağlı boya ilə kətan üzərində "Bahadır və Sona" romanına illüstrasiya çəkmişdir.[5]
Qalereya
-
"Bahadır və Sona" kitabı Nəriman Nərimanovun ev-muzyində
-
"Bahadır və Sona" kitabı Nəriman Nərimanovun ev-muzyində
-
Müstəqillik dövründə çap olunmuş "Bahadır və Sona" kitabı
-
"Bahadır və Sona" kitabı 1957
-
"Bahadır və Sona" əsərinə illüstrasiya 1977
Mənbə
- Məhəmməd Əmin Rəsulzadə. "İqbal" NN 523, 528, 535, 541; 8, 13, 22 və 29 dekabr 1913
- Нариманов Н. Н. Избранные произведения / Составитель П. А. Азизбекова, научный редактор Д. П. Гулиев. — Баку: Азернешр, 1988. — Т. 1. — 376 с.
İstinadlar
- ↑ Nərimanovun "Bahadır və Sona" romanının yazılmasından 101 il ötür
- ↑ Teymur Əhmədov. Nəriman Nərimanovun dramaturgiyası. Bakı, 2005.
- ↑ Алескеров Сулейман - Бахадур и Сона
- ↑ Nəriman Nərimanovun ev-muzeyi[ölü keçid]
- ↑ "Bahadır və Sona" illüstrasiyası[ölü keçid]
- ↑ "Bahadır və Sona" kitabı 1971
- ↑ "Bahadır və Sona" kitabı 1985