Dilarə Əliyeva (aktrisa)

Dilarə Əliyeva
Dilarə Hasil qızı Əliyeva
Digər adı	Dilarə Murtuzəliyeva
Doğum tarixi	27 oktyabr 1972
Doğum yeri	Sumqayıt, Azərbaycan SSR
Milliyyəti	azərbaycanlı
Vətəndaşlığı	Azərbaycan
Həyat yoldaşı	Oqtay Əliyev
Uşağı	2
Atası	Hasil
Anası	Lətifə
Fəaliyyəti	aktrisa və aparıcı
Fəaliyyət illəri	1996–h.h.
Təhsili	Azərbaycan Dövlət Mədəniyyət və İncəsənət Universiteti
İstiqamət	teatr-kino-televizya
Mükafatları
IMDb	ID3108218

Dilarə Əliyeva (tam adı: Dilarə Hasil qızı Əliyeva) — azərbaycanlı teatr və kino aktrisası, TV aparıcı. Azərbaycanın əməkdar artisti (2005),

Həyatı

Dilarə Əliyeva 1994-cü ildə Azərbaycan Dövlət İncəsənət Universitetinin "Teatr kollektivinin rəhbəri" fakültəsini bitirmişdir. 1996-cı ildən 2009-cu ilədək C. Cabbarlı adına İrəvan Dövlət Azərbaycan Dram Teatrında aktrisa vəzifəsində işləyib.

D. Əliyeva aktrisa kimi fəaliyyət göstərdiyi müddətdə müxtəlif janrlı tamaşalarda maraqlı rollar oynamışdır. Onun Xatirə (Hidayət, "Məhəbbət yaşayır hələ!…"), Günay (Hidayət, "Durnalar qayıdanda"), Günay (M. Bayciyev, "Ər və arvad"), Henrietta (G. Mopassan, "Dərəbəylik"), Badam (V. Əliyev, "Madam-Badam"), Gəlin (Z. Yaqub, "Didərginlər"), Mişilin (M. Marinye, "Oğru"), Zərifə (G. Xuqayev, "Mənim qayınanam") kimi rolları tamaşaçılar tərəfindən rəğbətlə qarşılanıb. D. Əliyeva bir sıra televiziya filmlərində də çəkilib. Televiziya ekranında yaratdığı Leyli (N. Gəncəvi, "Leyli və Məcnun"), Durna (V. Səmədoğlu, "Yumurta"), Xavər (M. Atəş, "Gəlinlər"), Sarıca (M. Süleymanlı, "Bəylik dərsi"), Məhəbbət (T. İmanov, "Məhəllə") kimi obrazlar aktrisanın yaradıcılıq yolunun uğurları sayıla bilər.

Dilarə Əliyeva ATV telekenalının populyar "Çal-çağır" proqramının aparıcısı olub. Hal-hazırda isə ARB telekanalında " Söhbət Var" proqramının aparıcısıdır.

"SOY Production" mərkəzinin rəhbəri Oqtay Əliyevin (1968) həyat yoldaşıdır.

İki övladı var: Aytən(1994) və Banu(2007).

Vüsal Murtuzəliyevin bacısıdır.

Teatr səhnəsindəki rolları

Azərbaycan Dövlət Akademik Milli Dram Teatrı

Tamaşanın adı	Rol	Tarix	Rejissor	Müəllif
Generalın son əmri	Qız nəvə	19 sentyabr 2014	Ramiz Həsənoğlu	Vaqif Səmədoğlu

Filmoqrafiya

1. Gəlinlər (film, 2002)
2. Bəylik dərsi (film, 2007)
3. Cavid ömrü (film, 2007)
4. Məhəllə (film, 2003)
5. Məhəllə 2 Moskvada (film, 2004)
6. Mürafiə vəkillərinin hekayəti (film, 2011)
7. Yumurta (film, 2003)
8. Sirr (serial, 2012)
9. Sübhün səfiri (film, 2012)
10. 3 bacı (film, 2012-2014) (bədii serial) (rol: Səadət; özü)
11. 100 kağız (film, 2015)
12. Qaynanamız (serial 2015)
13. Hoqqa (film, 2017)
14. Baldız (teleserial, 2017)
15. Milyonluq Quş^(tr) — 2018 Türk Azəri Filmi
16. Məhəllə 3 (film, 2019)
17. Əfsanə Qayıdır (Əfsanə) — (film,2019)
18. Yuxu kimi (teleserial, 2019) — Əsmər
19. 19. Ölülər (film,21-ci əsr) — Mərziyyə
20. 20. 5 Betər (film,2021)- Südabə
21. 21. Qaratikan (teleserial, 2022) — Narınc
22. 22. Geri Dönənlər (film,2022) — Cahan