Ramiz Həsənoğlu

Vikipediya, azad ensiklopediya
Jump to navigation Jump to search
Ramiz Həsənoğlu
Ramiz Həsənağa oğlu Mirzəyev
Digər adları Ramiz Mirzəyev
Ramiz Drazi
Jorj Mirzəyev
Doğum tarixi (76 yaş)
Doğum yeri İrəvan, Ermənistan SSR, SSRİ
Vətəndaşlığı SSRİ SSRİ
Azərbaycan Azərbaycan
Atası Həsənağa Mirzəyev
Anası Ətayə Əliyeva
Fəaliyyəti kinorejissor, kino prodüseri
Təhsili
Mükafatları "Azərbaycan Respublikasının xalq artisti" fəxri adı — 2006 "Azərbaycan SSR əməkdar incəsənət xadimi" fəxri adı — 1989
IMDb ID 2947619

Ramiz Həsənoğlu (tam adı: Mirzəyev Ramiz Həsənağa oğlu) — Azərbaycan teatr, kino və televiziya rejissoru, "Azərbaycantelefilm"in direktoru (2019), Azərbaycan Respublikasının xalq artisti (2006), Azərbaycan SSR əməkdar incəsənət xadimi (1989).

Həyatı[redaktə | mənbəni redaktə et]

Ramiz Həsənoğlu 1946-cı ildə İrəvan şəhərində dünyaya göz açıb. Anası Azərbaycan milli teatr sənətində bənzərsiz ifa qabiliyyəti olan, əməkdar artist Ətayə Əliyeva, atası əməkdar mədəniyyət işçisi Həsənağa Mirzəyevdir. 1948-ci ildə ermənilərin yenidən azğınlaşmasından sonra İrəvan teatrının kollektivi qonşu Azərbaycana üz tutur. 2 yaşlı R.Həsənoğlu valideynləri ilə birlikdə Gəncə şəhərinə köçür. 1956-cı ildə Bakıya gəlirlər. Ramiz 1965-ci ildə orta məktəbi bitirib Azərbaycan Dövlət Teatr İnstitutunun mədəni-maarif fakültəsinin qiyabi şöbəsinə qəbul olunur. 1966-cı ildən Azərbaycan Dövlət Televiziya və Radio Verilişləri Komitəsində rejissor köməkçisi işləməyə başlayır. Ağaəli Dadaşov, Rauf Kazımovski, Arif Babayev kimi görkəmli sənətkarlardan bu sənətin sirlərini öyrənir.

Sənət yolu[redaktə | mənbəni redaktə et]

Anarın pyesləri əsasında "Mən, sən, o və telefon", "Dindirir əsr bizi", "Ötən ilin son gecəsi" teletamaşalarını ekranlaşdırır. Bu dövrdə sənət uğurları ilə yanaşı, təhsilini də davam etdirir. 1973-cü ildə müsabiqə yolu ilə qəbul olunduğu Sankt-Peterburq Dövlət Teatrı, Musiqi və Kinematoqrafiya Akademiyasını 1978-ci ildə uğurla başa vurur.

R.Həsənoğlu Hamlet Xanızadənin, Həsən Əblucun, Yaşar Nurinin rol aldıqları "Qatarda" televiziya tamaşasından sonra daha artıq populyarlıq qazanır. Onun quruluş verdiyi teletamaşalar sırasında ən uğurlu alınanlardan biri də Hüseyn Cavidin eyniadlı əsəri əsasında ekranlaşdırdığı "Topal Teymur"dur. "Günahsız Abdulla" və ilk Azərbaycan telemüzikli "Ordan-burdan" ona daha geniş şöhrət gətirir. Məşhur, bənzərsiz "Ac həriflər" televiziya tamaşası Ramiz Həsənoğlunun yaradıcılığından qırmızı xətt kimi keçir. Tamaşa "Humay" mükafatına layiq görülmüşdür.

R.Həsənoğlu 200-dən artıq müxtəlif səpkili bədii, sənədli, musiqili proqramlara quruluş verib. O, eyni zamanda Musiqili Komediya Teatrında "Məzəli əhvalat" və Milli Akademik Dram Teatrında "Brüsseldən məktublar" (H.Həsənov),"Generalın son əmri"(V.Səmədoğlu) tamaşalarına da quruluş vermişdir. Rüstəm İbrahimbəyovun ssenarisi əsasında çəkdiyi "Ailə" bədii filmi 2000-ci ildə Moskvada keçirilən Avrasiya festivalının baş mükafatına layiq görülmüşdür. 2007-ci ildə Anarın ssenarisi əsasında "Cavid ömrü" bədii, tammetrajlı film çəkmişdir.

1993-cü ildən bu günə kimi Azərbaycan televiziyasında "Sabah" eksperimental yaradıcılıq emalatxanasına rəhbərlik edir. 2019-cu ildə "Azərbaycantelefilm" Yaradıcılıq Birliyinin direktoru təyin edilib.[1]

Azərbaycan Kinematoqrafçılar Birliyi İdarə Heyətinin və Azərbaycan Kinorejissorlar Gildiyası bürosunun üzvüdür.

Mükafatları[redaktə | mənbəni redaktə et]

4 may 1989-cu ildə Azərbaycanda kütləvi informasiya vasitələrinin inkişafında xidmətlərinə görə "Azərbaycan SSR əməkdar incəsənət xadimi" fəxri adı verilmişdir.

4 noyabr 2006-cı ildə Azərbaycan televiziyası və radiosunun inkişafındakı xidmətlərinə görə "Azərbaycan Respublikasının xalq artisti" fəxri adı verilmişdir.[2]

2015-ci ildə "Milli televiziyanın inkişafında verdiyi töhfələrə görə" nominasiyasında "Qızıl Pəri" mükafatına layiq görülmüşdür.[3]

4 iyun 2020-ci ildə "Vaqif Səmədoğlu" medalı ilə təltif edilmişdir.[4]

Filmoqrafiya[redaktə | mənbəni redaktə et]

Filmin adı İl Rejissor Ssenari müəllifi Prodüser Bədii rəhbər Filmdə iştirak edən Filmin növü
Onuncu planet 1968 HəY
Gülər 1968 HəY
Firuzə (film, 1969) 1969 HəY
Tanatos mehmanxanası (film, 1969) 1969 HəY
Bir parça həyat 1969 HəY
Parlaq tale 1972 HəY Sənədli film
Günəşlə görüşənlər 1973 HəY
Son gecə 1974 HəY
Gecə müsahibi 1975 HəY
Oğulla görüş 1975 HəY
Günəşin bacısı 1975 HəY
Bizim müasir qadınlar 1976 HəY Qısametrajlı sənədli televiziya filmi
Dindirir əsr bizi 1976 HəY
Səməd Vurğun 1976 HəY Sənədli film
Ötən ilin son gecəsi 1978 HəY Televiziya tamaşası
Müsabiqə 1978 HəY
Bir payız axşamı 1978 HəY
Üç eskiz 1978 HəY Sənədli film
Yollar görüşəndə… 1979 HəY Qısametrajlı musiqili televiziya tamaşası
Sumqayıt 1979 HəY Sənədli film
Qatarda 1981 HəY Tammetrajlı musiqili film
Ömrün yolları 1982 HəY Tammetrajlı televiziya tamaşası
Kökdən düşmüş piano 1982 HəY Tammetrajlı televiziya tamaşası
Evləri köndələn yar 1982 HəY Tammetrajlı film-tamaşa
Topal Teymur 1983 HəY
Günahsız Abdulla 1984 HəY Tammetrajlı televiziya tamaşası
Ordan-burdan 1987 HəY
Yaşıl eynəkli adam 1987 HəY
Anarla üz-üzə 1989 HəY HəY qısametrajlı sənədli televiziya filmi
Qonşu qonşu olsa… 1989 HəY Tammetrajlı televiziya film-tamaşası
Kamança 1993 HəY
Ac həriflər 1993 HəY HəY Tammetrajlı bədii televiziya filmi
Altı nömrəli palata 1994 HəY tammetrajlı televiziya tamaşası
Anamın kitabı 1994 HəY
Ağ dünya 1995 HəY
Bala – başa bəla! 1995 HəY Tammetrajlı televiziya film-tamaşası
Qayalarda qalan səs 1995 HəY Tammetrajlı film-tamaşa
Ömürdən uzun gecə 1996 HəY Tammetrajlı bədii televiziya filmi
Yarımştat 1996 HəY Tammetrajlı bədii televiziya film-tamaşası
Fatehlərin divanı 1997 HəY Çoxseriyalı bədii televiziya filmi
Min birinci söz 1997 HəY Qısametrajlı sənədli-bədii televiziya filmi
Yurd yeri 1997 HəY Tammetrajlı bədii televiziya filmi
Ailə 1998 HəY tammetrajlı bədii film
Nigarançılıq 1998 HəY HəY Tammetrajlı televiziya film-tamaşası
Xoşbəxt adam 1999 HəY Sənədli film
Yaşıl eynəkli adam-2 1999 HəY HəY Tammetrajlı bədii televiziya filmi
Dirsə xanın oğlu Buğacın boyu 2000 HəY Tammetrajlı bədii televiziya filmi
Nekroloq 2001 HəY HəY Tammetrajlı bədii televiziya filmi
Salur Qazanın evi talandığı boy 2001 HəY HəY Tammetrajlı bədii televiziya filmi
Ömür ağacı 2002 HəY Sənədli film
Yaşıl eynəkli adam-3 2002 HəY HəY Tammetrajlı bədii televiziya filmi
Dəvətnamə 2003 HəY HəY Tammetrajlı bədii televiziya filmi
Yumurta 2003 HəY Tammetrajlı televiziya film-tamaşası
Bəylik dərsi 2007 HəY HəY Tammetrajlı bədii televiziya filmi
Cavid ömrü 2007 HəY Tammetrajlı bədii film
Anarın anları 2008 HəY HəY tammetrajlı sənədli televiziya filmi
Evləri göydələn yar 2010 HəY HəY Tammetrajlı bədii televiziya filmi
Mürafiə vəkillərinin hekayəti 2011 HəY HəY Tammetrajlı televiziya tamaşası
Sübhün səfiri 2012 HəY Tammetrajlı bədii film
Yaşadan, yaşayan Yaşar 2012 HəY Tammetrajlı sənədli televiziya filmi
Səni axtarırıq… 2013 HəY Qısametrajlı sənədli televiziya filmi
Doğma yurdun təranələri HəY videofilm-konsert
Səni tərənnüm edirəm, Azərbaycan HəY videofilm
Üç çinar yarpağı HəY sənədli-bədii videofilm
Son gecə 2019 HəY HəY HəY Tammetrajlı bədii televiziya filmi
Sonuncu 2020 HəY HəY Tammetrajlı bədii televiziya filmi

İstinadlar[redaktə | mənbəni redaktə et]

  1. Axşam.az. "Ramiz Həsənoğluna AZTV-də yüksək vəzifə verildi" (az.). Axşam.az. 25.01.2019. 2020-10-24 tarixində arxivləşdirilib. İstifadə tarixi: 2019-01-25.
  2. Azərbaycan Respublikasının televiziya və radio işçilərinə fəxri adların verilməsi haqqında Azərbaycan Respublikası Prezidentinin 1766 saylı Sərəncamı[ölü keçid]
  3. Report. ""Qızıl Pəri" mükafatları təqdim olunub" (az.). Report.az. 29 dekabr 2015. 2016-03-05 tarixində arxivləşdirilib. İstifadə tarixi: 2015-12-30.
  4. Bakı Post. "Bu şəxslər "Vaqif Səmədoğlu" medalı aldılar" (az.). Bakupost. 05.06.2020. 2021-09-25 tarixində arxivləşdirilib. İstifadə tarixi: 2020-06-05.

Mənbə[redaktə | mənbəni redaktə et]

  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.

Xarici keçidlər[redaktə | mənbəni redaktə et]