Əlfəddin Abdullayev
| Əlfəddin Abdullayev | |
|---|---|
| Şəxsi məlumatlar | |
| Doğum tarixi | 2 aprel 1929 |
| Doğum yeri | |
| Vəfat tarixi | 4 sentyabr 2014 (85 yaşında) |
| Vəfat yeri | |
| Dəfn yeri | |
| Təhsili | |
| Fəaliyyəti | televiziya aparıcısı |
Əlfəddin Abdullayev (2 aprel 1929, Qumlaq, Vartaşen rayonu – 4 sentyabr 2014, Bakı) — Azərbaycanın tanınmış həkimi, tibb elmləri namizədi, Ali Sovetin deputatı, 4 saylı Şəhər Xəstəxanasının baş həkimi, "Sağlamlıq" verilişlərinin aparıcısı, 91-lərdən biri.
Həyatı
[redaktə | mənbəni redaktə et]Əlfəddin Abdullayev 1929-cu ildə Oğuz rayonunun Xalxal kəndində anadan olub. 1946-cı ildə Azərbaycan Tibb İnstitutuna daxil olub.[1]
1950-ci ildə institutu bitirmiş, təyinatla Cənubi Qazaxıstan vilayətinin Bostandık rayonuna işə göndərilmişdir. Əvvəllər Xocakənd kənd xəstəxanasında baş həkim, sonra rayon mərkəzində həkim-terapevt işləmişdir. Üç il Qazaxıstanda işlədikdən sonra 1955-ci ildə Azərbaycana, doğma rayona qayıtmışdır. Bir il rayon xəstəxanasında həkim-terapevt, 1956-cı ildən 1962-ci ilə qədər baş həkim işləmişdir. Sonra Elmlər Akademiyasının əyani aspiranturasına qəbul olunur və 1956-cı ildə müdafiə edib tibb elmləri namizədi alimlik dərəcəsi almışdır. 1965-ci ildən 1968-ci ilə qədər Səhiyyə Nazirliyinin dördüncü idarəsinin (Leçkomissiya) birinci poliklinikasında təxirə salınmaz xidmət üzrə baş həkimin müavini və həkim endokrinoloq işləmişdir. Eyni zamanda 1968-ci ilə qədər Azərbaycan SSR Nazirlər Sovetinin sədri Ənvər Nəzər oğlu Əlixanovun şəxsi həkimi olmuşdur. 1968-ci ildən 1970-ci ilə qədər tibb institutunun daxili xəstəliklər kafedrasının assistenti işləmiş, tələbələrə dərs demişdir. 1965-ci ildən 1969-cu ilə qədər Azərbaycan Tibb Universiteti "Tibb kadrları" qəzetinin redaktoru olmuşdur. 1970-ci ilin iyulun 1-dən Bakı şəhəri Fuad Əfəndiyev adına 4 saylı klinik xəstəxanasının baş həkimi təyin olunmuş və həmin tarixdən əvvəl işlədiyi kafedrada əvəzçilik üzrə yarım ştat ilk vaxtlar assisent, sonra isə dosent işləmişdir.[2]
SSRİ dövründə Ali Sovetin deputatı olub. Uzun illər "Sağlamlıq" verilişlərinin aparıcısı olmuşdur.[3]
Əlfəddin Abdullayev 2014-cü ildə 85 yaşında Bakı şəhərində dünyasını dəyişmiş və 4 sentyabr 2014-cü ildə doğulduğu Oğuz rayonunun Xalxal kəndində dəfn olunub.[3]
Kəlamları
[redaktə | mənbəni redaktə et]- "Sağlamsansa, xoşbəxtsən, borcun yoxdursa, varlısan"
İstinadlar
[redaktə | mənbəni redaktə et]- ↑ Gülnar Mayisqızı. ""SAĞLAMLIQ ALLAHIN ƏMANƏTİDİR" (müsahibə)". "Ailə həkimi" jurnalı (az.). ailehekimi.az. 2010. 2016-03-05 tarixində arxivləşdirilib. İstifadə tarixi: 2014-09-05.
- ↑ "Oğuz haqqında: ƏLFƏDDİN ABDULLAYEV". Oğuz Telekommunikasiya Qovşağı (az.). oguz.aztelekom.org. 2016-03-05 tarixində orijinalından arxivləşdirilib. İstifadə tarixi: 2014-09-05.
- ↑ 1 2 "Azərbaycanın məşhur həkimi vəfat etdi". ANS PRESS (az.). anspress.com. 04.09.2014 17:17. 2014-09-04 tarixində orijinalından arxivləşdirilib. İstifadə tarixi: 2014-09-05.
- 2 apreldə doğulanlar
- 1929-cu ildə doğulanlar
- Oğuz rayonunda doğulanlar
- 4 sentyabrda vəfat edənlər
- 2014-cü ildə vəfat edənlər
- 85 yaşında vəfat edənlər
- Bakıda vəfat edənlər
- Oğuz rayonunda dəfn olunanlar
- Azərbaycan Tibb Universitetinin məzunları
- Əlifba sırasına görə vəzifəli şəxslər
- Azərbaycan həkimləri
- Qazaxıstan həkimləri
- Azərbaycan qəzet redaktorları
- Azərbaycanın televiziya aparıcıları
- 91-lər
- Azərbaycan Respublikası Ali Sovetinin XII çağırış deputatları