"Üç ulduz" ordeni

Üç Ulduz Nişanı
Üç Ulduz Nişanı
	Triju Zvaigžņu ordenis
Ölkə	Latviya
Tip	orden
Status	təqdim olunur
Deviz	"Per aspera ad astra"
Statistika
Təsis tarixi	25 mart 1924
İlk təltif	24 fevral 1925;
Ardıcıllıq
Müvafiqdir
	Vikianbarda əlaqəli mediafayllar

Üç Ulduz Nişanı (Latış dili: Tiju Zvaigžņu ordenis)- Latviyada təsis edilən ordendir. 25 mart 1924-cü ildə Latviya Milli Məclisi tərəfindən təsis olunmuşdur. Devizi "Per aspera ad astra"dır ki, mənası "Çətinliklərdən keçib ulduzlara çatmaq" deməkdir. Orden Latviyada verilən ilk və ən yüksək dərəcəli ordendir.^[1]

Sıralama

Böyük Komandan Xaçı (zəncirli) (1-ci dərəcəli)
Böyük Komandan Xaçı (1-ci dərəcəli)
Böyük Zabit (2-ci dərəcəli)
Komandan (3-cü dərəcəli)
Zabit (4-cü dərəcəli)
Daşıyıcı (5-ci dərəcəli)
Fəxri Orden, 1-ci dərəcəli
Fəxri Orden, 2-ci dərəcəli
Fəxri Orden, 3-cü dərəcəli

Lentlər
Böyük Komandan Xaçı (zəncirli)	Böyük Komandan Xaçı	Böyük Zabit	Komandan	Zabit	Cəngavər

Xaç

Ordenin xaçı zərli kənarları olan ağ minadan təşkil olunmuş xaçdan ibarətdir. Xaçın ön tərəfinin mərkəzində mavi minadan təşkil olunmuş medalyon yerləşir. Medalyonun mərkəzində isə 3 ədəd qızıl beşguşəli ulduzu görmək olar. Əks tərəfində isə "Per aspera ad astra" və "Latvijas Republika — 1918.g.18. novembris" (Latviya Respublikası- 18 noyabr 1918) ifadələri yazılmışdır.

Ulduz

Ulduz birinci və ikinci dərəcəli nişanlarda olur. Birinci dərəcəli nişan və ikinci dərəcəli nişan (müvafiq olaraq böyük ulduz və kiçik ulduz) yalnız dizaynına və ölçüsünə görə fərqlənir. Ulduzlar mavi minalı medalyon və onun mərkəzindəki 3 ədəd qızıl ulduz ilə gümüşdən hazırlanan beşguşəli ulduz formasındadır. Onun kənarında "Par Tēviju" (Vətən üçün) sözləri yazılmışdır.

Nişanın zənciri

Zəncir yalnız Böyük Komandan Xaçında olur. Bu ordenlə isə nadir adamlar təltif olunur. Zəncirin üzərində svastikanı, üç ulduzu, şir və qrifonu görmək olar.

Fəxri Orden

Fəxri orden bir qayda olaraq xaç təsvir olunan, öndən dəyirmi formada olan nişandır. Əks tərəfində isə "Par Tēviju" sözləri yazılmışdır. Onun kənarında palıd yarpaqlarından ibarət çələng təsvir olunub. Fəxri Orden qızıl, gümüş, bürünc olmaqla 3 sinfə ayrılır.

İstinadlar

↑ "Latvijas Valsts prezidenta mājas lapa". www.president.lv. 2016-02-01 tarixində orijinalından arxivləşdirilib. İstifadə tarixi: 2016-01-25.

Xarici keçidlər

The State Decorations of Latvia Arxivləşdirilib 2011-05-14 at the Wayback Machine, Prezident Aparatı
The Three-Star Order Arxivləşdirilib 2012-07-31 at the Wayback Machine

[1] "Latvijas Valsts prezidenta mājas lapa". www.president.lv. 2016-02-01 tarixində orijinalından arxivləşdirilib. İstifadə tarixi: 2016-01-25.

[1]