Çəhrayı Ermənistan

Vikipediya saytından
Naviqasiyaya keç Axtarışa keç
Çəhrayı Ermənistan
Loqonun şəkli
Növü qeyri-hökumət
Fəaliyyəti LGBT
Yaranma tarixi 2017
Mərkəzi
Sədr Mamikon Hovsepyan
pinkarmenia.org
pinkarmenia.org
Vikianbarın loqosu Vikianbarda əlaqəli mediafayllar

Çəhrayı Ermənistan (erm. Փինք Հայաստան; ing. Pink Armenia) – Ermənistanda LGBTQIA+ hüquqlarını müdafiə edən ilk qeyri-hökumət təşkilatı. "Çəhrayı Ermənistan" 2007-ci ildə yaradılmış və qərargahı İrəvanda yerləşir. Təşkilatın məqsədi Ermənistandakı lezbiyan, gey, biseksual, transgender fərdlərə dəstək olmaq, onların hüquqlarını müdafiə etmək, ölkədə LGBT məsələləri ilə bağlı ictimai fikri dəyişməkdir.[1]

"Çəhrayı Ermənistan" LGBT icmasının üzvləri üçün müxtəlif proqramlar və kampaniyalar təşkil edir. Təşkilatın xidmətlərinə təcili hüquqi yardım, sosial yardım, ailə dəstəyi, təcili vəziyyətlərdə kömək, psixoloji dəstək daxildir. Təşkilat cinsi sağlamlıq, insan hüquqlarının qorunması, ayrı-seçkiliyə qarşı mübarizə, bərabərlik və müxtəlifliyi müdafiə etmə, gender məsələlərini təbliğ etmə üzrə fəaliyyət göstərən yerli və beynəlxalq təşkilatlarla əməkdaşlıq edir.[2] "Çəhrayı Ermənistan"ın hazırkı direktoru Mamikon Hovsepyandır. Təşkilatın trans məsələri üzrə ixtisaslaşmış "Sağ tərəf" təşkilatı ilə yaxın əlaqələri var.[3]

2011-ci ildə "Çəhrayı Ermənistan" ILGAILGA-Avropa təşkilatlarının üzvü olmuşdur. 2014-cü ildə LGBT+ Bərabərliyi üçün Şərqi Avropa Koalisiyasının üzvlüyünə qəbul edilmişdir. Bu təşkilatın məqsədi Şərqi Avropada LGBT fərdlərinin problemlərini həll etməkdir.[4]

"Çəhrayı Ermənistan" Ermənistan hökuməti ilə dialoqlarda iştirak edir, müəyyən məsələlərdə məsləhətlər verir. 2015-ci ildə Ermənistanın BMT-nin Universal Dövri İcmalı üçün cinsi oriyentasiya və gender kimliyini Ermənistanın qaralama halında olan antiayrı-seçkilik qanununda ayrı-seçkilik üçün səbəb kimi göstərməyi töviyə etmişdir.[5]

Təşkilat 2018-ci ildə baş vermiş Ermənistan inqilabının məqsədlərini dəstəkləyir. Təşkilatın bir çox üzvü etirazlarda iştirak etmişdir.[6]

"Çəhrayı Ermənistan" 2007-ci ildə LGBT fərdlərinə dəstək olmaq məqsədilə qurulmuşdur. Qurulduğu ildən etibarən İrəvan, Dilican, Gümrü, Vanadzor şəhərlərində təlimlər və konfranslar keçirir.[7] 21 may 2012-ci ildə İrəvanda təşkilat tərəfindən müxtəliflilik paradı keçirilmişdir.[8]

2015-ci ilin mayında təşkilat Ermənistan prezindenti Serj Sarkisyana LGBT hüquqlarının qorunması barədə məktub yazmışdır.[9] 2016-cı ilin oktyabrında təşkilat tərəfindən hazırlanmış, Ermənistandakı LGBT fərdlərin həyatından bəhs edən "Mənə qulaq as: Nifrətin ötəsində danışılmamış hekayələr" filminin premyerası baş tutmuşdur.[10]

28 fevral 2018-ci ildə "Bərabərlik Ermənistan" təşkilatı "Çəhrayı Ermənistan" üçün xeyriyyə kampaniyası başlatmışdır.[11] 2022-ci ildə başlayan Rusiya–Ukrayna münaqişəsindən sonra təşkilat köməyə ehtiyacı olan ukraynalı və rusiyalı LGBT fərdlərinə dəstək olacağını bildirmişdir.[12]

  1. "About us". 3 May 2010. 2 December 2023 tarixində arxivləşdirilib. İstifadə tarixi: 16 aprel 2024.
  2. "About us". 3 May 2010. 2 December 2023 tarixində arxivləşdirilib. İstifadə tarixi: 16 April 2024.
  3. Araxie Cass. "Azad Sparks: The Fight for Transgender Rights in Armenia with Lilit Martirosyan". Azad Archives. February 1, 2023. June 9, 2023 tarixində arxivləşdirilib. İstifadə tarixi: 16 aprel 2024.
  4. "Networks and Coalitions". 12 May 2010. 2 December 2023 tarixində arxivləşdirilib. İstifadə tarixi: 16 April 2024.
  5. "LGBT activist Mamikon Hovespyan announced as equality award winner for 2017". 25 July 2017. 5 December 2023 tarixində arxivləşdirilib. İstifadə tarixi: 16 April 2024.
  6. "Armenia's LGBT+ community still waits for change one year after revolution". Reuters. 2022-11-20 tarixində arxivləşdirilib. İstifadə tarixi: 2024-04-16.
  7. "PINK ARMENIA - new LGBT related NGO registered in Armenia". 14 December 2007. 23 November 2023 tarixində arxivləşdirilib. İstifadə tarixi: 16 aprel 2024.
  8. Technologies, Peyotto. ""Փինք Հայաստանը" Հայաստանում գեյ–շքերթ կազմակերպելու նպատակ չունի". 2022-11-11 tarixində arxivləşdirilib. İstifadə tarixi: 2024-04-16.
  9. "PINK Armenia Calls Authorities to Respect LGBT Rights". 2022-11-20 tarixində arxivləşdirilib. İstifadə tarixi: 2024-04-16.
  10. "Listening to LGBT People in Armenia". 21 October 2016. 20 November 2022 tarixində arxivləşdirilib. İstifadə tarixi: 16 aprel 2024.
  11. "«Հավասարություն Հայաստան»-ը 2500 դոլար է փոխանցել Փինքի դրամահավաքին - Pink Armenia". February 28, 2018. September 27, 2023 tarixində arxivləşdirilib. İstifadə tarixi: April 16, 2024.
  12. ""Փինք Արմենիան" պատրաստ է օգնություն ցուցաբերել նաև օտարերկրացի ԼԳԲՏ անձանց". oragir.news. 2022-11-11 tarixində arxivləşdirilib. İstifadə tarixi: 2024-04-16.

Xarici keçidlər

[redaktə | mənbəni redaktə et]