Çimərlik futbolu üzrə FİFA Dünya Kuboku

Vikipediya, azad ensiklopediya
Jump to navigation Jump to search

Çimərlik futbolu üzrə Dünya KubokuFIFA tərəfindən ildə bir dəfə çimərlik futbolu üzrə keçirilən beynəlxalq turnir.

İlk Dünya çempionatı 1995-ci ildə Braziliyada, Rio-de-Janeyro çimərliklərində keçirilmiş və 2001-ci ildə Portuqaliya komandası çempionatda qələbə çalanadək ilk 6 çempionatın qalibi Braziliya yığması olmuşdur.

2005-ci ilədək Dünya çempionatının təşkilatçısı mənzil-qərargahı İspaniyada yerləşən və əsas məqsədi bu idman növünün məşhurlaşdırılması olan BSW (Beach Soccer Worldwide) təşkilatı idi. 2005-ci ildə FIFA-nın strukturunda yeni bölmə — FIFA Beach Soccer S.L. (mənzil-qərargahı Barselona, İspaniya) yaradıldıqdan sonra turnir onun egidası altında keçirilməyə başlandı. Turnirin əvvəlki adı — Beach Soccer World Championships dəyişdirilərək Beach Soccer World Cup oldu. Yəni, dünya çempionatı əvəzinə, dünya kuboku adlandırıldı, oyunların keçirilmə qaydaları və reqlament isə dəyişməz qaldı.

Braziliya yığması 16 çempionatdan 13-də qələbə qazanmış, Portuqaliya (2001), Fransa (2005) və Rusiya (2011) isə hərəyə bir dəfə çempion olmuşlar.

1995-2007-ci illərdə turnirə ev sahibliyini daimi olaraq Braziliya yerinə yetirirdi. Lakin, turnir FIFA-nın sərəncamına keçdikdən sonra ev sahibi olacaq ölkənin qitələr üzrə rotasiya qaydasında seçilməsi qərara alındı. Beləliklə, 2008-ci ildə turnir Avropada (Marsel, Fransa), 2009-cu ildə isə Asiyada (Dubay, BƏƏ) keçirildi.[1]

Dünya çempionatlarının qalibləri[redaktə | əsas redaktə]

İl Çempion 2-ci yer 3-cü yer
1995 Braziliya ABŞ İngiltərə
1996 Braziliya Uruqvay İtaliya
1997 Braziliya Uruqvay ABŞ
1998 Braziliya Fransa Uruqvay
1999 Braziliya Portuqaliya Uruqvay
2000 Braziliya Peru İspaniya
2001 Portuqaliya Fransa Argentina
2002 Braziliya Portuqaliya Uruqvay
2003 Braziliya İspaniya Portuqaliya
2004 Braziliya İspaniya Portuqaliya
2005 Fransa Portuqaliya Braziliya
2006 Braziliya Uruqvay Fransa
2007 Braziliya Meksika Uruqvay
2008 Braziliya İtaliya Portuqaliya
2009 Braziliya İsveçrə Portuqaliya
2011 Rusiya Braziliya Portuqaliya

Ölkələr üzrə[redaktə | əsas redaktə]

Ölkə Qələbə Final
Braziliya Braziliya 13 13
Portuqaliya Portuqaliya 1 4
Fransa Fransa 1 3
Rusiya Rusiya 1 1
Uruqvay Uruqvay 0 3
İspaniya İspaniya 0 2
Peru Peru 0 1
ABŞ ABŞ 0 1
Meksika Meksika 0 1
İtaliya İtaliya 0 1
İsveçrə İsveçrə 0 1

İstinadlar[redaktə | əsas redaktə]

  1. Beach Soccer World Cup — Overview