Çingiz Qənizadə

Vikipediya, azad ensiklopediya
Naviqasiyaya keçin Axtarışa keçin
Çingiz Qənizadə
Azərbaycan Respublikası Milli Məclisinin deputatı
2010 – 2020
Şəxsi məlumatlar
Doğum adı Çingiz Aşralı oğlu Qənizadə
Doğum tarixi 1 avqust 1957(1957-08-01) (66 yaş)
Doğum yeri
Partiya
Təhsili
Fəaliyyəti alim, siyasətçi

Təltifləri "Şöhrət" ordeni — 2017
İmzanın şəkli

Çingiz Aşralı oğlu Qənizadə (1 avqust 1957, Ağdaş) — Azərbaycan Respublikası Milli Məclisinin IV[1]V çağırış deputatı, hüquq üzrə fəlsəfə doktoru, hüquq müdafiəçisi.

Həyatı[redaktə | mənbəni redaktə et]

Çingiz Aşralı oğlu Qənizadə 1 avqust 1957-ci ildə Ağdaş şəhərində anadan olmuşdur. 1964–1974-cü illərdə Ağdaş şəhər Səməd Vurğun adına 1 saylı orta məktəbdə təhsil almışdır. Orta məktəbi fərqlənmə ilə bitirdikdən sonra 1975–1977-ci illərdə hərbi xidmətdə olmuşdur.

1978-ci ildə Bakı Dövlət Universitetinin Hüquq fakültəsinə daxil olmuş, 1984-cü ildə BDU-nun Hüquq fakultəsini bitirərək hüquqşünas ixtisasına yiyələnmişdir.

1989–1990-cı illər Azərbaycan Respublikasının Ədliyyə Nazirliyində şöbə rəisinin müavini, 1990–1992-ci illərdə Azərbaycan Respublikasının Vəkillər Kollegiyasının üzvü, 1992–1993-cü illərdə Bakı şəhər prokuroru vəzifələrində çalışmışdır.

1995-ci ildən Demokratiya və İnsan Hüquqları Komitəsinin sədridir. 80 saylı İmişli-Beyləqan seçki dairəsi üzrə IVV ÇağırışAzərbaycan Respublikası Milli Məclisinin deputatı olub.

2021-ci ildə Yeni Azərbaycan Partiyası sıralarına qəbul olunması üçün YAP sədri, prezident İlham Əliyevə məktubla müraciət etmişdir. Bundan sonra prosedura uyğun olaraq Yeni Azərbaycan Partiyasının Binəqədi rayon təşkilatının Aparatı ərazi ilk partiya təşkilatı İdarə Heyətinin 9 Fevral 2021-ci tarixli iclasının qərarı ilə partiya sıralarına qəbul edilmişdir. 10 fevral 2021-ci il tarixdə isə Yeni Azərbaycan Partiyası Binəqədi rayon təşkilatının İdarə Heyətinin iclasında partiya sıralarına üzvlüyü təsdiq edilmişdir.[2]

Parlament fəaliyyəti[redaktə | mənbəni redaktə et]

Azərbaycan Respublikası Milli Məclisinin Hüquq siyasəti və dövlət quruculuğu komitəsinin üzvü olub. Bosniya-Herseqovina parlamentlərarası əlaqələr üzrə işçi qrupunun rəhbəri olub. Türkiyə, Rusiya, Avstriya, İspaniya, Çexiya, Finlandiya, Belarus, Yunanıstan və Fransa Parlamentlərarası İşçi Qrupunun üzvü olub.

Azərbaycan Respublikasının Prezidenti İlham Əliyevin təşəbbüsü ilə 20 oktyabr 2014-cü ildə yaradılmış İnsan Hüquqları Məsələləri üzrə Birgə İşçi Qrupun üzv olub. Azərbaycan Respublikasının Prezidenti İlham Əliyevin 22 dekabr 2014-cü il tarixli Sərəncamına əsasən Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü təyin edilmişdir. Ədliyyə Naziri yanında Penitensiar Xidmətdə ictimai nəzarəti həyata keçirən İctimai Komitənin koordinatoru olub (2013–2017).

Avropa Şurası Parlament Assambleyasında Azərbaycan Parlamenti nümayəndə heyətinin üzvüdür. AŞPA-da Hüquq və İnsan haqqları komitəsinin üzvü olub.

Türkdilli Ölkələrin Parlament Assambleyasının (TÜRKPA) Azərbaycan nümayəndə heyətinin tərkibində olmaqla TÜRKPA-nın Hüquq komissiyasının üzvü olmuşdur. (2010–2015-ci illər).[3] Milli Məclisin deputatı olmamışdan öncə Avropa Şurası Parlament Assambleyasında ekspert olaraq 15 il ərzində dəfələrlə AŞPA-da olmuşdur. AŞPA-nın müxtəlif komitələrində, iclaslarında, habelə AŞ-nın Baş Katibi, AŞPA-nın sədri və AŞ-nın İnsan Hüquqları üzrə Ali komissarı və digər rəsmilərlə görüşlərdə iştirak etmişdir.

GOPAC – Korrupsiya Əleyhinə Parlamentarilərin Qlobal Təşkilatının 2013-cü ildən Azərbaycan Parlamenti nümayəndə heyətinin üzvüdür. 14.02.2012 tarixində "Həbs yerlərində saxlanılan şəxslərin hüquq və azadlıqlarının təmin edilməsi haqqında" AR-nın Qanun layihəsini Milli Məclisin müzakirəsinə təqdim etmişdir.

Mükafatlar[redaktə | mənbəni redaktə et]

Azərbaycan Respublikasının Prezidenti İlham Əliyevin 31 iyul 2017-ci il tarixli Sərəncamı ilə Çingiz Aşralı oğlu Qənizadə Azərbaycan Respublikasının İctimai-siyasi həyatında fəal iştirakına görə "Şöhrət" ordeni ilə təltif edilmişdir.[4]

Şəxsi həyatı[redaktə | mənbəni redaktə et]

Ailəlidir, iki övladı, 5 nəvəsi var.[5]

İstinadlar[redaktə | mənbəni redaktə et]

  1. Dördüncü çağırış Azərbaycan Respublikası Milli Məclisinin 2010-ci il 29 noyabr tarixli iclasın stenoqramı. Arxivləşdirilib 2020-10-28 at the Wayback Machine meclis.gov.az  (az.)
  2. "Çingiz Qənizadə YAP-a üzv oldu" (az.). azvision.az. 11 fevral 2021. 1 March 2021 tarixində arxivləşdirilib. İstifadə tarixi: 28 may 2021.
  3. "Çingiz Qənizadə hesabat verdi". sonxeber.az. 2022-01-24 tarixində arxivləşdirilib. İstifadə tarixi: 27 noyabr 2017.
  4. "Ç.A.Qənizadənin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az. 31 iyul 2017. 2018-04-10 tarixində arxivləşdirilib. İstifadə tarixi: 27 noyabr 2017.
  5. ""Bu mənə bəzən əziyyət verir" - Çingiz Qənizadə". qafqazinfo.az. 01.08.2017. 2022-01-18 tarixində arxivləşdirilib. İstifadə tarixi: 27 noyabr 2017.