Ömür Nağıyev

Ömür Nağıyev
Ömür Məlik oğlu Nağıyev
Doğum tarixi	1 iyun 1953
Doğum yeri	Bakı şəhəri
Vəfat tarixi	31 dekabr 2013 (60 yaşında)
Vəfat yeri	Bakı
Vətəndaşlığı	SSRİ  Azərbaycan
Fəaliyyəti	Aktyor
Fəaliyyət illəri	1972–2012
Təhsili	Sergey Gerasimov adına Ümumrusiya Dövlət Kinematoqrafiya Universiteti
Mükafatları
IMDb	ID0619341

Ömür Məlik oğlu Nağıyev — Azərbaycan aktyoru və rejissoru, Azərbaycanın əməkdar artisti, ikinci rejissor, arxiv kadrlarda iştirak edən.

Həyatı

1953-cü ildə Bakı şəhərində anadan olub. 1975-1979-cu illərdə Moskvada Ümumittifaq Dövlət Kinematoqrafiya İnstitutunun kino və televiziya rejissorluğu fakültəsini bitirib. 1972-ci ildən etibarən "Azərbaycanfilm" kinostudiyasında işləyib. 30-dan çox filmdə çəkilib. "Azərbaycanfilm" kinostudiyasının nəzdində fəaliyyət göstərən kinoaktyor teatr studiyasında çalışmışdır. Bakı Bələdiyyə teatrında işləyib.

“Qanlı zəmi”, “Yeddi oğul istərəm”, “İmtahan”, “İşarəni dənizdən gözləyin”, “Bizim küçənin oğlanları”, “Bəyin oğurlanması”, “Doğma sahillər” kimi filmlərdə yaratdığı obrazlar qalereyası, Bakı Bələdiyyə Teatrının səhnəsində həyat verdiyi rəngarəng rolları xüsusilə vurğulanmalıdır.

2005-ci ildən S.Vurğun adına Rus Dram teatrının aktyorudur. Teatrda işlədiyi müddətdə bir neçə obrazlar yaradıb. Onlardan: Bernar (K.Xiqqins "Qarold və Mod"), Prokuror (M.İbrahimbəyov "Neft bumu"), Qersoq Kornuelski (U.Şekspir "Kral Lir"), Polis (Elçin "Ubiysa"), Azər-baba (S.Vurğun "Fərhad və Şirin") kimi obrazları aktyorun rəngarəng yaradıcılıq palitrasının nümunələrindəndir.

31 dekabr 2013-cü ildə Mərkəzi Neftçilər Xəstəxanasında vəfat edib. Hövsan qəbiristanlığında dəfn olunub.

• Aktrisa Nəsibə Eldarovanın həyat yoldaşı olmuşdur.

Filmoqrafiya

1. Abşeron gizlinləri (film, 2008)(qısametrajlı sənədli film)(Aztv)
2. Axtaran tapar (film, 1980)
3. Anın quruluşu (film, 1980)(tammetrajlı bədii film)-rol: Tofiq
4. Arxada qalmış gələcək (film, 2004)
5. Asif, Vasif, Ağasif (film, 1983)
6. Azərbaycanın dəniz qapısı (film, 1992)
7. Bağlı qapı (film, 1981)
8. Bəxtəvər (film, 1990)
9. Bəyin oğurlanması (film, 1985)
10. Bir anın həqiqəti (film, 2003)
11. Bircəciyim (film, 1986)
12. Biz qayıdacağıq (film, 2007)
13. Bizim küçənin oğlanları (film, 1973)
14. Cavid ömrü (film, 2007)
15. Cin mikrorayonda (film, 1985)
16. Dəli Kür (film, 1969)
17. Doğma sahillər (film, 1989)
18. Evin kişisi (film, 1978)
19. Ərazi (film, 2005)
20. Əzablı yollar (film, 1982)
21. Gözlə məni (film, 1980)
22. Güllələnmə təxirə salınır!... (film, 2002)
23. Gümüşü furqon (film, 1982)
24. Həyat bizi sınayır (film, 1972)
25. İmtahan (film, 1987)
26. İstanbul reysi (film, 2010)
27. İşarəni dənizdən gözləyin (film, 1986)
28. Muradına çatan Günəş
29. Nə gözəldir bu dünya... (film, 1999)
30. Onun taleyi (film, 1991)
31. Qanlı zəmi (film, 1985)
32. Sirr (serial, 2012)
33. Şeytan göz qabağında (film, 1987)
34. Var olun, qızlar... (film, 1972)
35. Vəkil hanı? (film, 2011)
36. "Yapon" və yaponiyalı (film, 1990)
37. Yeddi oğul istərəm... (film, 1970)

Mənbə

• "Kinoaktyor studiyasının fəaliyyəti (1966-1974)". Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 169.

Xarici keçidlər

• İzlə