Üçyüzotuzbeşillik müharibə

Vikipediya, azad ensiklopediya
Jump to navigation Jump to search
Üçyüzotuzbeşillik müharibə
İngiltərədə vətəndaş müharibəsi
335 years war locations.png
Tarix 30 mart 1651 – 17 aprel 1986
Yeri Silli adaları
Nəticəsi Status quo ante bellum
Münaqişə tərəfləri

Silli adaları
 Böyük Britaniya
Kornuoll

Yeddi Birləşmiş Əyalət Respublikası
 Niderland

Komandan(lar)

Con Qranvill
Silli adaları
Böyük Britaniya II Elizabet
Böyük Britaniya Marqaret Tetçer
Corc Hyu Boskaven

Marten Harpertszon Tromp
Niderland Beatriks
Niderland Ruud Lübbers

Ölənlər və yaralananlar

yoxdur

yoxdur

Üçyüzotuzbeşillik müharibə (nid. Driehonderdvijfendertigjarige Oorlog, korn Bell a dri hans pymthek warn ugens) — NiderlandBirləşmiş Krallığın bir parçası olan Silli adaları arasında müharibə. Sülh müqaviləsi imzalanmadığından müharibə rəsmi olaraq bir dəfə də olsun atəş açılmadan 335 il davam etmiş, tarixin ən uzun müharibələrindən və ən az itki verən müharibələrindən biri olmuşdur. Tərəflər 1986-cı ildə sülh müqaviləsi imzalamışdır.

Zəmin[redaktə | mənbəni redaktə et]

Müharibənin mənşəyi 1642–1652-ci illərdə royalistlər və parlament tərəfdarları arasında baş tutmuş İngiltərə vətəndaş müharibəsinin hadisələrinə təsadüf edir.[1] Oliver Kromvel İngiltərə krallığının kənarında royalistlərlə savaşır. Kornuoll royalistlərin Qərbi İngiltərədəki son qalası idi. Kromvel 1648-ci ildə Kornuollun bütün materik ərazilərini fəth edir. Beləliklə, royalist donanması Kornuoll sahillərindən Silli adalarına çəkilmək məcburiyyətində qalır.[2]

Müharibə[redaktə | mənbəni redaktə et]

1651-ci ilin iyununda, müharibə elan edildikdən qısa müddət sonra, admiral Robert Bleykin komandanlığı altındakı parlament qüvvələri royalist donanmasını təslim olmağa məcbur edir. Artıq heç bir təhdid altında olmayan Niderland donanması bir dəfə də olsun atəş açmır. Hollandlar Silli adalarının kiçikliyinə görə sülh müqaviləsi imzalamağı unudur.[2]

1985-ci ildə tarixşünas və Silli Şurasının sədri Roy Dunkan adaların hələ də Niderland ilə müharibə şəraitində olduğu anlayışından[3] qurtulmaq üçün London şəhərində yerləşən Niderland səfirliyinə məktub yazır. Səfirlik işçiləri bunun texniki cəhətdən doğru olduğunu aşkar edirlər. Bunun nəticəsində, Dunkan Niderland səfirini adalara dəvət edir və bu iki tərəf 17 aprel 1986-cı il tarixində sülh müqaviləsi imzalayaraq 335 il davam edən müharibəni sona çatdırır.[4]

Mənbə[redaktə | mənbəni redaktə et]

İstinadlar[redaktə | mənbəni redaktə et]

  1. Hemmings, Jay. "The Three Hundred & Thirty-Five Years' War – The Longest War In History". WAR HISTORY ONLINE (ingilis). 2019-03-02. İstifadə tarixi: 2019-05-13.
  2. 1 2 Young-Brown, Fiona. "The Longest War in the World Had No Casualties". Atlas Obscura. 19 yanvar 2016. İstifadə tarixi: 4 aprel 2019.
  3. "Dutch Proclaim End of War Against Britain's Scilly Isles". The New York Times. Associated Press. 18 aprel 1986. ISSN 0362-4331. İstifadə tarixi: 4 aprel 2019.
  4. "Britain: Peace in Our Time". Time. 28 aprel 1986. 24 avqust 2013 tarixində arxivləşdirilib. İstifadə tarixi: 1 dekabr 2015.

Ədəbiyyat[redaktə | mənbəni redaktə et]

Xarici keçidlər[redaktə | mənbəni redaktə et]

  • Duncan, Steve. "335 Year War". Scilly Archive. Scilly News. 27 April 2004. İstifadə tarixi: 30 July 2015.