Ülviyyə Şamilqızı

Vikipediya, azad ensiklopediya
Jump to navigation Jump to search
Ülviyyə Şamilqızı
Ülviyyə Şamil qızı Məmmədova
Ülviyyə Şamilqızı.jpeg
Doğum tarixi 24 aprel 1986(1986-04-24)
Doğum yeri Gəncə, Azərbaycan SSR, SSRİ
Vəfat tarixi 23 yanvar 2018 (31 yaşında)
Vəfat yeri Həştərxan vilayəti, Rusiya
Dəfn yeri Gəncə, Azərbaycan[1]
Vətəndaşlığı
Atası Şamil Məmmədov
Milliyyəti Azərbaycanlı
Fəaliyyəti Jurnalist

Ülviyyə Şamilqızı (Məmmədova) (d.  23 aprel, 1986, Gəncə, Azərbaycan SSR, SSRİ – ö. 24 yanvar, 2018, Həştərxan vilayəti, Rusiya) — Azərbaycan jurnalisti.

Həyatı[redaktə | əsas redaktə]

Ülviyyə Şamilqızının atası Şamil Məmmədov Qarabağ müharibəsində 1992-ci il oktyabr ayının 31-də əsgərləri Ağdərə rayonundakı hərbi-hissəyə təhvil verib qayıtmaq tapşırığı alsa da, əsgərləri təhvil verdikdən sonra geri qayıtmayıb.[2] Gizir Şamil Məmmədov yaralı əsgərləri xilas etmək üçün həmin əraziyə doğru irəliləyib. Amma özü də yaralanaraq həmin ərazidə qalıb. Döyüş bölgəsində vəziyyətin ağır olduğunu görüb əsgərlərinin yanında qalır. Bu vaxt ermənilər hücuma keçib. Əsgərlərdən bir neçəsi yaralanıb.

Yaralıların olduğu ərazi atəş altında saxlandığından yaralıları döyüş meydanından çıxarmaq mümkün olmayıb. Gizir Şamil Məmmədov yaralı əsgərləri xilas etmək üçün həmin əraziyə doğru irəliləyib. Amma özü də yaralanaraq həmin ərazidə qalıb. Vəziyyət getdikcə daha da ağırlaşdığından Azərbaycan hərbçiləri döyüş mövqelərini itirərək, geri çəkilməyə məcbur olub. Bu səbəbdən gizir Şamil Məmmədovla yanaşı, bir neçə yaralı əsgəri də ərazidən uzaqlaşdırmaq mümkün olmayıb. Həmin vaxtdan sonra, ona ilk olaraq itkin və daha sonra ona şəhid statusu verilib.[3]

Ülviyyə Şamilqızı bir sıra KİV-lərdə, o cümlədən "Xalq Cəbhəsi" qəzetində çalışıb.[4] O, 2013-cü il sentyabrın 27-də partiyanın keçirdiyi mitinqdə üzürlü səbəbdən iştirak etmədiyi üçün işdən qovulub.[4]

O, həm də "Report" İnformasiya Agentliyində çalışıb.[1] O, fəaliyyəti dövründə dəfələrlə jurnalistlər arasında keçirilən müsabiqələrin qalibi və mükafatçısı olub. Ü.Şamilqızı təhsilini davam etdirmək üçün 2017-ci ildən Rusiyanın Həştərxan şəhərində yaşayırdı.[1]

2018-ci il yanvarın 23-də Ülviyyə Şamilqızını Rusiyanın Həştərxan vilayətin Trusovsk rayonunda Tambov-Volqoqrad-Həştərxan şosesinin 1378-ci kilometrliyində, Magistral küçəsində 30 yaşlı şəxsin idarə etdiyi "Volkswagen Passat" markalı avtomobil vuraraq öldürüb.[1][5][6]

İstinadlar[redaktə | əsas redaktə]

  1. 1 2 3 4 "Azərbaycanlı jurnalisti Rusiyada avtomobil vuraraq öldürüb". report.az. report.az. İstifadə tarixi: 24 yanvar 2018.
  2. "Bu, onun ailəsində ilk faciə deyil... - Ülviyyə Şamilqızı". teleqraf.com. teleqraf.com. İstifadə tarixi: 26 yanvar 2018.
  3. "Jurnalist Ülviyyə Şamilqızı barədə ürək dağlayan fakt". anews.az. anews.az. İstifadə tarixi: 25 yanvar 2018.
  4. 1 2 "Qüdrət Həsənqulievin mitinqinə getmədiyi üçün işdən qovuldu". simsar.az. simsar.az. İstifadə tarixi: 26 yanvar 2018.
  5. "Azərbaycanlı xanım jurnalist yol qəzasında öldü". news.day.az. news.day.az. İstifadə tarixi: 24 yanvar 2018.
  6. "Jurnalist Ülviyyə Şamilqızı dəfn olunub". www.ekspress.az. www.ekspress.az. İstifadə tarixi: 26 yanvar 2018.