Ümumdünya Kitab Günü
Ümumdünya Kitab Günü və ya Ümumdünya Kitab və Müəlliflik Hüququ Günü — 1995-ci ildə UNESCO tərəfindən təsdiq edilmişdir. Həmin gün dünya ədəbiyyatında simvolik tarixdir. 23 aprel - Vilyam Şekspir, Migel de Servantes və İnka Qarsilaso dela Veqa kimi bir sıra görkəmli ədiblərin vəfat etdiyi gündür.
Tarix seçimi[redaktə | mənbəni redaktə et]
YUNESKO-nun 1995-ci ildə keçirilən 28-ci sessiyasında 23 aprelin Ümumdünya Kitab və Müəlliflik hüququ Günü elan edilməsi bərədə qərar qəbul olunub.
Regionlara görə Ümumdünya Kitab Günü[redaktə | mənbəni redaktə et]
Azərbaycan[redaktə | mənbəni redaktə et]
Azərbaycanda Dünya Kitab Günü və ya Ümumdünya Kitab və Müəlliflik Hüququ Günü 1997-ci ildən qeyd edilir.[1]
İspaniya[redaktə | mənbəni redaktə et]
İspaniyada Kitab Günü 1926-cı ildən hər il oktyabrın 7-də, Migel de Servantesin anadan olduğu güman edilən tarixdən qeyd olunmağa başladı.[2] Lakin bu günü açıq havada gəzinti və kitabları vərəqləmək üçün daha xoş bir mövsümdə qeyd etmək daha məqsədəuyğun hesab edilmişdir. Beləliklə, 1930-cu ildə Kral XIII Alfonso, Servantesin ehtimal edilən ölüm tarixi olan 23 apreldə kitab gününün qeyd edilmə tarixinin dəyişdirilməsini təsdiqlədi.[3]
İsveç[redaktə | mənbəni redaktə et]
İsveçdə bu gün Världsbokdagen ("Ümumdünya Kitab Günü") kimi tanınır və müəllif hüququ aspekti nadir hallarda qeyd olunur.[4] Adətən aprelin 23-də qeyd olunurdu, Pasxa bayramı ilə toqquşmamaq üçün 2000 və 2011-ci illərdə aprelin 13-nə çəkildi.[5]
Böyük Britaniya və İrlandiya[redaktə | mənbəni redaktə et]
Böyük Britaniya və İrlandiyada Ümumdünya Kitab Günü mart ayında hər il ilk cümə axşamı keçirilən və xüsusi nəşrlərin buraxılışı ilə üst-üstə düşən xeyriyyə tədbiridir.[6] Hər il aprelin 23-də qeyd olunan Ümumdünya Kitab Gecəsi müstəqil xeyriyyə təşkilatı The Reading Agency tərəfindən təşkil edilir.
Amerika Birləşmiş Ştatları[redaktə | mənbəni redaktə et]
Merilend ştatının Kensinqton şəhərində Beynəlxalq Kitab Günü 26 aprelə ən yaxın bazar günü küçə festivalı ilə qeyd olunur.[7]
2020-ci ildə 15-ci İllik Kensinqton Kitab Festivalı Günü COVID-19 pandemiyası səbəbindən ləğv edildi.
İstinadlar[redaktə | mənbəni redaktə et]
- ↑ "23 aprel Ümumdünya Kitab və Müəllif Hüquqları Günüdür". nuhcixan.az. 2022-04-04 tarixində orijinalından arxivləşdirilib.
- ↑ "World Book Day April 23". www.skipthelinebarcelona.com. 3 April 2021. 2022-03-31 tarixində arxivləşdirilib. İstifadə tarixi: 2021-04-23.
- ↑ The World Book Day | url=https://www.skipthelinebarcelona.com/world-book-day/ Arxivləşdirilib 2022-03-31 at the Wayback Machine
- ↑ Världsbokdagen flyttas Arxivləşdirilib 2012-04-08 at the Wayback Machine, Svensk Bokhandel, 22 October 1999
- ↑ Världsbokdagen "flyttas" Arxivləşdirilib 2011-04-17 at the Wayback Machine, Dagens Nyheter, 11 November 2010.
- ↑ "Frequently Asked Questions". World Book Day (UK & Ireland). 2019-03-07. 2012-02-12 tarixində arxivləşdirilib. İstifadə tarixi: 2019-03-07.
- ↑ "Kensington Day of the Book Festival - TOK". Town of Kensington. 2021-01-16 tarixində arxivləşdirilib. İstifadə tarixi: 2022-04-04.