Migel de Servantes

Vikipediya, açıq ensiklopediya
Keçid et: naviqasiya, axtar
Migel de Servantes
Miguel de Cervantes Saavedra
Cervates jauregui.jpg
Doğum tarixi 29 sentyabr 1547(1547-09-29)
Doğum yeri Alkala de Enares, İspaniya
Vəfatı 23 aprel 1616 (68 yaşında)
Vəfat yeri Madrid, İspaniya
Milliyyəti İspan
Fəaliyyəti novellaçı, şair, dramaturq
Əsərlərinin dili İspan
İstiqamət intibah, manyerizm
Janr roman, novella, tragediya, intermediya
Miguel de Cervantes signature.svg

Migel de Servantes Saavedra (isp. Miguel de Cervantes Saavedra; 29 sentyabr 1547 - 23 aprel 1616) — ispan yazıçısı, şair və dramaturqu. Onun "Don Kixot" romanı klassik Qərb və dünya ədəbiyyatının ən yaxşı romanlarından biri sayılır. Onun bədii üslubu ispan dilinin inkişafında mühüm rol oynamışdır.

Həyatı[redaktə]

29 sentyabr 1547-ci ildə Alkala de Enares adlı kiçik Kastiliya şəhərciyində, Rodriqo de Servantesin ailəsində dünyaya gəlmişdir. Həyatının ilk illəri haqqında az məlumat vardır. Həyatının çoxunu ailəsi ilə şəhər-şəhər gəzmişdir. Bu illərdə Migel Cozefina adlı gənc bir qadınla tanış olmuş və bir-birlərini sevmişlər. Lakin Cozefinanın atası onların görüşməsinə icazə verməmişdir.

1569-cu ildə Servantes İtaliyaya köçmüşdür. 1575-ci ildə quldurlar tərəfindən əsir alınmışdır. Sonralar o Madridə qayıtmışdır.

Onun Kastiliyanı tərk etmə səbəbləri naməlumdur. Görkəmli ədib Madriddə vəfat etmişdir.

Yaradıcılığı[redaktə]

1585-ci ildə Servantes "Qalateya" adlı pastoral roman, 1605-ci ildə "Don Kixot"un birinci hissəsini sonralar müxtəlif hekayələrini: "Qaraçı qız", "Qan gücü", "Ledi Korneliyanın romanı", "İtlərin söhbəti", 1615-ci ildə isə "Don Kixot"un ikinci hissəsini yazmışdır.

"Don Kixot" Lamançlı Don Kixotun macəralarından ibarət iki hissəli roman olmaqla, ədibin dünya şöhrəti qazanmasında əsas yeri tutur.

Servantes həm də lirik şeirlər müəllifidir. Lope de Veqadan əvvəl onun dramları ispan ədəbiyyatında böyük hadisə olmuşdu.