İbrahim Mehdiyev

İbrahim Mehdiyev
Yasamal Rayon İcra Hakimiyyətinin başçısı
26 sentyabr 2006 – 1 iyul 2017
Xətai Rayon İcra Hakimiyyətinin başçısı
2000 – 2006
Şəxsi məlumatlar
Doğum tarixi	1 aprel 1946
Doğum yeri	Ağdaş rayonu, Azərbaycan SSR, SSRİ
Partiya	Yeni Azərbaycan Partiyası (1993)
Təltifləri

İbrahim Əsgər oğlu Mehdiyev (1 aprel 1946, Ağdaş rayonu) — Yasamal Rayon İcra Hakimiyyətinin başçısı (2006–2017).

Həyatı

1 aprel 1946-cı ildə Ağdaş rayonunda anadan olub. 1963-cü ildə Yevlax şəhərində orta məktəbi, 1969-cu ildə M. Əzizbəyov adına Azərbaycan Dövlət Neft və Kimya İnstitutunu bitirib.

Əmək fəaliyyətinə 1963-cü ildə başlayan İ. Mehdiyev "Azərelektroişıq" zavodunda çilingər, mühəndis-texnoloq, sex rəisi, şöbə rəisi, mexanika-energetika şöbəsinin rəisi, "Elektomaş" Elmi Tədqiqat İnstitutunda baş elmi işçi, "Azərelektroişıq" İstehsalat Birliyində sex rəisi, Birliyin baş mühəndisi, Elmlər Akademiyasının Fizika İnstitutunun "Kristal" zavodunda istehsalat rəisi, Protez-Oktopedik Bərpa Mərkəzinin direktoru kimi vəzifələrdə işləyib.

2000-ci ildən 2006-cı ilədək Bakı şəhər Xətai Rayon İcra Hakimiyyətinin başçısı vəzifəsində çalışıb.

Azərbaycan Respublikası Prezidentinin 26 sentyabr 2006-cı il tarixli Sərəncamı ilə Bakı şəhər Yasamal rayon İcra Hakimiyyətinin başçısı təyin edilib. Azərbaycan Respublikası Prezidentinin 1 iyul 2017-ci il tarixli Sərəncamı ilə Bakı şəhər Yasamal rayon İcra Hakimiyyətinin başçısı vəzifəsindən azad edilib.

1974-cü ildə "Şərəf Nişanı" Ordeni ilə təltif olunub. 1993-cü ilin fevral ayından Yeni Azərbaycan Partiyasının üzvüdür.

Evlidir, iki övladı var.

Xarici keçidlər

• İbrahim Mehdiyev Hacı Cavad məscidinin "sökülməsinə görə" işdən çıxarılıb
• Prezident icra başçısını məscidə görə cəzalandırdı (Video)