İbrahim Səfərov (professor)

Vikipediya, açıq ensiklopediya
Jump to navigation Jump to search
İbrahim Səfərov
İbrahim Səfər oğlu Səfərov
İbrahim Səfərov (professor).jpg
bayraqAzərbaycan SSR Nazirlər Sovetinin sədr müavinibayraq
1952 — 1953
bayraqAzərbaycan SSR Meşə Təsərrüfatı Nazirinin birinci müavinibayraq
1945 — 1952
Xələfi Mehdi Mustafayev
Şəxsi məlumatlar
Doğum tarixi 28 avqust 1913(1913-08-28)
Doğum yeri Quşçu, Şamaxı qəzası, Bakı quberniyası, Rusiya İmperiyası
Vəfat tarixi 22 noyabr 1998(1998-11-22) (85 yaşında)
Vəfat yeri Bakı, Azərbaycan
Elmi fəaliyyəti
Elm sahəsi meşəçilik
Elmi dərəcəsi kənd təsərrüfatı üzrə elmlər doktoru
İş yeri Azərbaycan Elmlər Akademiyası

Mükafatları "Şöhrət" ordeni  — 1998 "Şərəf Nişanı" ordeni
"Azərbaycan SSR əməkdar meşəçisi" fəxri adı — 1964 Золотая медаль на зелёной ленте.png Серебряная медаль на синей ленте.png Бронзовая медаль на красной ленте.png

Səfərov İbrahim Səfər oğlu — Azərbaycanda meşəçilik elminin banilərindən biri, Azərbaycan Təbiəti Mühafizə Cəmiyyətinin sədri, Azərbaycan Elmlər Akademiyasının müxbir üzvü, kənd təsərrüfatı üzrə elmlər doktoru, professor.

Həyatı[redaktə | əsas redaktə]

İbrahim Səfərov 28 avqust 1913-ci ildə Şamaxı rayonunun Quşçu kəndində anadan olmuşdur. Meşəçilik (Tiflis şəhərində) və hüquqşünaslıq sahələrində iki ali təhsil almışdır.

1939-1940-cı illərdə Azərbaycan Xalq Komissarlığının Baş meşə-sənaye idarəsinə baş mühəndis, daha sonra isə Bakı Kənd Təsərrüfatı Texnikumuna direktor vəzifəsinə təyin edilmişdir. 1942-1945-ci illərdə zabit rütbəsində İkinci dünya müharibəsində iştirak edərək, Bessarabiyanı azad edənlər sırasında olmuşdur. 1945-1952-ci illərdə Azərbaycan SSR Meşə Təsərrüfatı Nazirinin birinci müavini vəzifəsində çalışmışdır. 1952-1953-cü illərdə Azərbaycan SSR Nazirlər Sovetinin sədr müavini və eyni zamanda, sovxozlar naziri vəzifəsində çalışmış, 1953-1961-ci illərdə Azərbaycanın ən iri elmi-tədqiqat institutlarından biri olan Əkinçilik İnstitutuna rəhbərlik etmişdir. Onun rəhbərliyi altında institutda əkinçiliklə yanaşı, tərəvəzçilik, yemçilik, mexanizasiya, genetika, seleksiya sahələrinə dair geniş tədqiqat işləri də aparılmışdır.

1961-ci ildən ömrünün sonuna kimi Elmlər Akademiyasının Botanika İnstitutunda çalışmış və yaradıcılıq fəaliyyətini həmin institutun meşəşünaslıq laboratoriyasına bağlamışdır. Onun elmi işinin əsas istiqamətini meşəşünaslıq, biogeosenologiya, ekologiya, bitkilərin sistematikası, yaşıllaşdırma və s. təşkil etmişdir. 1949-cu ildə "Dəmir ağacının bioekoloji xüsusiyyətləri və onun təsərrüfat əhəmiyyəti" mövzusunda namizədlik, 1961-ci ildə isə "Azərbaycanın 3-cü dövr qiymətli relikt ağac bitkiləri" mövzusunda doktorluq dissertasiyalarını müdafiə etmişdir.

Alimin rəhbərliyi altında terras üsulu ilə eroziyaya uğramış sahələrdə püstə, badam və başqa qozmeyvəlilərin plantasiyası yaradılmışdır. Onun əməyinin elmi axtarışları 200-dən çox elmi məqalə, o cümlədən 10 monoqrafiyada öz əksini tapmışdır. Rəhbərliyi altında 2 elmlər doktoru, 25-ə yaxın elmlər namizədi dissertasiyası müdafiə edilmişdir.

İ.Səfərovun hərbi və əmək xidmətləri dövlət tərəfindən yüksək qiymətləndirilmişdir. O, Sovet İttifaqının və Müstəqil Azərbaycan Respublikasının 20 medal və ordenlərinə layiq görülmüşdür. 1998-ci ildə Azərbaycan Respublikası Prezidenti Heydər Əliyevin fərmanına əsasən Şöhrət ordeni ilə təltif olunmuşdur.

Əsərləri[redaktə | əsas redaktə]

  • Леса Кавказа. Владикавказ, 1991.
  • Редкие деревья и кустарники лесов Азербайджана. Баку, Маариф, 1985
  • Платан Восточный. Баку, Азернешр, 1981
  • Субтропические леса Талыша. Баку, Элм, 1979

Mənbələr[redaktə | əsas redaktə]