İlham Nəzərov

Vikipediya, azad ensiklopediya
Jump to navigation Jump to search
İlham Nəzərov
İlham İslam oğlu Nəzərov
İlham Nəzərov.jpg
İlham İslam oğlu Nəzərov
Sənətçi məlumatları
Doğum tarixi 5 oktyabr 1985 (1985-10-05) (34 yaş)
Doğum yeri Şirvan şəhəri , Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Peşələri Opera ifaçısı, Müğənni,
Müəllim (Vokal)

Üslub Opera
Səs tembri Bariton, kontratenor
Mükafatları "Azərbaycan Respublikasının əməkdar artisti" fəxri adı — 2017

'İlham' Nəzərov (İlham İslam oğlu Nəzərov; d. 5 oktyabr 1985, Şirvan şəhəri, Azərbaycan SSR, SSRİ) — Azərbaycanın ilk [1] və yeganə Kontratenor səs tembri ilə ifa edən Opera sənətçisi, Azərbaycan Respublikasının əməkdar artisti (9 mart 2017).

Həyatı[redaktə | əsas redaktə]

İlham Nəzərov 5 oktyabr 1985-ci ildə Şirvan şəhərində anadan olub. 2003-cü ildə Bül-Bül adına orta ixtisas musiqi məktəbini vokal fakultəsini bitirmiş, Üzeyir Hacıbəyli adına Bakı Musiqi Akademiyasına "Solo Oxuma" fakultasinə daxil olmuşdur. 2007-ci ildə Bakalavr dərəcəsinə yiyələnərək akademiyanı bitirmiş və "Solo Oxuma" fakultəsinin magistr pilləsinə daxil olmuşdur.

2007-2008-ci illərdə Heydər Əliyev adına Ali Hərbi Məktəbinin orkestrində "hərbi xidmət keçmiş" , 2010-cu ildə isə Magistraturanı fərqlənmə diplomu ilə bitirmişdir. 2010-2013-cü illərdə İtaliyanın tanınmış musiqi akademiyalarından olan "Accademia D'arte lirica Osimo" da təhsil almışdır. Bu illər ərzində İlham Nəzərov Almaniya,Fransa,Avstria,Çexiya kimi bir çox avropa ölkələrində dünya şöhrətli opera və kamera ifaçılarından ustad dərsləri almışdır.

İlham Nəzərov Kontrtenor səs tembri ilə yanaşı , bas-bariton kimi də Azərbaycan Respublikansında və onun xaricində bir çox Opera tamaşalarının, festivalların, konsertlərin iştirakçısıdır.

2006-cı ildə Üns Yaradıcılıq Səhnəsində "Bakı" tamaşasında solist kimi çıxış etmiş, 2007-ci ildə Bakı Musiqi Akademiyasında "Fiqaronun toyu" operasında- Fiqaro obrazının ifaçısı, 2009 Üns Yaradıcılıq Səhnəsində "Notre Dame De Paris" müziklində baş qəhrəman olan Kvazimodo obrazını, canlandırmışdır (Fransız dilində), "Notre Dame De Paris" müziklini 2010-cu ildə Heydər Əliyev adına Respublika sarayında Rus dilində ifa etmişdir.

2010-cu ildə Heydər Əliyev adına Respublika sarayında "İntizar" operasında - Yad adam obrazını, Azərbaycan Dövlət Akademik Opera və Balet Teatrında "Təlxəklər" operasında - Silvio obrazını, "Leyli və Məcnun" operasında - Nofəl obrazını, "Aleko" operasında baş qəhrəman olan Aleko obrazını, "Canni Skikki" operasında - Betto di Signo obrazını, "Sehirli fleyta" operasında Papageno obrazını, "Qaratoxmaq qadın" Operasında - Prilepa obrazını müvəffəqiyyətlə canlandırmışdır.

İlham Nəzərov ölkəmizdən xaricdə onlarla opera tamaşasında " Nerone ", "Agrippina" , "Orfeo", "Sesto", "Cesare", "Orlofsky" , "Ariodante", "Oberon", "Ruggiero" və. s kimi müxtəlif obrazları böyük ustalıqla canlandırmışdır.

Respublikamızın mədəniyyət tarixində ilk dəfə olaraq Azərbaycan Dövlət Opera və Balet teatrında Kontrtenor kimi "Fiqaronun toyu" operasında - Kerubino obrazını ifa etmişdir. Bu hadisə Azərbaycan mədəni həyatında yeni bir cığır açmışdır.

Fəaliyyəti[redaktə | əsas redaktə]

Bir çox vokal müsabiqələrinin qalibi və laureatıdır.

İtaliyanın Pesaro şəhərində keçirilən "Citta Di Pesaro" beynəlxalq vokal musabiqəsinin qalibidir (birinici yer), Kontratenor səs tembri ilə dünya ikincisidir (3000-ə yaxın Kontrtenorun işritak etdiyi möhtəşəm konkursda), - 24.10.2016-cı ildə Rusiyanın Moskva şəhərində keçirilən (hər iki ildən bir keçirilir) vokal ifaçılarının Müslüm Maqomayev adına IV beynəlxalq müsabiqədə birinci yerə layiq görülmüşdür, Müslüm Maqomayev adına müsabiqədə Kontratenor səs tembri ilə ilk dəfə İlham Nəzərov çıxış etmişdir.

2017-ci ildə Rusiyanın Moskva şəhərində keçirilən Rusiyanın mədəniyyət kanalında yayımlanan "Большая опера" (Böyük Opera ) adlı televiziya layihəsində uğurla çıxış etmişdir.

Respublikamızda və dünyada keçirilən onlarla möhtəşəm musiqi festivallarının fəal iştirakçısıdır. italiyada keçirilən "Della Valle D'itria" (2011-2012-2013), "Ravenna" (2015), Türkiyədə Keçirilən "Aspendos", festivallarında müvəffəqiyyətlə çıxış etmişdir. Dünya şöhrətli dirijor Maestro Rikkardo Mutinin rəhbərliy etdiyi "Ravenna" festivalının 3000 nəfərlik möhtəşəm konsert salonunda, ilk dəfə olaraq klassik ariyalarla yanaşı ilham Nəzərov Azərbaycan xalq mahnısı "Sari Gəlin" i ifa etmişdir.

İlham Nəzərov Avropa səhnələrində də onlarla obrazları canlandırmışdır, Monteverdinin "Poppea" Operasında baş rollardan birini ifa etmiş (Nerone obrazını), Luigi Rossinin "Orfeo" operasında Orfeo orazını, Hassenin "Artaserse" operasında Megabise obrazını, Brittenin "A midsummer nigts dream" opererettasında Oberon obrazını, Strauss "Flidermaus" operettasında Orlofsky obrazını, Handel "Rinaldo" operasında Rinaldo obrazını və sairə obrazlar canlandırmış, bununla yanaşı solo konsertlərdə də çıxış etmişdir.

İlham İtaliya, Fransa, Almaniya, Rusiya, Türkiyə, Çexiya, Ukrayna, Belarusiya, Avstria kimi ölkələrdə Opera tamaşalarının və konsertlərin fəal iştirakçısıdır. Fransada "Barokko" festivalında müvəffəqiyyətlə Azərbaycanı təmsil etmişdir. Çexiya respublikasında keçirilən "opera ulduzlarları" adlı festivalda ifa etmişdir.

2017-ci ildəAzərbaycan Dövlət Akademik Opera ve balet teatrında musiqisi Firəngiz Əlizadəyə, librettosu Nərgiz xanım Paşayevaya məxsus "İntizar" operasında baş obrazlardan biri olan Yad adamı uğurla canlandırdı.

İlham Nəzərov səhnə fəaliyyəti ilə yanaşı pedaqoji fəaliyyətlə də məşğuldur.Şagirdlərindən bir çoxu beynəlxalq müsabiqələr laureatıdır.

Müslüm Maqomayev adına Azərbaycan Dövlət Akademik Filarmoniyasının Azərbaycan Dövlət Xor Kapellasının artisti , Azərbaycan Dövlət Akademik Opera və Balet Teatrının, Üns Yaradıcılıq Səhnəsinin solistidir.

Mükafat və təltifləri[redaktə | əsas redaktə]

Fotoqalereya[redaktə | əsas redaktə]

İstinadlar[redaktə | əsas redaktə]

  1. Rusiyanın Moskva şəhərində keçirilən Rusiyanın mədəniyyət kanalında yayımlanan Bolşaya Opera adlı tv proqramda İlham Nəzərovun Azərbaycanda ilk və yeganə Kontratenor səs tembri ilə ifa edən opera sənətçisi olduğu təsdiqlənir. youtube.com
  2. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin 9 mart 2017-ci il tarixli Sərəncamı". president.az (azərb.). Azərbaycan Respublikası Prezidentinin rəsmi internet saytı. 9 mart 2017, 18:03. İstifadə tarixi: 30 noyabr 2017.
  3. President.Az (09.05.2018). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-10.
  4. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10.

Xarici keçidlər[redaktə | əsas redaktə]

Vikianbarda İlham Nəzərov ilə əlaqəli mediafayllar var.