İlhamiyyə Rzayeva

İLHAMİYYƏ RZAYEVA
Doğum tarixi	26 mart 1967
Doğum yeri	Qazax, Azərbaycan SSR
Vətəndaşlığı	Azərbaycan
Fəaliyyəti	Rejissor

İlhamiyyə Faiq qızı Rzayeva — tanınmış jurnalist, televiziya aparıcısı, prodüser, rejissor.

Həyatı

26 mart 1967-cı ildə Qazax rayonunda anadan olmuşdur. 1974-cü ildə Bakı şəhəri Nəsimi rayonu 42 saylı orta məktəbin birinci sinfinə gedib və 1984-cü ildə oranı bitirib.

Həmin ildə Azərbaycan Dövlət Universitetinin Filologiya fakültəsinə daxil olub. Tələbə ikən "Молодежь Азербайджанa" qəzeti ilə ştatdankənar müxbir olaraq əməkdaşlıq edib.

1989-cu ildə universiteti bitirdikdən sonra Azərbaycan Dövlət Televiziyasında işə qəbul edilir. Xəbərlər redaksiyasında müxbir kimi çalışıb. Sonralar ABA TV, Lider TV, Space TV ( " Gecə kanalı" verilişi ) telekanallarıında çalışıb. Hal-hazırda ANS TV-də "Nəzər nöqtəsi" verilişinin aparıcısıdır.

Yaradıcılığı

"Gündəlik Azərbaycan", "525", "Azadlıq", "Bizim Yol", "Zerkalo" qəzetlərində məqalələri dərc olunub. 100-dən artıq məqalə müəllifidir. Azərbaycan Media Mərkəzi İdarə Heyətinin Sədridir. Həsən bəy Zərdabi adına Jurnalistika Milli Mükafatına layiq görülmüşdür.Bir çox nüfuzlu jurnalistika müsabiqələrinin münsiflər heyətinin üzvüdür.

Hazırda müstəqil ekspert jurnalist kimi fəaliyyət göstərir. "SOS" uşaq kəndləri Azərbaycan Assosiasiyasında fandreyzing və ictimaiyyətlə əlaqələr üzrə mütəxəssis vəzifəsində çalışır.

"Gecə kanalı" adlı bir kitabın müəllifdir.

• Yazıçı, şair, publisist Həmid Herisçinin həyat yoldaşıdır. Bir övladı var.

Filmoqrafiya

1. Ağ dünya (film, 1995)
2. Bala-başa bəla! (film, 1995)
3. Beşmərtəbəli evin altıncı mərtəbəsi (film, 1996)
4. Fatehlərin divanı (film, 1997)
5. Körpü (film, 2003)
6. Qayalarda qalan səs (film, 1995)
7. Qayıdış... (film, 1996)
8. Nigarançılıq (film, 1998)
9. Ömürdən uzun gecə (film, 1996)
10. Salur Qazanın evi talandığı boy (film, 2001)
11. Yaşıl eynəkli adam-2 (film, 1999)
12. Yurd yeri (film, 1997)

Xarici keçidlər

• TELEJURNALİSTİN TELEŞİRKƏTƏ QARŞI İDDİASINA BAXILIB