Space TV

Vikipediya, azad ensiklopediya
Jump to navigation Jump to search
Space TV
Loqonun şəkli
Heydər Əliyevin müəllifi olduğu Space yazısından ibarət loqotip (26.09.2012)[Mənbə göstərin]
Ölkə Azərbaycan Azərbaycan
Yayım ərazisi Azerspace-1 peykinin əhatə dairəsi
Dil Azərbaycan dili
Baş qərargah Hüseyn Cavid prospekti 8, Bakı, Azərbaycan
Yaranma tarixi 12 oktyabr 1997
Sahibi Sevil Əliyeva
Qardaş kanallar Space Radio
Sayt spacetv.az
Vikianbarın loqosu Vikianbarda əlaqəli mediafayllar

Space TV — 12 oktyabr 1997-ci il tarixində fəaliyyətə başlayan, Azərbaycanın özəl telekanallarından biri.

Tarixçə[redaktə | mənbəni redaktə et]

"Space" Televiziyasının ilk televerilişi 12 oktyabr 1997-ci il tarixində nümayiş olunub. Yayım şəbəkəsi respublikanın sosial, siyasi və mədəni həyatını əks etdirən müəllif proqramlarından ibarətdir. Gündəlik informasiya buraxılışları və informasiya-analitik verilişləri ilə yanaşı Space TV maraqlı tok-şou, musiqili-əyləncəli, intellektual oyun və maarifləndirici proqramları ilə də seçilir. 31 dekabr 2007-ci il tarixinə qədər digər Azərbaycan telekanalları kimi Space TV-də verilişlərinin bəzisini rus dilində nümayiş etdirirdi.[1] Space TV-nin əsas xəbər verilişi "Hər Gün"dür.[2] Hal-hazırda şirkətdə 365 işçi çalışır. Proqram şəbəkəsinin 30%-i xarici teleməhsullardan təşkil olunub. Space TV sutka ərzində orta hesabla 18 saat yayımlanırdı.

Space TV-nin binası

26 sentyabr 2012-ci il tarixində Space TV loqotipində müəyyən dəyişiklik edərək onu ekranın sağ alt küncündən götürərək ekranın sağ üst küncünə yerləşdirmişdir. Telekanalın öz loqotipini tamamilə dəyişdirməməsinin səbəbi loqotipdəki "Space" yazısının müəllifinin Azərbaycanın 3-cü Prezidenti Heydər Əliyev olmasıdır.[Mənbə göstərin]

2014-cü ildə isə qismən 16:9 təsvir formatlı yayıma keçmişdir.[3]

2021-ci il yanvar ayının 4-də telekanalın efir müddəti artırılaraq 18 saatdan 24 saata çatdırılıb. Həmçinin, yarandığı gündən "Hər Gün" adıyla fəaliyyət göstərən informasiya proqramının adı "Space Xəbər" olaraq dəyişdirilmişdir. Əvvəl gün ərzində saat 09:00, 12:00, 15:00, 18:00 və 20:15-də yayımlanan xəbər buraxılışlarının da vaxtı dəyişdirilərək 11:00, 14:00, 17:00 və 20:00 olmuşdur. "Space Xəbər"in əsas buraxılışını 4 yanvar 2021-ci il tarixindən etibarən telejurnalist Turan İbrahimov təqdim edir.

13 yanvar 2021-ci ildə "Space TV" Bakı şəhəri üzrə HD yayım formatına keçib.[4]

Bağlanması[redaktə | mənbəni redaktə et]

5 may 2020-ci ildə "Böyük boss" bədii filmində tütün məmulatından istifadə səhnəsinin aşkar şəkildə yayımlanması ilə "Televiziya və radio yayımı haqqında" Azərbaycan Respublikasının Qanununun 40.2.2.-1-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 6 may 2020-ci il tarixli 6/1 nömrəli qərarı ilə Space TV-nin yayımı 15 may 2020-ci ildə saat 23:00-dan 00:00-dək 1 saatlıq dayandırılıb. Telekanal 16 may saat 00:00-da fəaliyyətini bərpa edib.

13 may 2020-ci il saat 23:00–00:00 arası müddətdə 18 dəqiqə reklam yayımlanması ilə "Televiziya və radio yayımı haqqında" Azərbaycan Respublikasının Qanununun 35.7-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 20 may 2020-ci il tarixli 8/1 nömrəli qərarı ilə Space TV-nin yayımı 4 iyun 2020-ci ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini yenidən bərpa edib.

23 iyul 2020-ci il saat 19:00–20:00 arası müddətdə 20 dəqiqə 48 saniyə reklam yayımlanması ilə "Televiziya və radio yayımı haqqında" Azərbaycan Respublikasının Qanununun 35.7-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 4 avqust 2020-ci il tarixli 9/1 nömrəli qərarı ilə Space TV-nin yayımı 10 avqust 2020-ci ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini yenidən bərpa edib.

Loqotipləri[redaktə | mənbəni redaktə et]

  • 12 oktyabr 1997-12 oktyabr 2007 tarixləri arasında istifadə etdiyi loqo

  • 12 oktyabr 2007-26 sentyabr 2012 tarixləri arasında istifadə etdiyi loqo

  • 26 sentyabr 2012 tarixindən etibarən istifadə etdiyi loqo

Rəhbərlik[redaktə | mənbəni redaktə et]

"Space" fəaliyyətə başladığı 1997-ci ildən 2001-ci ilə kimi Eldar Namazovun rəhbərliyi altında idi. 2001–2006-cı illərdə "Space" MTYŞ-nin rəhbəri Etibar Babayev olmuşdur. 2006-cı ildən teleşirkətə kinorejissor Vaqif Mustafayev rəhbərlik edirdi. 2021-ci ilin fevralın ayının 5-də Vaqif Mustafayev bu vəzifədən azad edilib.

5 Fevral 2021-ci ildə Space televiziyasının yeni rəhbəri, Rəşid Behbudovun kürəkəni, eləcə də əfsanəvi müğənninin adını daşıyan Fondunun direktoru Kamil Şahverdiyev təyin olunub. Bu tarixdən ATV-də rəhbər vəzifədə çalışmış Həsən Abdullayev də öz komandası ilə Space TV-də fəaliyyətə olub. 20.05.2021-ci il tarixindən etibarən bu vəzifəyə Müşfiq Hətəmov təyin olunmuşdur.[5]

Rəsmi keçidlər[redaktə | mənbəni redaktə et]

Həmçinin bax[redaktə | mənbəni redaktə et]

Space Radio

İstinadlar[redaktə | mənbəni redaktə et]

  1. ↑ https://www.youtube.com/watch?v=OC3zc1VOgME
  2. ↑ https://www.youtube.com/watch?v=zjkyWBRXdAU
  3. ↑ http://az.trend.az/azerbaijan/society/2434334.html[ölü keçid]
  4. ↑ https://teleradio.az/space-tv-nin-hd-yayimina-baslanilib/?fbclid=IwAR3JvtMNe_n_DDHt2wuNNSE58hgMMyh2Wnpx8dfMa1p7xU5DfFAq4H7haJo
  5. ↑ SPACE televiziyasının yeni rəhbəri məlum oldu — FOTO

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Space_TV&oldid=5960637"