ARB 24

Vikipediya, açıq ensiklopediya
Jump to navigation Jump to search
ARB 24
ARB 24 (2018-h.h.).png
Bütöv adı Azerbaijan Republic Broadcasting 24
Başlama tarixi 1 iyun 2010 (regional yayım)
8 oktyabr 2018 (ümumrespublika yayımı)
12 noyabr 2018 (test yayımı)
27 noyabr 2018 (əsas yayım)
Bağlanma tarixi 24 sentyabr 2018 (regional yayım)
Şirkət ARB Media Qrup
Rəhbərlik Radik İsmayılov
Şüar Vətən buradan başlayır! (2010-2015)
Sizin xəbər kanalınız! (2015-2017)
Birinci xəbər kanalı (2017-2018)
Vaxtımız dəyərlidir (2018-h.h.)
Ölkə Flag of Azerbaijan.svg Azərbaycan
Tezlik 31-ci tezlik (Bakı, Abşeron yarımadası)
Azerspace-1: 11024, V, 12698, 5/6
KATV1 kabel televiziyası
Ailə TV kabel televiziyası
Nar-CityNet kabel televiziyası
Smart TV Plus kabel televiziyası
Connect TV kabel televiziyası
ATV Plus kabel televiziyası
Dil Azərbaycan dili
Yayım ərazisi Azerspace-1 peykinin əhatə dairəsi
Baş qərargah Tovuz, Azərbaycan (1 iyun 2010 - 24 sentyabr 2018)
Bakı, Azərbaycan (8 oktyabr 2018 - h.h.)
Keçmiş adı Türkel TV (1 iyun 2010 - 19 sentyabr 2016)
Qardaş kanal(lar) ARB
ARB Kəpəz
ARB Ulduz
ARB Şimal
ARB Cənub
ARB Şəki
ARB Aran
ARB Günəş
Kəpəz FM
Sayt arbtv.az

ARB 242017-ci il dekabrın 28-də Milli Televiziya və Radio Şurasının iclasında daha üstün yaradıcılıq imkanlarına, daha münasib maddi-texniki bazaya və peşəkar kadr potensialına malik olan “Türkel TV” MMC ümumrespublika televiziya yayım kanalının açılması üçün (Bakı şəhəri və Abşeron yarımadasında) müsabiqənin qalibi elan edilib və ona 31-ci TV yayım kanalında ümumrespublika televiziya yayımı üçün müddətsiz lisenziya verilib.

Tarixi[redaktə | əsas redaktə]

ARB 24 1 iyun 2010-cu ildən "Türkel" adı ilə fəaliyyətə başlayıb. Azərbaycanın ən iri regional yayımçılarından biri idi. Azərbaycanın Qazax, Ağstafa, Tovuz, Şəmkir, Gədəbəy, Gəncə, Göygöl, Goranboy, Samux, Dəliməmmədli, Daşkəsən, Naftalan, Yevlax, Mingəçevir, Balakən, Zaqatala, Qax, Şəki, Oğuz, Qəbələ, Ağdaş, Ucar, Göyçay, Ağsu, Bərdə, Tərtər, Kürdəmir rayonlarında və Gürcüstanın Borçalı, Marneuli, Qardabani, Dmanisi ərazisi daxil olmaqla yayımlanır. 3 milyona qədər auditoriyaya malik idi. Həftəlik yayımın ümumi həcmi 112 saat idi.

Şirkətdə 5 departament fəaliyyət göstərirdi: İnzibati, Maliyyə, Yayım (buraya üç şöbə daxil idi: Efir və Arxiv şöbəsi, İnformasiya və analitika şöbəsi, Yaradıcılıq şöbəsı), Texniki və SƏTƏM departamenti.

Şirkət 720 kv.m. həcmində pavilyona sahibdir. ARB 24-də virtual dekorasiyalar üçün avadanlıq və "Cinegy" şirkətinin təqdim etdiyi yeni rəqəmsal yayım avadanlığı quraşdırılmışdı.

Mədəniyyət yönümlü klassik bir televiziya kanalı olan "ARB 24"-ün əsas məqsədi - maarifləndirmək, məlumatlandırmaq və izləyicilərə mədəni əyləncə təklif etmək, tamaşaçıda yüksək mənəvi zövqü formalaşdırmaqdır. Qısa müddət ərzində çoxsaylı tamaşaçı auditoriyası qazanmışdır.Bu da,əlbəttə ki,şirkətdə aparılan düzgün kadr islahatı, entuziazm və burada çalışan insanların televiziya peşəsinə olan sevgisindən,"peşəkar" adını qazanmaq, kamilliyə can atmaq, yorulmadan çalışmaq və nəticədə tamaşaçı sevgisinə layiq olmaq istəyindən irəli gəlir. Mehriban,vahid bir ailə olan "ARB 24" kollektivi əsasən gənclərdən ibarətdir. Bu da, öz növbəsində,bir televiziya şirkəti üçün çox vacib olan bitib-tükənmək bilməyən yeni ideyalar,möhtəşəm layihələr deməkdir.

Hər bir şirkətin dəqiq PR-xətti – onun müvəffəqiyyətinin göstəricisi və zəmanətidir. Qədim oğuz türklərinin eli olan Tovuz və ümumilikdə Gəncəbasar mahalı - Azərbaycanın Qərb bölgəsi, hər zaman qonaqpərvər, sazlı –sözlü,dostcanlı olub. Bu yerlərin mərdlik abu-havasını özündə cəmləndirən "ARB 24"– ün PR - xətti də (şirkətin istiqaməti,imici) – vətənpərvərlik, xalqlar dostluğu, sülhsevərlik, sağlam həyat tərzinə çağırışdır. Şirkət Azərbaycanda fəaliyyət göstərən xarici ölkələrin səfirlikləri ilə əməkdaşlıq edir və həmin ölkələr haqqında videoməhsulu öz efir məkanında yerləşdirirdi.

10 aprel 2015-сi il tarixindən etibarən Azerspace-1 peyki vasitəsilə yayımlanır.

14 sentyabr 2015-ci il tarixində isə "Region TV" ilə birlikdə "16:9" təsvir formatında yayıma keçmişdir.

19 sentyabr 2016-cı il tarixində "Türkel TV" olan telekanalın adı dəyişdirilərək "ARB 24" olmuşdur.[1]

28 dekabr 2017-ci ildə “ARB 24” Milli Televiziya və Radio Şurasının elan etdiyi ixtisaslaşmış (xəbər) televiziya kanalının açılması üçün ümumrespublika televiziya yayımı üzrə (Bakı şəhəri və Abşeron yarımadasında 31-ci TV yayım kanalı) müsabiqədə qalib gəlib. Digər iddiaçılarla müqayisədə daha üstün yaradıcılıq imkanlarına, daha münasib maddi-texniki bazaya və peşəkar kadr potensialına malik olan “Türkel TV” MMC-yə ümumrespublika televiziya yayım kanalının açılması üçün (Bakı şəhəri və Abşeron yarımadasında) 31-ci TV yayım kanalında ümumrespublika televiziya yayımı üçün müddətsiz lisenziya verilib.[2]

24 sentyabr 2018-ci ildə Tovuz şəhərində fəaliyyət göstərən telekanalın regional yayımı müvəqqəti olaraq dayandırıldı. Buna səbəb, oktyabrın 1-dən ixtisaslaşmış ilk ümumrespublika xəbər kanalı kimi fəaliyyət göstərməsi olacaq idi. Məsələ ilə bağlı "ARB Media Qrup”un mətbuat xidmətinin rəhbəri Ozal İbrahimli açıqlama vermişdi: "Kanalın efir mərkəzinin və yayımının paytaxt Bakıya köçürülməsi ilə əlaqədar olaraq, yayım avadanlıqları üzərində texniki işlər aparılması zərurəti yarandığından, ARB 24 telekanalının Tovuz şəhərindəki yayımı müvəqqəti olaraq dayandırılıb. ARB 24 yaxın günlərdə Bakı şəhərində qurulan yeni yayım mərkəzindən efirə çıxacaqdır. Bu texniki yenilənmələrdən başqa kanalın yayımı və fəaliyyəti ilə bağlı heç bir problem yoxdur. Biz yenə də böyük tamaşaçı auditoriyamıza ən yüksək səviyyədə informasiya buraxılışlarını təqdim etməyə davam edəcəyik".

Kanalın icraçı direktoru Nadir Şəfiyevlə bağlı mətbuatda dərc olunan məulmatlarla bağlı isə onu bildirmək istəyirlərdi ki, Nadir Şəfiyev öz xahişi ilə işdən çıxıb. Onun vəzifəsinin icrası isə Radik İsmayılova həvalə olunub".[3]

Nəhayət, 8 oktyabr 2018-ci il saat 15:00-da 2 həftə ərzində aparılan texniki işlərdən sonra yayım bərpa edilib. ARB 24-ün Tovuzda yerləşən mərkəzi binası və texniki avadanlıqları Bakıya köçürülüb. İxtisaslaşmış ilk ümumrespublika xəbər kanalı kimi fəaliyyət başlayıb.[4]

Azərbaycanda xəbər sahəsi üzrə ixtisaslaşmış yeni televiziya kanalının yerüstü yayıma başlayacağı tarix açıqlanmışdı.

"ARB Media Qrup"un strateji inkişaf direktoru İsmayıl Həsənov bildirib ki, yeni televiziya kanalı ən son model texnika ilə təmin olunub.

O qeyd edib ki, “ARB 24” adlanacaq yeni xəbər kanalı yerüstü yayıma çıxmağa tam hazır olduğu danışılmışdı:

“Sadəcə görülən işlərin daha da təkmilləşdirilməsi üçün hazırda testlər edilir. Kanalın yaradıcı və texniki heyəti gücləndirilib, aparıcı kastinqləri keçirilir”.

İ.Həsənov əlavə edib ki, kanalın ümumrespublika yayımına noyabrın 12-də çıxmağı planlaşdırılırdı: “Tamaşaçılara tam fərqli formatda kanal təqdim edə biləcəyimizə inanırıq”.[5]

12 noyabr 2018-ci ildə Azərbaycanda xəbər sahəsi üzrə ixtisaslaşmış telekanal ARB 24 daxili test yayımına çıxıb. Həmin gün "ARB Media Qrup"un strateji inkişaf direktoru İsmayıl Həsənov bildirib ki, kanal artıq fəaliyyətə başlamağa tam olaraq hazır idi, sadəcə xüsusi ekspert qrupu bir həftə ərzində televiziyanı daxili test yayımında izləyəcək, yekun rəydən sonra telekanal geniş auditoriyaya təqdim ediləcəkdi.

İ.Həsənov qeyd edib ki, ekspert qrupunun tərkibinə yerli və xarici mütəxəssislər daxil idi: “Bütün səylərimiz izləyicilərimizə daha dolğun bir məzmunda verilişlər təqdim etməyə hesablanıb. Gələn həftə ərzində tamaşaçılar telekanalı açıq yayımda izləyə biləcəklər”.[6]

Nəhayət, 27 noyabr 2018-ci il saat 08:00-də Bakı Teleqüllə Kompleksindən “ARB 24” TV proqramının DVB-T standartında Full HD formatlı yayımına başlanılıb.

Bu barədə Nəqliyyat, Rabitə və Yüksək Texnologiyalar Nazirliyinin mətbuat xidmətindən məlumat verilib.

Məlumata görə, Nazirliyin tabeliyindəki Radio Televiziya yayımı və Peyk rabitəsi İstehsalat Birliyinin (Teleradio İB) Bakı Teleqüllə Kompleksindən “ARB 24” TV proqramının DVB-T standartında Full HD formatlı yayımına başlanılıb.

Sınaq yayımlarına dair xüsusi ekspert qrupunun yekun müsbət rəyindən sonra 27 noyabr 2018-ci il tarixindən etibarən Teleradio İB-nə məxsus yayım vasitələri ilə 31-ci TV kanalda 554 MHs tezlikdə “ARB 24” TV proqramının açıq paketdə yayımı təmin olunub.

"ARB 24” TV proqramını qəbul edə bilmək üçün rəqəmli TV qəbuledicilər 31-ci TV kanala (və ya 554 MHs tezliyə) yenidən köklənməlidir.

Bunun üçün qəbuledicilərdə avto axtarış vermək və ya əl rejimində 31-ci TV kanalı (və ya 554 MHs tezliyi) seçib axtarış vermək lazımdır.[7]

Azərbaycanın ilk biznes-xəbər kanalı kimi fəaliyyətə başlayan “ARB 24” telekanalı 24 saat ölkə və dünyanın xəbər mühiti, xüsusilə iqtisadi sahədə baş verən bütün yenilikləri tamaşaçılara təqdim edir. Günün iqtisadi gündəmi müxtəlif canlı verilişlərdə müzakirə edilməklə yanaşı, ölkə və dünya birjalarında baş verən proseslər, hadisələrin valyuta bazarına təsirləri barədə yerli və xarici mütəxəssislərlə təhlillər aparılır.

Bununla yanaşı canlı bağlantılarla İstanbul, London, Nyu-York birjalarında baş verən ən son yeniliklər, həmin birjalarda çalışan “ARB 24”ün daimi ekspertləri vasitəsi ilə tamaşaçıların diqqətinə çatdırılır. Bu canlı bağlantıların həyata keçirilməsinə görə, telekanalımız SOCAR Capital MMC-yə xüsusi təşəkkür edir.

“ARB 24” həmçinin REUTERS, BLOOMBERG, APTN, İHA kimi dünyanın böyük media agentlikləri ilə əməkdaşlığa başlayıb. Telekanalın efirində yayımlanan müxtəlif məzmunlu buraxılış və verilişlərdə bu agentliklərin məhsullarından istifadə edilir.

Ölkənin ilk biznes yönümlü informasiya telekanalı olan “ARB 24” bununla yanaşı mütəmadi olaraq bir çox dövlət və özəl qurumları ilə də sıx əməkdaşlıq edir. Bu çərçivədə artıq Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi ilə birgə layihəyə start verilib. Canlı bağlantılarla “ASAN Xidmət” mərkəzlərinin gündəlik əməliyyatları barədə statistik məlumatlar verilir. “ARB 24” Bakı Fond Birjası, Mərkəzi Bank və digər ölkə iqtisadiyyatının idarə olunmasında mühüm rolu olan qurumlarla da birgə layihələrin icrası ilə bağlı iş aparır.

Xüsusilə iqtisadi və biznes sahəsində çalışan şəxslər zamanlarını olduqca dəyərli hesab edirlər. Məhz bu səbəbdən “ARB 24” telekanalı “Vaxtımız dəyərlidir” şüarı ilə bu sahədə çalışan peşəkarlara dəqiq və operativ informasiya ötürməyi və onların vaxtını daha da dəyərləndirməyi öz üzərinə götürür.

İstinadlar[redaktə | əsas redaktə]

  1. http://www.gununsesi.info/az%C9%99rbaycanda-m%C9%99shur-tv-adini-d%C9%99yisdi/
  2. https://news.milli.az/society/612416.html
  3. https://news.milli.az/country/688260.html
  4. http://modern.az/az/news/179649#gsc.tab=0
  5. https://report.az/media/yeni-xeber-kanalinin-yerustu-yayima-baslayacagi-tarix-aciqlanib/
  6. https://report.az/media/yeni-xeber-kanali-bu-gun-daxili-test-yayimina-cixacaq/?fbclid=IwAR3h-tysi1KkRMfJ7LmWLkeLHUjY2REzZCpF4gO9P7oG55kaVV69uRNW6Sw/
  7. https://report.az/i-kt/azerbaycanin-yeni-televiziya-kanali-umumrespublika-yayimina-baslayib/