Qafqaz TV

Vikipediya, açıq ensiklopediya
Jump to navigation Jump to search
Qafqaz TV
Qafqaz TV (2017-h.h.).png
Ölkə Flag of Azerbaijan.svg Azərbaycan
Yayım ərazisi Quba
Dil Azərbaycan dili
Baş qərargah Quba, Azərbaycan
Yaranma tarixi 1 sentyabr 1998
Sayt qafqaztv.az

Qafqaz TV — Telekanal 1 sentyabr 1998-ci il tarixində Xəyal TV adı ilə fəaliyyətə başlamış, Azərbaycan Respublikası Milli Televiziya və Radio Şurası 09 avqust 2017-ci il tarixində “Xəyal” Müstəqil Televiziya və Radio Şirkətinın adının dəyişdirilməsi ilə bağlı müraciətinə baxmış və telekanal Qafqaz TV adlandırılmışdır.[1] Azərbaycanın özəl telekanallarından biri.

Tarixçə[redaktə | əsas redaktə]

Telekanal ilk dəfə "Xəyal" Müstəqil Televiziya və Radio Şirkəti adı altında 7 avqust 1998-ci ildə Quba şəhərində yaradılmışdır. 39-cu kanalda efirə çıxan "Xəyal" TV 1 sentyabr 1998-ci il tarixdən verilişlərini əsasən Quba, Qusar, Xaçmaz rayonları ərazisində yayımlamağa başlamışdır.

Fəaliyyəti və yayım prinsipləri[redaktə | əsas redaktə]

Telekanal Quba şəhərindən yayımlanır. Televiziyanın şimal bölgəsinin 6 rayonu olmaqla 500 minə yaxın tamaşaçı auditoriyası var. 1 ildən artıqdır ki, yeni inkişaf dövrünə qədəm qoyan Qafqaz TV-nin birinci işi yayım keyfiyyətini yaxşılaşdırmaq və kanalı yeni müasir avadanlıqlarla təchiz etməkdir. Bunun üçün televiziya yeni inzibati bina ilə təmin olunub. Bundan başqa telekanal ən son, müasir texnologiya ilə də təchiz olunub.

Məqsəd ölkənin şimal bölgəsində yaşayan əhaliyə dolğun informasiya vermək, rəngarəng televiziya proqramları, yerli televiziya verilişləri və video proqramları çatdırmaqdır. Kanal gün ərzində 18 saat efir yayımı həyata keçirir. Televiziyanın həftəlik efir müddətinin 70%-ni yerli verilişlər, qalan 30%-ni isə xarici proqramlar təşkil edir. 1 mart 2014-cü ildən artıq Qafqaz TV onlayn olaraq internet üzərindən də yayımlanmağa başlayıb. Artıq dünyanın dörd bir tərəfində Qafqaz Televiziyasını www.qafqaztv.az saytı ilə də izləmək mümkündür. Qeyd edək ki, 2016-cı ilin noyabrından Qafqaz Televiziyası analoq yayımından rəqəmsal yayıma keçib.

Təsisçilər və icraçı direktor[redaktə | əsas redaktə]

"Qafqaz" Müstəqil Televiziya və Radio Şirkətinin təsisçiləri Qədimbəyli Yusif Qafar oğlu və Qədimova Mehri Yusif qızıdır.[2] İcraçı direktoru Eltən Qədimbəylidir.

Xarici keçidlər[redaktə | əsas redaktə]

İstinadlar[redaktə | əsas redaktə]

  1. http://az.bizimxeber.az/news/12615
  2. "Xəyal" Televiziyası (Quba)