İctimai TV (Azərbaycan)

Vikipediya, azad ensiklopediya
Jump to navigation Jump to search
İTV
Loqonun şəkli
1 yanvar 2021-ci ildən istifadə olunan loqotip
Ölkə Azərbaycan Azərbaycan
Yayım ərazisi Azerspace-1 və Eutelsat Hotbird 13D peyklərinin əhatə dairələri
Dil Azərbaycan dili
Baş qərargah Abbas Mirzə Şərifzadə küçəsi 241, Bakı, Azərbaycan
Yaranma tarixi 29 avqust 2005
Sahibi Azərbaycan dövləti
Rəhbərlik Balakişi Qasımov
Keçmiş adları AzTV 2
Şüar Bizə sarı gəlin!
Qardaş kanallar İctimai Radio
Sayt itv.az
Vikianbarın loqosu Vikianbarda əlaqəli mediafayllar

İctimai Televiziya və Radio Yayımları Şirkəti (Azərbaycan)Azərbaycanın informasiya-əyləncə telekanallarından biri. Verilişləri bütün Azərbaycan ərazisində, 24 saat ərzində azərbaycan dilində aparılır. Həmçinin ingilisrus dillərində "Carçı" informasiya verilişi də yayılırdı. Hal-hazırda "İTV Xəbər" informasiya proqramı yalnız azərbaycan dilində yayılır. Mənzil qərargahı Bakı şəhərindədirAvropa Yayım İttifaqının üzvüdür.

Tarixçə[redaktə | mənbəni redaktə et]

İctimai Televiziya və Radio Yayımları Şirkəti əsasən reklam və dövlət ödənişləri ilə maliyyələşdirilir. İctimai Televiziya və Radio Yayımları Şirkətinin yaradılmasına dair 2004-cü il yanvar qanunu, 2010-cu ilin yanvar ayından televiziya lisenziyası haqlarından maliyyələşdirmə təmin etdi, lakin 2021-ci ilin fevral ayından bu qanunun bu hissəsi hələ tətbiq edilmir.

İctimai Televiziya və Radio Yayımları Şirkəti "İctimai televiziya və radio yayımı haqqında" Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 5 noyabr 2004-cü il tarixli Fərmanına əsasən yaradılmışdır. Həmin Fərmana əsasən Azərbaycan dövlət televiziyasının 2-ci kanalı və Azərbaycan dövlət radiosunun 1-ci kanalı bütün əmlakı və avadanlığı ilə birlikdə İctimai Televiziya və Radio Yayımının Yayım Şurasına İctimai Televiziya və Radio Yayımları Şirkətinin yaradılması üçün verilmişdir. İctimai Televiziya və Radio Yayımları Şirkətinin fəaliyyəti "İctimai Televiziya və Radio yayımı haqqında" Azərbaycan Respublikasının Qanunu ilə tənzimlənir.

İctimai Televiziya və Radio Yayımları Şirkətinin Yayım Şurası 9 üzvdən ibarətdir. İctimai Televiziya və Radio Yayımları Şirkətinin Yayım Şurasının sədri Cahangir Məmmədlidir. Baş direktor isə ictimai yayımçının yaradıcılıq və işgüzar fəaliyyətini əlaqələndirən, bu qanunla onun səlahiyyətinə aid edilmiş məsələlər üzrə qərarlar qəbul edən, bütövlükdə yayım fəaliyyətinin təşkilinə cavabdeh olan vəzifəli şəxsdir və Yayım Şurası tərəfindən 4 il müddətinə seçilir. 2005-ci il aprelin 16-da Yayım Şurasının 9 üzvünün 6 səsini qazanan İsmayıl Ömərov İctimai Televiziya və Radio Yayımları Şirkətinə Baş direktor seçilmişdir.

2005-ci il 29 avqust tarixində İTRYŞ-nin açılış mərasimi keçirilmişdir. İctimai Televiziya 2007-ci il 7 iyul tarixindən etibarən Avropa Yayım Birliyi (EBU)-nin üzvü seçilmişdir və 2007-ci ildə Avroviziya Mahnı Müsabiqəsini yayımlamışdır. 2008-ci ildə isə Azərbaycan Avroviziya Mahnı Müsabiqəsində Samir və Elnur duetiylə, "Day after Day" mahnısıyla təmsil olunmuşdur.

Eldar QasımovNigar Camalın ifa etdikləri "Running Scared" mahnısı ilə 2011 Avroviziya Mahnı Müsabiqəsində qələbə qazanmasından sonra 2012-ci ildə ilk dəfə Azərbaycanın ev sahibliyi etdiyi 2012 Avroviziya Mahnı Müsabiqəsi İctimai Televiziya tərəfindən yayımlanmışdır. Müsabiqə paytaxt Bakı şəhərində, Bakı Kristal Zalında keçirilmişdir. Müsabiqənin yarımfinalları 2012-ci ilin 2224 may, final isə 26 may tarixində baş tutmuşdur.

2013-cü il aprelindən 2018-ci ilin may ayınadək telekanala Cəmil Quliyev rəhbərlik edib. 4 avqust 2014-cü il tarixində 16:9 (geniş ekran) formatlı yayıma keçmişdir.

1 iyun 2018-ci ildən etibarən İctimaİ Televiziya və Radio Yayımları Şirkətinin baş direktoru Balakişi Qasımov rəhbərlik edir. Balakişi Qasımovun rəhbərliyindən sonra televiziyanın efirində rəngarənlik müşahidə olunub, İctimai Televiziya və radioya yeni, cəmiyyətin qəbul etdiyi pozitiv aparıcılar cəlb olunub. Bununla yanaşı, fəaliyyətə başlayan yeni verilişlər tamaşaçıların marağına səbəb olub. Bu siyahıya "3D", "Dikdaban", "Pressinq" və s. verilişləri əlavə etmək olar. Beləliklə, telekanal auditoriyasını daha da genişləndirib.

Eyni zamanda, şirkətdə aparılan kadr islahatları da televiziyanın inkişaf etməsinə təkan verib. Belə ki, şirkətdə iş əmsalının yüksəldilməsinə xidmət etmək məqsədi ilə Balakişi Qasımovun təqdimatına əsasən yeni vəzifələr üzrə kadr təyinatı aparılıb. Həmçinin maarifləndirici verilişlərin sayının artması İTV-nin auditoriyasının genişlənməsi üçün şərait yaradıb.

İctimai Televiziya 2018-ci ildən etibarən sosial şəbəkələrdə çox aktivdir. 2020-ci il sentyabr-dekabr aylarında televiziyanın Youtube portalı 150 milyondan çox baxış yığıb. 2021-ci ilin mayında 22 milyondan çox baxış yığıb. Tətil mövsümü olmasına baxmayaraq, aylıq 10-20 milyon arası izləyici sayı ilə indi ilə birincilik İTV-də qorunub-saxlanılır.

2018-ci il dekabrın 31-dən 2019-cu il yanvarın 1-nə keçən gecə saat 00:00-dan etibarən İctimai Televiziyanın rebrendinqi yeni ilin ilk saniyəsində həyata keçirilmişdir. Tamaşaçılar İctimai Televiziyanın sağ üst küncündə sarı rəngli loqo görməyə başlamışdılar. İctimai Televiziya tamamilə yenilənmiş siması və təzə loqosu ilə, eləcə də ən sevilən verilişləri, eksklüziv yayımları ilə yeni mövsümünə start verib. Bununla da İctimai Televiziya və Radio Yayımları Şirkəti, həmçinin İctimai Televiziyanın tamaşaçıları 2019-cu ili yeni format və sima ilə qarşılayıb.

2019-cu il sentyabrın 16-dan etibarən İctimai Televiziya və Radio Yayımları Şirkəti mövsümə bəzi yeniliklərlə start verib.

"Fatehin divanı" və  "Ötən günlər" adlı tok-şoular efir məkanına yenilik bəxş edir. Yeni mövsümün əsas proyektlərindən sayılan və bütün dünyada məşhur olan "SƏS" musiqi şousudur ki, onu da tamaşaçılar İctimai Televiziyanın efirində "Səs uşaqlar" olaraq izləyiblər.

Televiziya mühitinə yeni nəfəs gətirən daha bir təzə lisenziyalı proqram isə olduqca rəngarəngdir. Bu dünyanın məşhur "Thank God You're Here" layihəsinin adaptasiya olunmuş versiyasıdır ki, bu da "Haradasan bu vaxtacan?" adlanır. "Fremantle" şirkətinə məxsus sözügedən layihə dünyanın hər yerində tanınır.

Bundan başqa İTV Azərbaycanda ilk dəfə 3D prime-time layihə də təqdim edir.

Yeni mövsümdən gənclər üçün nəzərdə tutulan "MAG" layihəsi də hazırda İctimai Televiziyada yayımlanır.

Həmçinin sosial, təhsil, kulturoloji, araşdırma yönümlü gündəlik prime-time tok-şou olan "Sabaha saxlamayaq" yeni mövzularla hər gün tamaşaçıların görüşünə gəlir.

Kino həvəskarlarını 2019-2020-ci illərdə maraqlı yeniliklər baş tutub. Belə ki, "Sony Pictures" şirkəti ilə rəsmi əməkdaşlıq çərçivəsində İTV yayım hüququnu əldə etdiyi filmlər ekrana gəlir.

İTV tərəfindən BBC şirkətinin son illərdə istehsal olunan tarixi, təbiət, bioqrafik mövzulu sənədli filmləri də alınıb. Bunlar arasında uşaqlar üçün nəzərdə tutulan "All about animals" layihəsi də yer alır.

Azərbaycanda yayım hüququ yalnız İTV-yə məxsus olan "Maşa və ayı" cizgi filmi də hər gün doğma dilimizdə balacaların görüşünə gəlir. Həmçinin kiçik tamaşaçılara öyrədici xarakterli "Fikslər" cizgi serialı da təqdim olunur.

Proqram şəbəkəsində yerli sənədli və televiziya filmlərinin çəkilişinə də yer ayırılıb ki, bunlardan da ilki Yelenendorfun əsasının qoyulmasının 200 illiyinə həsr olunmuş "Yelenendorfdan - Göygölədək" filmidir.

Bundan başqa tamaşaçılar hazırda son 70 ildə Azərbaycanda baş verən cinayət hadisələri haqqında tarixi araşdırma xarakterli "İstintaq davam edir" adlı verilişini də izləyirlər.

44 günlük Vətən müharibəsi dövründə də İctimai Televiziya informasiya müharibəsində ilk sıralarda yer alıb. 2020-ci il sentyabrın 27-dən noyabrın 10-dək Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında Müzəffər Azərbaycan Ordusunun Ermənistan Silahlı Qüvvələrinin genişmiqyaslı hərbi təxribatlarına qarşı başlatdığı əks-hücum əməliyyatı ilə əlaqədar İctimai Televiziyanın proqram şəbəkəsi dəyişdirilib. Bütün efir siyasəti müharibə dövrünün reallıqlarından köklənib. Hər saat ərzində xəbərlər verilir, cəbhə xəttində canlı bağlantılar olur, analitik-informasiya proqramları efirə çıxır, hər günün sonunda "Diqqət mərkəzi. Yekun" proqramı yayımlanırdı. Müharibənin ən qanlı terroru GəncəBərdə hadisələrindən, eləcə də işğaldan azad olunmuş ərazilərdən canlı bağlantılar həyata keçirilib.

2020-ci il dekabrın 31-dən 2021-ci il yanvarın 1-nə keçən gecə saat 00:00-dan etibarən İctimai Televiziyanın rebrendinqi yeni ilin ilk saniyəsində həyata keçirilmişdir. Tamaşaçılar İctimai Televiziyanın sağ üst küncündə sarı rəngli loqo görməyə davam edir. İctimai Televiziya tamamilə yenilənmiş siması və təzə loqosu ilə, eləcə də ən sevilən verilişləri, eksklüziv yayımları ilə yeni mövsümünə start verib. Bununla da İctimai Televiziya və Radio Yayımları Şirkəti, həmçinin İctimai Televiziyanın tamaşaçıları 2021-ci ili yeni format və sima ilə qarşılayıb.

İşğal altındakı torpaqlarımızın azad edilməsi üçün Azərbaycan xalqının birləşdiyi, bir yumruğa çevrildiyi 27 sentyabr, anım günündən sonra İctimai Televiziya yeni mövsümə start verib. İctimai Televiziya və Radio Yayımları Şirkətinin mətbuat xidmətindən verilən məlumata görə, 2021-2022-ci il televiziya mövsümündə İTV-nin efirində beynəlxalq əhəmiyyətli, lisenziyalı layihələrin sayı bir qədər də artıb: “Bu mövsümdən “Milyonların Şousu - Kim zəngin olmaq istəyir?” (Who Wants to Be a Millionaire?) və “Camaat nə deyir?” (Family Feud) teleformatlarını efirimizə gətirmişik”.

Bundan başqa, “Səs Azərbaycan” (The Voice) televiziya şousunun premyerası olacaq: “Dörd aya yaxın müddət ərzində tamaşaçılar son dərəcə maraqlı və yüksək keyfiyyətlə istehsal olunan dünyaca məşhur televiziya formatının yerli lisenziyalı versiyasını izləyə biləcəklər. Həmçinin, dekabr ayında İctimai Televiziya musiqisevərlərə 2021-ci il Avroviziya Uşaq Mahnı Yarışmasının (Junior Eurovision 2021) növbəti şousunu təqdim edəcək. Bildiyiniz kimi, bu il şouda ölkəmizi “Səs Uşaqlar” yarışmasının finalçısı Sona Əzizova təmsil edəcək”.

Yeni mövsümdə İTV tamaşaçılara Sony Pictures, BBC, Discovery və digər məşhur şirkətlərin istehsalı olan ən baxımlı bədii, sənədli filmləri və ən yüksək reytinq qazanan “Körpü” (detektiv, həftədə 5 gün nümayiş olunacaq), “K-2 Cangüdən”, “Qara siyahı”, “Kulfi” və digər lisenziyalı xarici serialları peşəkar dublyajla təqdim edir: “Hindistan istehsalı olan və mahiyyətcə müasirliyilə seçilən, dünyada çox böyük reytinq qazanmış “Kulfi” serialı Azərbaycanda ilk dəfə olaraq tamaşaçılara həftədə 5 gün təqdim olunur”.

İctimai Televiziya həmişə olduğu kimi yeni mövsümdə tamaşaçılarımıza yerli istehsal olan seriallar təqdim etməyi də planlaşdırır: “Mövsümü “Simurq” serialı ilə açacaqlar. Bildiyiniz kimi, Azərbaycan Respublikasının Prezidenti tərəfindən Nizami Gəncəvinin 880 illiyi ilə əlaqədar 2021-ci il Nizami Gəncəvi ili elan edilib. Dahi mütəfəkkirin yubileyinə biz də öz töhfəmizi vermək əzmindədirlər. Bu mövsüm Nizami Gəncəvinin “Xosrov və Şirin” poemasının motivləri əsasında ssenari müəllifləri İlqar Fəhimi və Xəyyam Abdullayev, rejissorları Elməddin Alıyev və Xəyyam Abdullayev olan eyni adlı serialı tamaşaçılarımıza təqdim edəcəklər. Emin Quliyevin rejissorluğu və aktyor Azər Aydəmirin ssenarisi əsasında detektiv janrda Azərbaycanda ilk dəfə fərqli və son dərəcə maraqlı üslubda hazırlanan “Əqrəb mövsümü” serialı da tamaşaçılar üçün çox cəlbedici olacaq”. Bu mövsüm kənd ailələrinin məişət problemlərindən bəhs edən, Reyhan İsayevanın ssenari müəllifi, Ramin Nəbiyevin rejissoru olduğu “Yurd” serialının da həftədə 4 gün (I, IV günlər) nümayiş etdirilməsi nəzərdə tutulur”.

İTV-nin qısa zaman ərzində böyük populyarlıq qazanmış, təkrarolunmaz simalarından biri Dadaş Dadaşlinski yenilənmiş formatda təqdim ediləcək. Onun əvəzolunmaz köməkçiləri Əziz və Lyuba yeni mövsümə əliboş gəlməyiblər. 3D proqramından başqa bütün yay mövsümündə “Yeməsəm olmaz!” deyib, Azərbaycanı qarış-qarış gəzərək özünəməxsus yumorlu tərzdə eyni adlı layihə ilə pərəstişkarlarının görüşünə gəlir.

Günün mühüm hadisələri, aktual siyasi, iqtisadi, sosial və sair xəbərlərin müzakirəsi “Diqqət Mərkəzi” verilişində gündüz saatlarında və axşam saatlarında isə tanınmış telejurnalist Murad Hüseynovun təqdimatında genişləndirilmiş formatda həftə içi dörd gün tamaşaçıların diqqətinə təqdim olunur.

Tanınmış politoloq Eldar Namazovun “Aydınlıq” analitik ictimai-siyası müəllif proqramı ilə İctimai Televiziyanın efirində hər bazar tamaşaçıların görüşünə gəlməsi nəzərdə tutulur.

Ölkə gündəmində olan, xüsusi aktuallıq kəsb edən, həyatın müxtəlif sahələrinə dair ictimai əhəmiyyətli məsələlərin müvafiq tərəflərin nümayəndələri və tanınmış mütəxəssislər, ekspertlərin iştirakı ilə müzakirəsi tamaşaçıların ən çox sevdiyi “Sabaha saxlamayaq” verilişində həftə içi dörd gün geniş formatda canlı yayımlanır.

İctimai Televiziya hərbi-vətənpərvərlik mövzusuna efirində xüsusi yer ayırır: “Bu qəbildən olan və milli qəhrəmanlarımıza həsr edilən “Heç kim unudulmur, heç nə yaddan çıxmır!”, 44 günlük Vətən müharibəsi iştirakçılarından bəhs edən “Döyüşçü” layihəsi, tanınmış hərbi jurnalist Heydər Mirzənin müəllifi və aparıcısı olduğu hərbi-analitik “Radius” proqramları ilə yanaşı, tamaşaçılarımız bu il “Vətən sağ olsun!” realiti-şousunun 2-ci mövsümünü də efirimizdən izləyə biləcəklər”. Vətən müharibəsindən sonra azad edilmiş ərazilərimizdə ölkə prezidentinin tapşırıqlarına uyğun olaraq başlayan sürətli bərpa-quruculuq işləri barədə tamaşaçılar hər bazar ertəsi saat 22:30-da “Qarabağ gündəliyi”ndən məlumat ala biləcəklər”.

Həmçinin, ötən mövsüm izləyicilərin marağına səbəb olan və məşhurları fərqli tərzdə tamaşaçılara təqdim edən “Haradasan bu vaxtacan” (Thank God You're Here) televiziya formatının yeni buraxılışları, eyni zamanda, Müsəllim Həsənovun “XX yüzillik. Faktlar, hadisələr və insanlar”, Orxan Fikrətoğlunun “Halbuki”, Rahib Azərinin “Yaddaş”, Fatehin “Fatehin divanı”, Elçin Şıxlının “Pressinq”, İlkin Manafovun “Biznes Azərbaycan” müəllif proqramlarının yayımı davam etdirilir.

Tamaşaçıların maraqla izlədiyi və gənc nəslin nümayəndələrinin xüsusi səbrsizliklə gözlədiyi “61!”, “Breyn-rinq” və “Nə? Harada? Nə zaman?” kimi intellektual proqramlar bu il də İTV-də yayımlanır.

Fərqli formatlı verilişlərdən biri də “Dikdaban”dır ki, burada həftə içi hər gün səhər saatlarında üç xanım aparıcı təxminən 2 saat ərzində müxtəlif mövzuların müzakirəsini aparacaqlar. Üç qadın aparıcının canlı efirdəki qonağı daha çox kişilərdir. Proqramın məqsədi ölkədə və dünyada gündəm olan maraqlı mövzuları müzakirə etmək, mədəniyyət, dəb, sağlamlıq haqqında maariflləndirici məlumatları efirə daşımaq, həmçinin sosial şəbəkə prioritetlərinin nəbzini tutmaqdır.

İl ərzində Avropa Yayımlar Birliyinin xətti ilə yayımlanan və məşhur Vyana Filarmonik Orkestrinin ifasında 100-dən artıq ölkədə canlı göstərilən möhtəşəm konsertlər də klassik musiqini sevənlərə İctimai Televiziyanın töhvəsidir.

Aşıq sənəti ilə bağlı maraqlı verilişlərlə tamaşaçıların, sazsevərlərin könlünü oxşayan “Ozan məclisi”nin davam etdirilməsi aşıq sənətinin araşdırılması, müasir səviyyədə təbliği, bu sənətin ən layiqli nümayəndələrinin xalqa daha yaxından tanıdılması cəhətdən müstəsna əhəmiyyətə malikdir.

Bundan əlavə İTV idmansevərləri də unutmur: “Yeni mövsümdə, yeni saatda və ən əsası yeni tərtibatda "Bol idman" hər həftənin bazar ertəsi saat 00:05-də idman həvəskarlarına təqdim olunur. Həftə içi 6 gün günorta və axşam saatlarında isə dünyanın dörd bir tərəfində baş verən idman hadisələri, eksklüziv müsahibələr, canlı bağlantılar, idmançılarımızın yarış meydanlarında qazandığı uğurlar İTV İdman vasitəsilə işıqlandırılır. Bundan əlavə, futzal üzrə milli komandamızın Avropa çempionatının final mərhələsində keçiriləcək oyunları İctimai Televiziya vasitəsilə canlı yayımlanıb”.

İctimai Radioda isə bu mövsümdə dinləyicilər üçün nəzərdə tutulan mükafat fondu artırılıb. Bundan başqa, Azərbaycanın radio tarixində ilk dəfə olaraq aparıcı Tural Yusifov verilişi sükan arxasında avtomobil idarə edərək aparacaq. Həftənin çərşənbə günləri saat 17:00-dan 20:00-dək “Avtostop” proqramında aparıcı canlı efirdə olduğu 3 saat ərzində avtomobilini Bakı küçələrində idarə edəcək və bu, ona sürücülərin pik saatlarda üzləşdiyi problemləri öz gözü ilə görməyə imkan yaradacaq. Həftənin digər iş günləri isə veriliş studiyadan yayımlanacaq.

Ayrıca onu da qeyd edək ki, İctimai Teleradionun efirində sevilən və əksəriyyət tərəfindən bəyənilən bütün proqramlar yenidən tamaşaçıların görüşünə gəlir.

İctimai Televiziya 2021-ci il sentyabrın 28-dən etibarən daha bir ilkə imza atdı.

Verilişlər virtual reallığı yaradan ən müasir studiyadan yayımlanır.

İctimai Televiziya yeni mövsümə verilişlərin məzmun keyfiyyətini artırmaqla yanaşı, Cənubi Qafqazda ilk dəfə tətbiq olunan texnoloji yeniliklərlə start verib. İctimai Televiziya və Radio Yayımları Şirkətinin 6 verilişi virtual studiyadan yayımlanır.

Şirkətin mətbuat xidmətindən aldığımız məlumata görə, İctimai TV-də yeni studiya dünyanın ən inkişaf etmiş telekanallarının yararlandığı son model texnologiyalar əsasında qurulub. Verilişlərin dekorasiyaları “Unreal engine” proqramları vasitəsilə gerçəkləşir. Bu proqramlar verilişlərdə yeni zənginləşdirilmiş, virtual görüntülər, reallıqlar yaradır.

Yeni mövsümdə bu gündən başlayaraq, hər həftənin çərşənbə axşamları saat 12:25-də texnoloji yeniliklərdən bəhs edən “İTVTECH”, saat 22:30-da isə “Radius” hərbi-analitik verilişləri virtual studiyadan yayımlanacaq.

Həftənin cümə günləri saat 12:25-də “Biznes Azərbaycan”, saat 18:25-də “Din və Cəmiyyət”, bazar günləri saat 21:00-da “İTV Xəbər-Yekun”, bazar ertəsi günləri isə 00:05-də “Bol İdman” verilişləri yeni virtual studiyadan efirə çıxacaq. Yayımda ən müasir standartların tətbiqi gələcəkdə digər verilişlərdə də təmin ediləcək.

Beləliklə, “Bizə sarı gəlin!” şüarı ilə İctimai Televiziya mövsümə həm məzmun, həm də formaca yeniliklərin tətbiqilə başlayıb.

Verilişlər[redaktə | mənbəni redaktə et]

Şirkət 24 saat ərzində Azərbaycan Respublikasının bütün ərazisində yayımlanır.

Həftəlik yayımın ümumi həcmi 168 saat (100%) təşkil edir.

Ümumi efir vaxtının 65 faizini ölkədə istehsal olunan proqramlar, 30 faizini xaricdə istehsal olunan proqramlar, 5 faizini şəxsi istehsal proqramları təşkil edir.

İctimai Televiziya və Radio Yayımları Şirkətinin yayım dilinin 80%-ini dövlət dili olan azərbaycan dili, 20%-inin isə əcnəbi dillər təşkil edirdi.

Milli Televiziya və Radio Şurasının 22 avqust 2005-ci il tarixli qərarı ilə İctimai Televiziya və Radio Yayımları Şirkətinə televiziya yayımı üçün xüsusi razılıq (lisenziya) verilmişdir.

İctimai HD[redaktə | mənbəni redaktə et]

2012-ci ilin may ayında Bakı şəhərində HD yayıma başlayan kanal. İTV-də eyni zamanda yayımlanan proqramlar yayımlanırdı. Özünəməxsus loqosu yox idi. Yalnız rəqəmsal yayımdan izləmək mümkün idi. 2012-ci ilin avqust ayının sonunda yayımı dayandırılmışdır. 16 oktyabr 2017-ci ildən etibarən 5 ildən sonra yenidən HD yayımına qayıtdı və özünəməxsus loqosu çıxdı.

Filmoqrafiya[redaktə | mənbəni redaktə et]

  1. 100000 AZN (film, 2009) (tammetrajlı bədii film) (İTV) ("Carçı-Film")
  2. Azərbaycan həftəsi (veriliş, 2007) (İctimai Televiziya)
  3. Azərbaycan palitrası (veriliş, 2005) (İctimai Televiziya)
  4. Azərbaycanlılar (veriliş, 2005) (İctimai Televiziya)
  5. Babadağ (film, 2006) (İctimai Televiziya)
  6. Balqabaq (film, 2007) (İctimai Televiziya)
  7. Bioaləm (film, 2005) (İctimai Televiziya)
  8. Bir kəndin nağılı (veriliş)
  9. Bir mahnının tarixçəsi (veriliş, 2006) (İctimai Televiziya)
  10. Böyük türk (film, 2007) (İctimai Televiziya)
  11. Bu səs Qədirin səsidir (film, 2007)(İctimai Televiziya)
  12. Bura vətəndir (film, 2006) (İctimai Televiziya)
  13. Carçı (film, 2005) (İctimai Televiziya)
  14. Cavad xan. Filmin filmi (film, 2007) (İctimai Televiziya)
  15. Dalan (film, 2012) (Carçı Film)
  16. Dəbdən dəbə (veriliş, 2006) (İctimai Televiziya)
  17. Əşrəf Hüseynov. Yaşamaq yanmaqdır... (veriliş, 2007) (İctimai Televiziya)
  18. Film media (veriliş, 2005) (İctimai Televiziya)
  19. Kliplər (İctimai Televiziya)
  20. Qovğalı kəndinin gecələri (film, 2008)
  21. Maestro Niyazi (film, 2007) (İctimai Televiziya)
  22. Muğamat var olan yerdə... (film, 2009) (İctimai Televiziya)
  23. Papaq (film, 2007) (İctimai Televiziya)
  24. Səhərə inan... (film, 2011) ("Carçı Film")
  25. Sovqat (film, 2009) ("Carçı Film")
  26. Yaşadım ki, yaşadam (film, 2008) (İctimai Televiziya)
  27. Yoxlama (film, 2006)
  28. Yuxu yaddaşı (film, 2008)
  29. Oxşarabad (film, 2018)
  30. Oxşarabad 2:Korifeylər (film, 2020)
  31. Sən demə (bədii film,2021) (İctimai Televiziya)

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]