Avroviziya Uşaq Mahnı Müsabiqəsi

Vikipediya, azad ensiklopediya
Naviqasiyaya keçin Axtarışa keçin
Avroviziya Uşaq Mahnı Müsabiqəsi
ing. Junior Eurovision Song Contest
Janr mahnı müsabiqəsi
Müəllif Byörn Eriksen
İstehsalçı Avropa Yayım İttifaqı
İstehsalçı ölkə
Dil İngiliscə, Fransızca
Buraxılış sayı 20 müsabiqə
İlk buraxılış 15 noyabır 2003
Sonuncu buraxılış 2022-
İstehsal
Müddəti 2 saat 30 dəqiqə
Veriliş
Təsvirin formatı 576i (SDTV) (2003-2006)
1080i (HDTV) (2006–indiyə kimi)
Translyasiya dövrü 15 noyabr 2003
Xronologiyası
Oxşar verilişlər Avroviziya Mahnı Müsabiqəsi
junioreurovision.tv
Vikianbarın loqosu Vikianbarda əlaqəli mediafayllar

Avroviziya Uşaq Mahnı Müsabiqəsi (ing. Junior Eurovision Song Contest) — 2003-cü ildən bəri Avropa Yayım İttifaqına üzv olan ölkələr arasında keçirilir. Müsabiqənin əsas məqsədi gənc istedadların inkişafına yardım göstərməkdir. Müsabiqə hər il müxtəlif Avropa ölkələrində baş tutur. Lakin eyni şəhər, ölkə müsabiqəyə bir neçə dəfə ev sahibliyi edə bilər. Avroviziya Mahnı Müsabiqəsindən fərqli olaraq bu müsabiqədə ötən il qalib gələn ölkə növbəti müsabiqəyə ev sahibliyi etmir və ev sahibi ölkələr müsabiqənin təşkilat komitəsinin qərarı ilə seçilir.

Müsabiqə adından da bəlli olduğu kimi Avroviziya Mahnı Müsabiqəsinə çox bənzərdir. Müsabiqədə iştirak edən hər bir ölkə Avropa Yayım İttifaqına canlı yayımda ifa olunacaq orijinal mahnı təqdim edir və qaydalara əsasən ölkə təmsilçiləri yalnız 9-14 yaş aralarında ola bilərlər. Mahnıların müddəti üçün qoyulan zaman 2 dəqiqə 45 saniyədən 3 dəqiqəyə kimidir. Müsabiqədə iştirak edən hər bir ölkədən olan izləyicilər öz bəyəndikləri ifalara SMS ilə dəstək ola bilir və eyni zamanda həmin ölkələrdən olan peşəkar münsif heyəti arasında da səsvermə keçirilir. Şounun sonunda isə ən çox səs toplayan ölkə, mahnı müsabiqənin qalibi elan edilir. Müsabiqə 2003-cü ildən bəri hər il on yeddi dəfə keçirilmişdir.

Gürcüstan Avroviziya Uşaq Mahnı Müsabiqəsində ən çox qalibiyyət əldə edən ölkədir. Belə ki, Gürcüstan müsabiqədə iştirak etdiyi on ilə ərzində 3 dəfə (2008, 20112016) qalibiyyət əldə edib. Müsabiqədə indiyədək ən yüksək xalla qələbə qazanan iştirakçı isə 2019-cu ildə Polşa təmsil edən 12 yaşlı Viki Qabor (278 xal) olmuşdur.

Tarix[redaktə | mənbəni redaktə et]

Müsabiqənin tarixi Danimarkanın DR telekanalının 20002001-ci ildə danimarkalı uşaqlar üçün keçirdiyi mahnı müsabiqəsindən başlamışdır. Telekanal 2002-ci ildə müsabiqəni genişləndirmiş və MGP Nordic adlanan mahnı müsabiqəsində Skandinaviya ölkələrindən (Danimarka, İsveç, Norveç) olan uşaqlar iştirak etmişdir. Növbəti il isə Avropa Yayım İttifaqı MGP Nordic-dən ilhamlanaraq, ümumi qitədən olan uşaqların iştirak edəcəyi müsabiqə təşkil etmişdir. Uzun illərdir ki, yayımlanan Avroviziya Mahnı Müsabiqəsinin formatına uyğunlaşdırılan müsabiqənin ilkin adı Uşaqlar üçün Avroviziya Mahnı Müsabiqəsi (ing. Eurovision Song Contest for Children) olmuşdur[2]. İlk müsabiqəyə məhz Danimarka ev sahibliyi etmişdir. Həmin müsabiqədə 11 yaşlı Xorvatiya təmsilçisi Dino Yeluşiç qalib gəlmişdir.

Uğurla keçirilən ilk müsabiqədən sonra ikinci Avroviziya Uşaq Mahnı Müsabiqəsinin keçiriləcəyi yerlə bağlı problemlər yaranmışdı. İlk öncə həmin müsabiqəyə Böyük Britaniyanın Mançester şəhərinin ev sahibliyi edəcəyi açıqlansa da, daha sonra Böyük Britaniya maliyyə çətinlikləri səbəbindən müsabiqəyə ev sahibliyi etməkdən imtina etmişdir. Digər bir səbəbin isə ölkədə müsabiqəyə olan marağın az olması düşünülürdü. Bunun ardınca 2003-cü ildə müsabiqədə qalibiyyət əldə etmiş Xorvatiya da 2004 Avroviziya Uşaq Mahnı Müsabiqəsinə ev sahibliyi etməkdən imtina etmişdir. Müsabiqənin keçirilməsinə beş ay qalmış Norveçin NRK telekanalı müsabiqəyə ev sahibliyini öz üzərinə götürmüşdür. AYİ-nin razılığı ilə həmin müsabiqə məhz Norveçdə, Lillehammer şəhərində baş tutdu.[3].

2004-cü ildə ev sahibliyi ilə bağlı yaşanan problemlərdən sonra AYİ Avroviziya Mahnı Müsabiqəsində tətbiq edilən ötən il qalib gələn ölkənin növbəti müsabiqəyə ev sahibliyi etməli olması ilə bağlı qaydanı uşaqlar üçün müsabiqədə keçərsiz olduğunu və növbəti illərdə ev sahibi ölkələrin müsabiqənin təşkilat komitəsinin qərarı ilə bir il öncədən seçiləcəyi bəyan edildi.

Avroviziya Uşaq Mahnı Müsabiqəsində 2003-cü ildən 2008-ci ilə kimi səsvermə yalnız SMS vasitəsi ilə keçirilmişdir. Daha sonra 2008-ci ildən etibarən müsabiqənin nəticələri bütünlüklə izləyicilərə deyil, eyni zamanda səslərin 50%-i müxtəlif ölkələrdən olan peşəkar münsif heyətinə həvalə olundu.

Format[redaktə | mənbəni redaktə et]

Belarusu 2005 Avroviziya Uşaq Mahnı Müsabiqəsində təmsil edən və qələbə qazanan Kseniya Sitnik

Avroviziya Uşaq Mahnı Müsabiqəsinin keçirildiyi illər ərzində müsabiqənin formatı dəyişilməz olaraq qalmışdır. Müsabiqədə ifa edilən mahnılar orijinal olmalı və təyin edilmiş zamandan öncə heç bir yerdə səslənilməməlidir. Ölkə tərəfindən təqdim edilən mahnı müsabiqədə canlı olaraq ifa edilməlidir. Müsabiqədə iştirak etmək üçün ölkənin dövlət kanallarından biri Avropa Yayım İttifaqına üzv olmalıdır. Müsabiqə iştirakçı ölkələrdən birində keçirilməlidir. Avropa Yayım İttifaqının bildirdiyinə görə bu müsabiqənin əsas hədəfi gənc istedadların inkişafına yardım göstərmək və onları mübarizəyə cəsarətləndirməkdir.

Müsabiqə adətən noyabr ayının sonu və ya dekabr ayının əvvəlində, şənbə günləri 2 saat 30 dəqiqəlik müddətdə baş tutur. Müsabiqə zamanı bütün mahnılar ölkə təmsilçiləri tərəfindən canlı ifa edilir və ifalardan sonra ölkələr bəyənilən mahnılara öz səslərini təqdim edirlər. Ölkələr öz təmsilçilərinə səs verə bilməzlər. Bütün səslər ölkə üzrə hesablanır (yəni Gürcüstanda yığılan səslər ayrı, Maltada ayrı, Belarusda ayrı hesablanır). Müsabiqənin sonunda ən çox səs qazanan ölkə, mahnı həmin müsabiqənin qalibi elan edilir. Şou ərzində müsabiqəni ev sahibi ölkənin hazırladığı fasilə aktları zamanı yayım hüququ olan telekanallara reklam fasiləsinə ayrılmaq üçün şərait yaradılır.

2008-ci ildən etibarən müsabiqənin nəticələri 50% SMS səsverməsi və 50% müxtəlif ölkələrdən olan peşəkar münsif heyəti arasında keçirilən səsvermənin toplamı nəticəsində təyin olunur[4]. Müsabiqədə iştirak edən hər bir ölkənin səsverməsində ən çox səs toplayan on ölkə 12, 10, 8-1 xallar qazanır. Səslər canlı yayımda ölkələrdən olan 9-14 yaşlı nümayəndələr tərəfindən ingilis və ya fransız dilində səsləndirilir. Bütün ölkələr öz səslərini açıqladıqdan sonra toplamda ən çox səs qazanmış ölkə, mahnı müsabiqədə qələbə qazanmış olur. 2013-cü ilə kimi müsabiqədə yalnız qalib gələn ifaçı kubok və sertifikat əldə edirdisə, 2013-cü ildən etibarən ikinci və üçüncü yerlərdə qərarlaşan təmsilçilər də müsabiqə tərəfindən mükafatlandırılır.

Müsabiqədə 2005-ci ildən 2015-ci ilə kimi ölkələr səslərini açıqlamadan öncə hər bir iştirakçıya müsabiqə tərəfindən 12 xal hədiyyə edilirdi. Həmin illərdə səsverməni 12 xalla başa vurmaq sıfır xala bərabər idi. Lakin müsabiqədə indiyədək heç bir ölkə nəticə olaraq sıfır xal qazanmayıb.

Avroviziya Uşaq Mahnı Müsabiqəsinin Avroviziya Mahnı Müsabiqəsinin formatında qurulmasına baxmayaraq, iki müsabiqə arasında müəyyən fərqli qaydalar var. Belə ki, Avroviziya Mahnı Müsabiqəsindən fərqli olaraq uşaqların müsabiqəsində ötən il qalib gələn ölkənin növbəti müsabiqəyə ev sahibliyi etməli olması ilə bağlı qayda bu müsabiqədə keçərsiz hesab olunur və ev sahibi ölkələr müsabiqənin təşkilat komitəsinin qərarı ilə bir il öncədən seçilir. Lakin müəyyən illərdə AYİ ev sahibliyi hüququnu sonuncu müsabiqədə qalib gələn ölkəyə vermişdir. Eyni zamanda Avroviziya Mahnı Müsabiqəsində hər ifa zamanı səhnədə yalnız altı nəfərin iştirakını icazə verildiyi halda bu rəqəm uşaqların müsabiqəsində səkkizdir.

Müsabiqənin qaydaları[redaktə | mənbəni redaktə et]

Avroviziya Uşaq Mahnı Müsabiqəsində ifa edilən mahnılar hər bir ölkənin öz milli dilində səslənməlidir. Lakin mahnıların yalnız kiçik bir hissəsinin digər bir dildə olmasına AYİ tərəfindən icazə verilir. İfaçılar təmsil etdikləri ölkənin nümayəndəsi olmalı və ya ən azı iki il həmin ölkədə yaşamış olmalıdır.

İlkin olaraq müsabiqədə iştirakçılara qoyulan yaş məhdudiyyəti 8 və 15 yaş arası idi. Lakin daha sonra 2007-ci ildən etibarən yalnız 10 və 15 yaş arası uşaqların müsabiqədə iştirak edə biləcəyi bildirildi. Son olaraq isə yaş məhdudiyyəti 2016-cı ildə dəyişikliyə uğradı. Belə ki, artıq müsabiqədə yalnız 9-14 yaşda olan uşaqlar öz ölkələrini təmsil edə bilərlər.

Müsabiqənin qaydalarına əsasən hər il müsabiqədə maksimum 21 ölkə iştirak edə bilər.

Təşkilat[redaktə | mənbəni redaktə et]

Avroviziya Uşaq Mahnı Müsabiqəsi hər il Avropa Yayım İttifaqı tərəfindən təşkil edilir. 2003-cü ildən 2010-cu ilə kimi müsabiqənin icraçı direktoru Svante Stokselius olmuşdur. İcraçı direktor müsabiqənin qaydalarını müəyyən edir, növbəti il müsabiqəyə hansı ölkənin ev sahibliyi edəcəyini təyin edir və ümumilikdə müsabiqənin gedişatına nəzarət edir. Müsabiqənin hal-hazırkı icraçı direktoru, eyni zamanda Avroviziya Mahnı Müsabiqəsinin icraçı direktoru olan Yon Ola Sanddır. Aşağıdakı cədvəldə müsabiqə tarixində uşaq Avroviziyasına rəhbərlik edən şəxslər göstərilmişdir.

Ölkə Ad İl(lər)
İsveç İsveç Svante Stokselius 2003–2010
Niderland Niderland Sietse Bekker 2011–2012
Rusiya Rusiya Vladislav Yakovlev 2013–2015
Norveç Norveç Yon Ola Sand 2016-2020
🇸🇪 İsveç Martin Österdahl 2020-indiki

İştirak[redaktə | mənbəni redaktə et]

2003-cü ildən bəri iştirak:
  Müsabiqədə bir dəfə də olsa iştirak edən ölkələr
  Qoşulma haqqı olub bu ana qədər qatılmayan ölkələr

Avropa Yayım İttifaqının fəal üzvü olan hər bir ölkə (hətta Avropadan kənar olsa da belə) müsabiqədə iştirak etmək hüququna malikdir. Bu ölkələr Avropa yayım ərazisinə daxil olan ölkələr və ya Avropa Şurasına üzv ölkələrdir. Müsabiqənin Avropadan kənar iştirakçılarına misal olaraq 2012-ci ildən bəri müsabiqədə iştirak edən İsraili2015-ci ildən bəri müsabiqədə iştirak edən Avstraliyanı göstərmək olar. Müsabiqədə indiyədək cəmi 37 ölkə ən azı bir dəfə iştirak etmişdir. Bu ölkələrdən yalnız BelarusNiderland müsabiqədə hər il iştirak etmişdir. Müsabiqənin qaydalarına əsasən hər il müsabiqədə maksimum 18 ölkənin iştirakına icazə verilir. Aşağıda göstərilən siyahıda ölkələr müsabiqədə ilk iştiraklarına görə sıralanmışdır.

İl İlk dəfə iştirak edən ölkələr
2003 Belarus Belarus, Belçika Belçika, Böyük Britaniya Birləşmiş Krallıq, Danimarka Danimarka, İspaniya İspaniya, İsveç İsveç, Kipr Kipr, Latviya Latviya,
Şimali Makedoniya Makedoniya, Malta Malta, Niderland Niderland, Norveç Norveç, Polşa Polşa, Rumıniya Rumıniya, Xorvatiya Xorvatiya, Yunanıstan Yunanıstan
2004 Fransa Fransa, İsveçrə İsveçrə
2005 Rusiya Rusiya, Serbiya və Monteneqro
2006 Portuqaliya Portuqaliya, Serbiya Serbiya, Ukrayna Ukrayna
2007 Bolqarıstan Bolqarıstan, Ermənistan Ermənistan, Gürcüstan Gürcüstan, Litva Litva
2010 Moldova Moldova
2012 Albaniya Albaniya, Azərbaycan Azərbaycan, İsrail İsrail
2013 San-Marino San-Marino
2014 İtaliya İtaliya, Monteneqro Monteneqro, Sloveniya Sloveniya
2015 Avstraliya Avstraliya, İrlandiya İrlandiya
2018 Qazaxıstan Qazaxıstan, Uels Uels
2020 Almaniya Almaniya
2023 Estoniya Estoniya

Qalib ölkələr[redaktə | mənbəni redaktə et]

səhifə hazırlanma mərhələsindədir

İl Tarix Ev Sahibi İştirakçı
sayı
Qalib ölkə Mahnı İfaçı Xal İkinci yer
2003 15 noyabr Danimarka Kopenhagen 16 Xorvatiya Xorvatiya "Ti si moja prva ljubav" Dino Yeluşiç 134 İspaniya İspaniya
2004 20 noyabr Norveç Lillehammer 18 İspaniya İspaniya "Antes muerta que sencilla" Mariya İzabel 171 Böyük Britaniya Birləşmiş Krallıq
2005 26 noyabr Belçika Hasselt 16 Belarus Belarus "My vmeste" (Мы вместе) Kseniya Sitnik 149 İspaniya İspaniya
2006 2 dekabr Rumıniya Buxarest 15 Rusiya Rusiya "Veseniy jazz" (Весенний джаз) Tolmaçova bacıları 154 Belarus Belarus
2007 8 dekabr Niderland Rotterdam 17 Belarus Belarus "S druz'jami" (С друзьями) Aleksey Jiqalkoviç 137 Ermənistan Ermənistan
2008 22 noyabr Kipr Limasol 15 Gürcüstan Gürcüstan "Bzz..." Bzikebi 154 Ukrayna Ukrayna
2009 21 noyabr Ukrayna Kiyev 13 Niderland Niderland "Click Clack" Ralf Makenbax 121 Ermənistan Ermənistan
Rusiya Rusiya
2010 20 noyabr Belarus Minsk 14 Ermənistan Ermənistan "Mama" (Մամա) Vladimir Arzumanyan 120 Rusiya Rusiya
2011 3 dekabr Ermənistan İrəvan 13 Gürcüstan Gürcüstan "Candy Music" Candy 108 Niderland Niderland
2012 1 dekabr Niderland Amsterdam 12 Ukrayna Ukrayna "Nebo" (Небо) Anastasiya Petrik 138 Gürcüstan Gürcüstan
2013 30 noyabr Ukrayna Kiyev 12 Malta Malta "The Start" Qayya Kauki 130 Ukrayna Ukrayna
2014 15 noyabr Malta Malta 16 İtaliya İtaliya "Tu primo grande amore" Vinçentso Kantyello 159 Bolqarıstan Bolqarıstan
2015 21 noyabr Bolqarıstan Sofiya 17 Malta Malta "Not My Soul" Destini Çukunyere 185 Ermənistan Ermənistan
2016 20 noyabr Malta Valletta 17 Gürcüstan Gürcüstan "Mzeo" (მზეო) Maryam Mamadaşvili 239 Ermənistan Ermənistan
2017 26 noyabr Gürcüstan Tbilisi 16 Rusiya Rusiya "Wings" Polina Boquseviç 188 Gürcüstan Gürcüstan
2018 25 noyabr Belarus Minsk 20 Polşa Polşa "Anyone I Want To Be" Roksana Veqel 215 Fransa Fransa
2019 24 noyabr Polşa Qlivitsе 19 Polşa Polşa "Superhero" Viki Qabor 278 Qazaxıstan Qazaxıstan
2020 29 noyabr Polşa Varşava 12 Fransa Fransa "J'imagine" Valentina 200 Qazaxıstan Qazaxıstan
2021 19 dekabr Fransa Paris 19 Ermənistan Ermənistan "Qami Qami" Maléna 224 Polşa Polşa
2022 11 dekabr Ermənistan İrəvan 16 Fransa Fransa "Oh Maman" Lissandro 203 Ermənistan Ermənistan
2023 26 noyabr Fransa Nitsa 16 Fransa Fransa "Cœur" Zoe Klozür 228 İspaniya İspaniya

İstinadlar[redaktə | mənbəni redaktə et]

  1. 1,0 1,1 Česko-Slovenská filmová databáze (çeş.). 2001.
  2. "First EBU press release on JESC 2003". Avropa Yayım İttifaqı. 22 noyabr 2002. 2006-09-05 tarixində orijinalından arxivləşdirilib. İstifadə tarixi: 2017-10-31. (#apostrophe_markup)
  3. "'Junior contest moves to Norway'". ESC Today. 17 iyun 2004. 2004-11-16 tarixində arxivləşdirilib. İstifadə tarixi: 2017-10-31. (#apostrophe_markup)
  4. "Junior: Minor format changes introduced". AYİ. 6 iyun 2008. 2008-09-12 tarixində arxivləşdirilib. İstifadə tarixi: 2017-10-31.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]