Kopenhagen

Vikipediya, azad ensiklopediya
Jump to navigation Jump to search


Kopenhagen mədəniyyətini çox vaxt "açıq səma altındakı mədəniyyət" də adlandırırlar. Yay vaxtı Danimarka səmalarında parlaq günəş işıq saçır və şəhərin müxtəlif meydanlarında açıq səma altında mədəniyyət tədbirləri keçirilir. Bu mədəniyyət tədbiləri danimarkalıların və turistlərin çox böyük marağına səbəb olur. Həmçinin yay kinoteatrlarında filmlər nümayiş olunur, hər kəs birlikdə gün dönümünü (midsummer) qeyd edir, parklarda, göl kənarlarında, şəhər ətraflarında məşəllər yandırılır. kopenhagen gerbində şirə olan etinad var.[1].

Tarixi[redaktə | mənbəni redaktə et]

Şəhər Eresuni boğazının cənub-şərq hissəsində Zelandiya və Amager adalarında yerləşir.

"Kopenhagen" tərcümədə "ticarət limanı" mənasını verir. Kopenhagen haqqında ilk məlumat sənədlərdə 1043-cü ildə verilib. 1443-cü ildə kilsəyə mənsub olub, sonradan Danimarka krallarının iqamətgahına çevrilib. 1520–30-cu illərdə Reformasiyanın mərkəzi olub. 1867-ci ildə qoruyucu xəndəklər və şəhərin divarları, 1872-ci ildə bəndlər yaradılmışdır. Kopenhagen şəhər ətrafı Frederiksborqla, Sundbüerinlə, Brensxemlə, Vadbyu ilə birləşmişdir. 1940–1945-ci illərdə şəhər alman faşist ordusu tərəfindən zəbt olunmuşdur.

Memarlığı[redaktə | mənbəni redaktə et]

Bu şəhər radiuslu dairə prinsipi ilə tikilmişdir. Şəhərin ən köhnə hissəsi İçəri şəhərdən, Saray adasından, İstinad qalasından ibarətdir.

Turizm[redaktə | mənbəni redaktə et]

Kopenhagen şəhəri sakinləri və qonaqları üçün yüksək həyat tərzi təklif edir.[2] Şəhər rəngarəng memarlıq nümunələri, dizayn və delikatesləri ilə məşhurdur.[2] Həmçinin burada çox rahat şəhər nəqliyyatı, velosiped mədəniyyəti (şəhər əhalisinin 36 faizi iş yerlərinə və təhsil aldıqları müəssisələrə bu nəqliyyat növü ilə gedir[2]), limanları, yaşıllıqları, dəbli kafeləri yüksək həyat tərzinə öz töhfəsini verir.[2] Sahil küçələrində, parklarda, şənbə-bazar günləri isə şəhərdən kənarda qəsrlərdə, kəndlərdə, meşə və dağlarda gəzinti insana əvəzolunmaz zövq bəxş edir.[2]

İstinadlar[redaktə | mənbəni redaktə et]

  1. "Ən məşhur mədəniyyət mərkəzləri. ann.az". 2011-04-05 tarixində arxivləşdirilib. İstifadə tarixi: 2011-04-09.
  2. 1 2 3 4 5 Lamiyə Əliyeva, Dünya universitetləri: Kopenhagen Universiteti Arxivləşdirilib 2014-09-09 at the Wayback Machine, "Azərbaycan müəllimi" qəzeti, 05.11.2010, № 43.  (az.)

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]