Danimarka

Danimarka Krallığı Kongeriget Danmark Danimarka
Bayraq Gerb
Şüarı:  Guds hjælp, Folkets kærlighed, Danmarks styrke (Allahın köməyi, Xalqların sevgisi, Danimarkanın qüdrəti)
Himni: Der er et yndigt land ("Sevilən torpaq var")
Paytaxtı və ən böyük şəhəri	Kopenhagen
Rəsmi dilləri	Dan dili
Etnik qrupları	danimarkalılar -94%; türklər -1,1%;ərəblər-1%; polyaklar -0,7%; almanlar -0,6%
İdarəetmə forması	Konstitutsiyalı monarxiya
• Kraliça	Marqaret II[ 12.I.1972 ~]
• Baş nazir	Mette Frederiksen[ 27.VI.2019 ~]
Monarxiya
Tarixi
• Dövlətin formalaşması	VIII əsr
• Aİ-yə qəbul	1 yanvar 1973
• Yaranması	VIII əsr
Ərazisi
• Ümumi	42931 (134-cü yer)
• Su (%)	1,6%
Əhalisi
• 2015 təxmini	5 600 min (113-cü yer)
• 1.1.2001 siyahıya alma	5 349 212
• Sıxlıq	129/km2 (334.1/kv. mil) (78-ci yer)
ÜDM (AQP)	2014 təxmini
• Ümumi	249,5 milyard (58-ci)
• Adam başına	44 300 (30-cu)
ÜDM (nominal)	2010 təxmini
• Ümumi	313,825 milyard (31-ci)
• Adam başına	56.790 (5-ci)
İİİ (2013)	0.901 çox yüksək · 15-ci yer
Valyutası	Danimarka kronu (DKK)
Saat qurşağı	UTC +1
Yolun hərəkət istiqaməti	sağ
Telefon kodu	45
ISO 3166 kodu	DK
İnternet domeni	.dk

Danimarka (dan. Danmark) — Avropada dövlət. Danimarkada yerli idarəetmələr iki səviyyəli sistemə əsaslanmaqdadır. Üst səviyyədə kontluklar (amtskommuner) və alt səviyyədə isə bələdiyyələr (kommuner) vardır. Bununla bərabər Kopenhagen və Frederiksberq həm kontluk, həm də eyni zamanda bələdiyyədir.

Ölkə 14 kontluk və 275 bələdiyyədən ibarətdir. Buna Kopenhagen və Frederiksberq şəhərləri də daxildir.

Ərazi

Danimarka Krallığı Şimali Avropada yerləşir. Ölkə qərbdən Şimal dənizi, şərqdən Baltik dənizi, cənubdan Almaniya ilə həmsərhəddir. Ölkənin əsas hissəsi yarımadada yerləşir. Paytaxt Kopenhagen Zelandiya və Amager adalarında yerləşir. Bu adalar ölkənin nisbətən böyük adalarıdır (Qrenlandiya istisna olmaqla). Bu ada rəsmi olaraq Danimarkanın mülküdür. Ölkə ərazisi düzənliklərdən ibarətdir. Yalnız Bornholm adaları qayalı relyefə malikdir. Düzənlik relyefin səbəbi qədim Buz dövrüdür. Ən yüksək nöqtəsi Eyer Bavnxoy (173 m) yüksəkliyidir. Ölkə 17 amtoma (vilayət) bölünmüşdür. Kopenhagen və Ferederiksberq müstəqil inzibati ərazi vahidləridir. Ərazisindən 158 km uzunluğu olan Qudeno çayı keçir.

Əhali

Danimarkanın əhalisini 5.415.978 nəfər təşkil edir. Əhalinin 96%-ni danimarkalılar, 2%-ni almanlar, farerlər, isveçlər, qalanlarını isə Qrenlandiyada yaşayan eksimoslar təşkil edir. Əhalinin 97%-i protestanlığın lüteran qrupuna daxildir..

Tarixi

X əsrdə Vahid Danimarka Krallığı yaradılır. 1397-ci ildə Kalmar uniyası bağlanır. 1538-ci ildə Lüteranlıq əsas din kimi möhkəmlənir. 1849-cu ildə Danimarka konstitusiyalı monarxiya elan olunur. 1940-cı ildə İkinci dünya müharibəsinin gedişində Faşist Almaniyası tərəfindən işğal olunur. 1945-ci il işğaldan azad edilir.

Coğrafiya

Danimarkanın ümumi ərazisi 42,931 km²-dır. Danimarka 56° şimal enliyində və 10º şərq uzunluğunda yerləşir. Danimarka, İsveçin cənub-qərbində, Norveçin cənubunda və Almaniyanın şimalında yerləşir. Danimarka həm Baltik həm də Şimal dənizi ilə 7,500 kilometrlik sahil xətti vasitəsilə sərhəddir. Danimarkanın tək quru sərhədi, Almaniyanın Şlezviq-Holşteyn vilayətindədir. Bu sərhədin uzunluğu 68 kilometrdir. Danimarka, Baltik dənizini Şimal dənizi ilə birləşdirən Skagerrak və Kattegat boğazlarına nəzarət edir. Ölkənin ərazisində yerləşən ən köhnə torpaqlar Mezozoy dövründən qalmışdır. O dövrlərdə, Cənubi Skandinaviya masifini əhatə edən geniş bir dəniz var idi. Bu səbəbdən Danimarka, Skandinaviya ölkələrindən geoloji olaraq fərqli bir ölkədir. Danimarkanın çayları qısadır. Onlardan ən uzunu Quden çayıdır (149 kilometr). Buna görə Danimarka çaylarında su elektrik stansiyası qurmaq olmaz. Danimarka relyefinin əksəriyyəti düz ərazidən ibarət olduğuna görə, çoxlu sayda göl yaranmışdır. Kiçik Kəmər boğazı, Yutlandiya yarımadasının Fyon adasından ayırır. Boğazın cənub-şərqində, Lanqeland Adası yerləşir. Danimarkadakı Böyük Kəmərin şərqində, paytaxt Kopenhageni ehtiva edən Zelandiya adası yerləşir. Yutlandiya yarımadasının şimalında bir neçə dərin boğazlar mövcuddur. Bunların ən uzunu Limford və Mariyager Fyord boğazlarıdır. Danimarkanın şərq sahilində, Baltik dənizində ölkəyə aid olan 443 ada yerləşir.