Lixtenşteyn

Lixtenşteyn Knyazlığı alm. Fürstentum Liechtenstein‎
Bayraq Gerb
Şüarı: "Für Gott, Fürst und Vaterland" "Tanrı, Şahzadə və Vətən üçün"
Himni: Oben am jungen Rhein azərb. Gənc Reynə qədər‎
Paytaxtı	Vadus
Ən böyük şəhəri	Şan
Rəsmi dilləri	alman dili
Dini	Xristianlıq, Katolisizm
İdarəetmə forması	Konstitusiyalı Monarxiya
• Knyaz	II Hans Adam fon Lixtenşteyn(13.11.1989)
• Baş Nazir	Daniel Risch (25.03.2021)
Qurulması
Tarixi
• Yaranması	23 yanvar 1719
• Müstəqillik	1866
• Yaranması	12 iyul 1806
Ərazisi
• Ümumi	160 (219-cu yer)
• Su (%)	2.7
Əhalisi
• Təxmini	37,340
• 2014 siyahıya alma	193-cü yer
• Sıxlıq	227/km2 (587.9/kv. mil) (57)
Valyutası	İsveçrə frankı
Saat qurşağı	UTC+1
Telefon kodu	+423
İnternet domeni	.li

Lixtenşteynin xəritəsi

Lixtenşteyn (alm. Liechtenstein) və ya rəsmi adı ilə Lixtenşteyn Knyazlığı (alm. Fürstentum Liechtenstein) — Mərkəzi Avropanın cənub-qərbində mikrodövlət. Lixtenşteyn Alp dağlarında, Reyn çayının sağ sahilində yerləşir. Şimal və şərqdə Avstriya, cənub və qərbdə İsveçrə ilə həmsərhəddir. Paytaxtı Vadus şəhəri, ümumi sahəsi 160 kvadrat kilometrdir. Lixtenşteyn knyaz tərəfindən idarə olunan konstitusiyalı monarxiya dövlətidir. Dövlət dili alman dili, danışıq dili isə alman dilinin dialektlərindən biri olan aleman ləhcəsidir. Lixtenşteynin dənizə birbaşa çıxışı yoxdur və Özbəkistanla birlikdə dənizə çıxışı olmayan ölkələrlə əhatə olunmuş nadir dövlətlərdəndir.

Tarixi

Lixtenşteynlilərin əcdadları qədim retlər və german tayfaları olan alemanlar olublar. Son illər isə əhali əsasən mühacirlər – avstriyalılar və alman əsilli isveçrəlilərin hesabına formalaşır.

Lixtenşteyn dövləti 23 yanvar 1719-cu ildə meydana gəlmişdir. 1918-ci ilə qədər Avstriya-Macarıstanla sıx əlaqədə olmuş və onun Forarlberq əyaləti ilə ümumi gömrük dairəsi təşkil etmişdir. 1921-ci ildə müstəqil dövlət elan olunaraq, İsveçrənin siyasi protektoratı altına keçmişdir.

Siyasət

Lixtenşteyn xəritəsi

Ali qanunverici orqan — landtaq (parlament)

Ali icraçı orqan — hökumət

Partiyalar -

1. Vətəndaş İttifaqı — vıı (1936), Liberal Burjua Partiyası. Sədr: X. Frommel.
2. Proqqressiv Vətəndaş Partiyası- PVP, Sədr: Y. Matt.
3. Azad Siyasi — Ekoloji Partiya, lider: P. Frik.
4. Xristian — Sosial Partiyası, solburjuaziya, parlamentdə iştirak etmir.

Əhalisi

31 dekabr 2012-ci il tarixinə olan məlumatlara görə əhalisi 36 838 nəfərdir və il başlayandan 363 nəfər artmışdır.

2000-ci ilin siyahıyaalmasına əsasən əhalisinin 65,6% lixtenşteynlilərdir (almanlar). Yerdə qalan əhali əsasən italyanlar, isveçrəlilər və avstriyalılardan ibarətdir.

Dini etiqadlarına görə əhalinin 92%-i katolik, 8%-i isə protestantdır.

Ərazisi

Lixtenşteynin inzibati bölgüsü

Paytaxtı Vadus şəhəri. İki tarixi vilayəti var, Oberland və Unterland.