Bakı Kristal Zalı

Vikipediya, açıq ensiklopediya
Keçid et: naviqasiya, axtar
Bakı Kristal Zalı
Baku Crystal Hall
Ölkə Azərbaycan
Şəhər Bakı
Yerləşməsi Dövlət Bayrağı Meydanı
Memarı Alpine Bau Deutschland AG
Memarlıq quruluşu Modern
Tikilmə tarixi 2 avqust 2011 - 16 aprel 2012
Aidiyyatı Bakı Şəhər İcra Hakimiyyəti
Baku Cyrstal Hall (Bakı)
Locator Dot2.gif
Baku Cyrstal Hall

Koordinatlar: 40°23′43″ şm. e. 49°52′56″ ş. u. / 40.39528° şm. e. 49.88222° ş. u. / 40.39528; 49.88222

Bakı Kristal Zalı
Gecə görüntüsü
Gecə görüntüsü
Gecə görüntüsü
Bakı Kristal Zalının inşası, yanvar 2012-ci il

Bakı Kristal Zalı — Bakıda Avroviziya 2012 yarışmasının keçirilməsi nəzərdə tutulan idman-əyləncə kompleksi[1]. Əvvəllər rəsmi olaraq təsdiqlənməsə də 2012 Avroviziya Mahnı Müsabiqəsinin burada keçiriləcəyi ehtimal olunur[2].

Ümumi məlumat[redaktə | əsas redaktə]

5000 m2 ərazini əhatə edən 25 000 nəfərlik kompleks orijinal arxitekturası ilə fərqlənir və paytaxtın memarlıq quruluşuna xüsusi yaraşıq verir.[3] 10 yanvar 2012-ci il tarixinə zalın çox funksional arenasının dam örtüyü tamamilə quraşdırıldı. Dam örtüyünün çəkisi 2400 tondu. İnşaat prosesində 500 nəfər çalışmışdır.[4] Avroviziya müsabiqəsinin keçirilməsi üçün 6 həftəyə ərsəyə gəlmiş olan - "Bakı Kristal Zalı"nın səhnəsində işıq effektləri və televiziya avadanlıqları quraşdırılıb. "Bakı Kristal Zalı"nda istifadə olunan möhtəşəm işıqlandırma sistemi, 2500-dən çox projektor, 3.000 metrdən artıq naqil Almaniyadan gətirilib. Səhnənin bəzi elementləri hazır şəkildə Hamburq şəhərindən paytaxtımıza gətirilib. 2 ədəd yük təyyarəsi ilə isə Avropanın müxtəlif şəhərlərindən müasir işıq-diod texnologiyası və videokamera sistemi daşınıb. "Bakı Kristal Zalı"nın səhnəsində 1.300 m-dən artıq sahəsi olan işıq-diod ekranlar "elektron pəncərə"lər formasında yerləşdirilib. [3] Bundan əlavə, şounu ekrana gətirmək üçün arenada xüsusi sistem vasitəsi ilə 25 HD kamera quraşdırılıb. 

Konsertlər[redaktə | əsas redaktə]

Avroviziya[redaktə | əsas redaktə]

17 noyabr 2011-ci ildə CNN telekanalı Azərbaycanda final yarışmasına hazırlıqla bağlı geniş reportaj verdi[5]. Telekanal reportajında "2012 Avroviziya Mahnı Müsabiqəsi"nin keçirilməsi ehtimal edilən Bakı Kristal Zalının eskizini nümayiş etdirdi[6].

25 yanvar 2012-ci il tarixində “Eurovision-2012” mahnı müsabiqəsinin Bakı Kristal Zalında keçiriləcəyi rəsmən təsdiqləndi. Avropa Yayım Birliyi (EBU) bu barədə açıqlama verdi.[7]

Müsabiqənin Azərbaycan üzrə yayımçısı olan Azərbaycan İctimai Teleradio SC bu müsabiqə üçün 3 potensial yer təklif edibmiş, lakin EBU üstünlüyü yeni qapalı arenaya verib. Yeni tikilən “Baku Crystall Hall” təxminən 25 min tamaşaçı tutur. 16 minə yaxın tamaşaçı isə müsabiqənin yarımfinalını və finalını böyük monitordan canlı izləyə biləcəklər. [8]

Cenifer Lopez[redaktə | əsas redaktə]

Əsas məqalə: Cenifer Lopez

2012-ci ilin sentyabrın 23-də Cenifer Lopez «Dance again» proqramı ilə Kristal Zalın səhnəyə çıxıb.

Aygün Kazımova[redaktə | əsas redaktə]

Əsas məqalə: Aygün Kazımova

2017-ci ilin sentyabrın 22-də Aygün Kazımova səhnə fəaliyyətinin 30 illiyi münasibətilə «Aygün-30 il» proqramı ilə Kristal Zalında səhnəyə çıxmışdır.[9]

İdman yarışları[redaktə | əsas redaktə]

2013-14 mövsümündə CEV Qadınlar Çempionlar Liqasının dördlər finalına ev sahibliyi qazanan Bakı şəhərinin arena seçimi Krsital Zalından yana oldu.[10] Bu seçimdən sonra martın 15-i və 16-ı voleybol üzrə Çempionlar liqasının müvafiq olaraq iki yarımfinal, bir üçüncülük və bir final oyununa Kristal Zalı ev sahibliyi etmişdi. Sonda təmin etdiyi yüksək səviyyəli imkanlara görə zal bu mənada indiyə qədərki yarışlar içində ən möhtəşəm təşkilatçılığa imza atmışdı. Maraq üçün qeyd edək ki, turnirin final qarşılaşmasında Dinamo Kazan Vakıfbank Günəş Sığorta Qadın Voleybol Komandasına 3-0 hesab ilə qalib gələrək Avropanın bir nömrəli kubokuna yiyələnmişdi.[11]

İstinadlar[redaktə | əsas redaktə]

  1. “AVROVİZİYA 2012”nin ÜNVANI BƏLLİ OLDU: “BAKI KRİSTAL ZALI”  (azərb.)
  2. Azerbaijan: Baku Crystal Hall to host Eurovision 2012  (ing.)
  3. 3,0 3,1 http://www.azerbaijans.com/content_1612_az.html
  4. http://news.day.az/culture/308583.html
  5. http://video.day.az/view=xgz226wf
  6. http://news.day.az/society/299777.html
  7. http://www.eurovision.tv/page/news?id=45013&_t=crystal_hall_approved_as_eurovision_2012_venue
  8. http://www.eurovision.tv/page/news?id=45013&_t=crystal_hall_approved_as_eurovision_2012_venue
  9. http://axsam.az/?name=xeber&news_id=79183
  10. "Dördlər finalı"nın "Kristal Zal"da keçiriləcəyi dəqiqləşdi  (azərb.)
  11. Dinamo KAZAN dethrones VakifBank to claim the 2014 Champions League title  (ing.)

Xarici keçidlər[redaktə | əsas redaktə]

Vikianbarda Bakı Kristal Zalı ilə əlaqəli mediafayllar var.

Əvvəlki:
Esprit arena
Flag of Germany.svg Düsseldorf
Avroviziya Mahnı Müsabiqəsi
2012
Sonrakı:
Malmö Arena
Flag of Sweden.svg Malmö