Səməd Vurğun bağı

Vikipediya, açıq ensiklopediya
Jump to navigation Jump to search
Səməd Vurğun bağı
Səməd Vurğunun heykəli.jpg
Məlumatlar
Parkın tipipark
YerləşməsiDilarə Əliyeva küçəsi, Bakı, Flag of Azerbaijan.svg Azərbaycan

Səməd Vurğun bağı və ya Səməd Vurğun parkıBakı şəhərində yerləşən bağ-park. Azərbaycanlı şair Səməd Vurğunun adını daşıyır. 2009-cu ildə əsaslı şəkildə yenidən qurulub.

Haqqında[redaktə | əsas redaktə]

Park paytaxtın ən köhnə yaşıl məkanlarından biridir. Şəhərin mərkəzində, Bakı Dəmir Yolu Vağzalının və Dəmir Yolu İdarəsi binasının yaxınlığında yerləşən parkın əsası 1882-ci ildə dəmir məmulatı taciri Krasilnikovun şəhər bağının yerində qoyulub. 1961-ci ildə parkda Səməd Vurğunun abidəsi ucaldılıb. Abidənin müəllifləri heykəltəraş Fuad Əbdürrəhmanov və memar Mikayıl Hüseynovdur.[1]

2009-cu ildə park bərpa ediləndən sonra bakılıların və paytaxtın qonaqlarının ixtiyarına verilib. Piyada cığırlarına tava daşları döşənib, qazonlar salınıb. Növbənöv çiçək ləkləri salınıb. Bəzi ləklər Azərbaycan xalçalarının, kəlağayılarının və s. ənənəvi motivi olan buta şəklində əkilib. Parkda hələ sovet dövründə tikilən fəvvarələr bərpa edilib, işıqlandırma tamamilə yenilənib, yeni fənərlər quraşdırılıb, yüzillik ağacların kölgəsində rahat skamyalar qoyulub.[1]

Park əvvəlki kimi şəhər sakinlərinin və paytaxt qonaqlarının sevimli istirahət yeridir. İlin isti aylarında axşamlar fəvvarələrin yanında istirahət edənlərin sayı xüsusilə çox olur.[1]

İstinadlar[redaktə | əsas redaktə]

  1. 1,0 1,1 1,2 "Bakının 12 əfsanəvi parkı" (azərbaycanca). Azertag (28 iyun 2016).