Cəlil Məmmədquluzadənin ev-muzeyi (Bakı)

Vikipediya, azad ensiklopediya
Naviqasiyaya keçin Axtarışa keçin
Cəlil Məmmədquluzadənin ev-muzeyi
Xəritə
Əsası qoyulub 1978
Mövzu Azərbaycan ədəbiyyatı
Ölkə
Yerləşir Azərbaycan, Bakı, Süleyman Tağızadə küç. 56
Direktor Pərixanım Mahmud qızı Mahmudova
Muzeyə yetişmək S.Tağızadə küç., 56
Telefon (+99 412) 492- 24-09
40°22′13″ şm. e. 49°49′43″ ş. u.
memmedquluzade.az
Vikianbarın loqosu Vikianbarda əlaqəli mediafayllar

Cəlil Məmmədquluzadənin Ev Muzeyi — Böyük Azərbaycan ədibi və publisisti Cəlil Məmmədquluzadənin 1920-1932-ci illərdə yaşayıb yaratdığı mənzildə yaradılmış ev muzeyidir.

Tarixi[redaktə | mənbəni redaktə et]

Muzey Azərbaycan Respublikası hökumətinin 1978-ci ildə verdiyi qərarla [1] Bakı şəhəri, Süleyman Tağızadə küçəsi (köhnə Poçt küçəsi), 56 ünvanında yerləşən evdə yaradılmış, 1994 – cü il, 28 dekabrda C. Məmmədquluzadənin anadan olmasının 125 illiyi ərəfəsində açılmışdır.[2] Açılış mərasimində Azərbaycan Respublikasının üçüncü prezidenti Heydər Əliyev iştirak etmiş və nitq söyləmişdir.

Cəlil Məmmədquluzadənin ev muzeyi qarşısında xatirə lövhəsi (Bakı)

Ekspozisiya[redaktə | mənbəni redaktə et]

Muzeydə C. Məmmədquluzadə və digər mollanəsrəddinçilərin həyat və fəaliyyətini əks etdirən 3000-ə yaxın eksponat toplanmışdır. Onların 500 - ə yaxını muzeyin ekspozisiyasında nümayiş etdirilir.

Ekspozisiya beş otaqda (ümumi sahəsi 185 m²) yerləşir. Muzeydə ədibin uşaqlıq, gənclik və təhsil illərini, məktəbdarlıq fəaliyyətini, ilk yaradıcılıq addımlarını və mühitini, onun ilk jurnalistik və ədəbi fəaliyyətini əks etdirən eksponatlar nümayiş etdirilir. Ədibin iş otağı, “Molla Nəsrəddin” jurnalının redaksiyası – xatirə otağında isə C. Məmmədquluzadənin həyat və fəaliyyətinin 1922-1932-ci illər dövrünü əks etdirən, habelə yaradıcılığının tədqiqi ilə bağlı materiallar toplanmışdır. Burada ədibin əsərlərinin dünyada yayılma arealını əks etdirən xəritə də tərtib olunmuşdur.[3]

Muzey C. Məmmədquluzadənin və digər mollanəsrəddinçilərin irsinin toplanması, tədqiqi və təbliği sahəsində fəailliyyət göstərir.

2000-ci ildə muzeyin ekspozisyasına 8 minədək tamaşaçı baxmış, 500-dən çox ekskursiya aparılmışdır.

Elmi fəaliyyəti[redaktə | mənbəni redaktə et]

Muzey C. Məmmədquluzadə və digər mollanəsrəddinçilərin irsinin toplanması, tədqiqi və təbliği sahəsində fəaliyyət göstərməkdədir. Muzey idarə və müəssisələrdə, təhsil ocaqlarında ədəbi gecələr, görüşlər, xatirə günləri, disputlar, müsabiqələr və sair tədbirlər keçirir.

İstinadlar[redaktə | mənbəni redaktə et]

  1. Cəlil Məmmədquluzadənin ev muzeyi Bakıda məqaləsi, Naxçıvan Ensiklopediyası, AMEA, Bakı, 2002, səh 310
  2. "Cəlil Məmmədquluzadənin ev-muzeyi". 2018-10-03 tarixində arxivləşdirilib. İstifadə tarixi: 2012-06-19.
  3. "Muzeyin rəsmi saytı". 2014-02-26 tarixində orijinalından arxivləşdirilib. İstifadə tarixi: 2012-06-26.

Xarici keçidlər[redaktə | mənbəni redaktə et]