Düsseldorf

Vikipediya, açıq ensiklopediya
Jump to navigation Jump to search
Düsseldorf
alm. Düsseldorf
Düsseldorf Panorama.jpg
Bayraq Gerb
Bayraq Gerb

51°13′52.12″N 6°46′20.57″E / 51.2311444°N 6.7723806°E / 51.2311444; 6.7723806Koordinatlar: 51°13′52.12″N 6°46′20.57″E / 51.2311444°N 6.7723806°E / 51.2311444; 6.7723806


Ölkə Flag of Germany.svg Almaniya
İcra başçısı Thomas Geisel
İlk məlumat 1135
Sahəsi 217,41 km²
Hündürlüyü 38±1 metr
Əhalisi 617.280 nəfər (31 dekabr 2017)[1]
Telefon kodu 0211
Poçt indeksi 40210, 40211, 40212, 40213, 40215, 40217, 40219, 40221, 40223, 40225, 40227, 40229, 40231, 40233, 40235, 40237, 40239, 40468, 40470, 40472, 40474, 40476, 40477, 40479, 40489, 40545, 40547, 40549, 40589, 40591, 40593, 40595, 40597, 40599, 40625, 40627, 40629
Nəqliyyat kodu D
Rəsmi sayt duesseldorf.de
Düsseldorf — yerləşdiyi ərazi Německo
Düsseldorf
Commons-logo.svg Vikianbarda əlaqəli mediafayllar

Düsseldorf ( Düsseldorf) — Almaniyanın Şimali Reyn-Vestfaliya vilayətinin paytaxtıdır. Reyn çayının bir hissəsi Düsseldorf ərazisindən keçir. Əhalisi 583.829 nəfərdir (2009).

Düsseldorf şəhəri Almaniyanın qərbindəki Reyn-Rur bölgəsində yerləşir. 2009-cu ilin statistikasına görə, 217 kvadrat kilometr sahəsi olan Düsseldorfun əhalisinin sayı 584 min nəfərdir. Düsseldorf şəhər statusunu 1288-ci ildə alıb. Şəhərin adı Düssel çayından götürülüb. Reyn çayının şimalında - Düssel çayının Reyn çayına töküldüyü yerdə yerləşir.

Düsseldorf 50 rayona bölünmüş 10 dairədən ibarətdir və Reyn-Rur bölgəsinin iqtisadi cəhətdən ən inkişaf etmiş şəhəridir. Şəhər reklam, telekommunikasiya texnologiyaları sahəsində aparıcı mərkəz, həmçinin "Almaniyanın modalar şəhəri" hesab olunur. Düsseldorf şəhəri rəssamlıq akademiyaları, muzeyləri və üzərində dünyanın ən böyük elektron saatı asılmış televiziya qülləsi ilə məşhurdur. Müasir incəsənətin ən tanınmış nümayəndələri öz işlərini Düsseldorf Münsterdəki İncəsənət Akademiyasında davam etdirirlər.

Dünya turizm agentlikləri Düsseldorfu "pivə şəhəri" adlandırır. Almanlar özləri isə bu şəhərə "dünyanın ən uzun barı" deyirlər. Çünki şəhərin qədim hissəsində - Qədim şəhərdə (almanca: Altstadt) 250 pivəxana fəaliyyət göstərir.

Düsseldorf əhalisinin yaşayış səviyyəsinə görə dünyada 6-cı, bahalığa görə isə 5-ci yeri tutur. Almaniyada Frankfurtdan sonra ikinci ən böyük bank və birja mərkəzidir.

İdman[redaktə | əsas redaktə]

"Fortuna Düsseldorf" şəhəri Bundesligada təmsil edən əsas futbol klubudur. "Fortuna" 1997/1998 futbol sezonund ikinci liqaya düşmüşdü. Klubun əsas liqaya dönüşü isə bu sezona, 2012/2013 futbol sezonuna təsadüf edir. Şəhərin müxtəlif yerlərində kluba aid atributları tapmaq mümkündür. "Fortuna"nın oyunları zamanı isə şəhərdə və Esprit arenada inanılmaz atmosfer yaranır.

Şəhər əhalisinin idmana, xüsusi ilə futbola marağı böyükdür.

Təhsil[redaktə | əsas redaktə]

Şəhərdə mövcud olan əsas universitet Heinrich Heine Universitetidir (alm. Heinrich-Heine-Universität Düsseldorf). Universitet, məşhur alman şair və politoloqu Heinrich Heinenin şərəfinə adlandırılıb. Heinrich Heine 1797-ci ildə Düsseldorfda anadan olmuşdur.

1965-ci ildə sadəcə tibb fakültəsi ilə fəaliyyətə başlayan universitetdə hal-hazırda hüquq, tibb, fəlsəfə, riyaziyyat, iqtisadiyyat fakultələri mövcuddur. Universitetin ərazisi olduqca böyükdür, universitet ərazisində müxtəlif korpuslar mövcuddur. Universitetdə təxminən 28.000 tələbə təhsil almaqdadır.

Avroviziya 2011[redaktə | əsas redaktə]

"Avroviziya 2011" yarışı Düsseldorf beynəlxalq hava limanından 5 kilometr aralıda yerləşən "Fortuna Arena"da keçirilib. 54 min nəfərdən çox tamaşaçı tutan "Fortuna Arena"da müsabiqə üçün səhnə və texniki avadanlıqlar quraşdırıldıqdan sonra 25 minə yaxın tamaşaçı üçün yer qalıb. Stadiondan qazon yığışdırılıb, oturacaqlar xüsusi döşəmə ilə əvəzlənmişdi.

Qardaş şəhərlər[redaktə | əsas redaktə]

Mənbə[redaktə | əsas redaktə]

Vikianbarda Düsseldorf ilə əlaqəli mediafayllar var.

  1. Alle politisch selbständigen Gemeinden mit ausgewählten Merkmalen am 31.12.2018 (4. Quartal)DESTATIS.