Mingəçevir TV

Mingəçevir TV
Bütöv adı	Mingəçevir Televiziyası
Başlama tarixi	4 may 1998
Şirkət	Mingəçevir Televiziya və Radio Şirkəti
Şüar	Regionun televiziyası
Ölkə	Azərbaycan
Dil	Azərbaycan dili
Yayım ərazisi	Mingəçevir
Baş qərargah	Mingəçevir, Azərbaycan

Mingəçevir TV — 1998-ci ildə Mingəçevir şəhərində yayıma başlayan televiziya kanalı.

Tarixçə

"Mingəçevir" TV 04 may 1998-ci ildə yaradılmışdır. Məqsəd əhali üçün gündəlik ictimai-siyasi xəbərlər, bədii-əyləncəli proqramlar, uşaqlar üçün cizgi filmlər, ədəbi-bədii, o cümlədən tənqid-təbliğ xarakterli verilişlər, video filmlərin yayımlanmasıdır.

Mingəçevir Televiziya və Radio Şirkəti 1998-ci ildə Ədliyyə Nazirliyindən qeydiyyatdan keçmişdir. Nazirlik tərəfindən fəaliyyəti ilə əlaqədar nizamnaməsi təsdiq olunmuş və 10/63 saylı şəhadətnamə verilmişdir. MTV-nin hüquqi, maddi texniki bazasını, yaradıcılıq imkanlarını və kadr potensialını nəzərə alaraq 12-ci kanala qanuni fəaliyyəti üçün lisenziya verilmişdir. Telekompaniya gündəlik xəbərlər proqramı, həftəlik analitik proqram, habelə müxtəlif ictimai-siyasi, sosial-iqtisadi, hüququ-elmi, maarifləndirmə və əyləncəli proqramlar hazırlayıb efirə yayımlayır. Teleşirkətin yayımı 16 rayon və şəhəri əhatə edir. Şirkətin kollektiv üzvləri əsasən gənclərdir və 50%-ə yaxını qızlardır. Şirkətin idarəetmə strukturu təsisçi tərəfindən təsdiq olunmuşdur. Struktura əsasən inzibatçılıq, maliyyə-təsərrüfat fəaliyyətinə nəzarət icraçı direktor həyata keçirir. Bundan əlavə xəbərlər, verilişlər, sosial-iqtisadi araşdırmalar, gənclər, reklam, hüquq layihə və təkliflər, texniki nəzarət və istehsalat, efir və proqramlar üçün xidmət departamentləri təşkil edilmişdir. Bütün idarəetmə strukturuna şirkətin prezidenti nəzarət edir.

"Mingəçevir" TV-nin təsisçisi Məmmədov Vahid Əziz oğludur.

Ümumi efir vaxtının 18 faizini ölkədə istehsal olunan proqramlar, 37,5 faizini xaricdə istehsal olunan proqramlar, 44,5 faizini şəxsi istehsal proqramları təşkil edir.