Dalğa TV

Dalğa TV
Dalğa Televiziyası
Ölkə	Azərbaycan
Yayım ərazisi	Azerspace-1 peyklərinin əhatə dairələri
Dil	Azərbaycan dili
Yaranma tarixi	20 noyabr 2017 (test yayımı) 4 dekabr 2017 (17:00) (əsas yayım)
Şüar	"Dalğa"-ya qoşul!
Sayt	dalga.az

Dalğa TV — Xəzər TV MMC-nin nəzdində yaradılan, Azərbaycanın ilk film və serial kanalı.

Haqqında

14 noyabr 2017-ci ildə Milli Televiziya və Radio Şurasının iclasında "Dalğa TV"-nin peyk yayımı üçün lisenziya verilməsi barədə müraciətinə baxılıb. İclasda Dalğa TV-yə peyk yayımı üçün müddətsiz lisenziya verilməsi barədə qərar qəbul edilib. Beləliklə 20 noyabr 2017-ci ildə Dalğa TV "Azerspace-1" peyki ilə test yayımına başladı. Həmin test yayımı müddətində yalnız filmlər göstərilirdi.

Nəhayət 4 dekabr 2017-ci il saat 17:00-da əsas yayıma başladı. "Dalğa TV"də dünyanın tanınmış kinostudiyalarının istehsal etdiyi bədii filmlər, eləcə də Hindistan, Amerika, Koreya, Kanada, İrlandiya və Braziliya istehsalı olan seriallar yalnız Azərbaycan dilində yayımlanır. Tamaşaçılar kanalın rəsmi saytı olan dalga.az-a daxil olmaqla da film və serialları asanlıqla izləyə bilərlər. Burada dünyaca məşhur serial və filmlər Azərbaycan dilində yüksək yayım keyfiyyəti ilə təqdim olunur. Tamaşaçıların rəğbətini qazanan yerli serialların yayımına da kanalda xüsusi əhəmiyyət verilir.

Azərbaycanın ilk və yeganə film kanalı olan "Dalğa TV" dünyanın ən nəhəng kinoşirkətləri ilə əməkdaşlıq edir. Həmin şirkətlərin məhsulları olan film və seriallar məhz yüksək keyfiyyətlə azərbaycan dilinə dublyaj olunmaqla yayımlanır.

Dünyaya səs salan "Vikinqlər", "Taxt-tac oyunları" və "Gəzən ölülər" kimi bahalı serialları "Dalğa TV" və dalga.az-da ana dilimizdə izləyə bilərlər. Bundan əlavə, hazırda kanalda dünyada izlənmə rekordları qıran, eləcə də yerli tamaşaçıların rəğbətini qazanmış "İmtahan" və "Ata ocağı" serialları həftə içi hər gün yayımlanmaqdadır.

Telekanalın həftə sonu yayım axışında əsasən filmlər yer tutsa da, seriallar da yayımlanır. Dünyanın izlədiyi "Vikinqlər" və "Taxt-tac oyunları" şənbə axşamı, "Gəzən ölülər" isə bazar axşamı yayımlanır. İki yerli komediya serialı olan "Niyə?" və "Xalxın evi" serialları isə müvafiq olaraq şənbə və bazar günü yayımlanır.

''Gün Ortası Zümrüdlə'' həftə içi yayımlanan əyləncəli proqramdır. Hər gün yeni qonaqlar dəvət olunur və müxtəlif mövzular müzakirə olunur.

"Dalğa TV"nin digər məhsulu olan "Kino mən" isə sırf filmlərə həsr olunub. Hər həftənin bazar günü yayımlanan verilişdə filmlərin görünməz tərəfləri, kadrarxasında baş verənlər və ən maraqlı məqamlar tamaşaçılara çatdırılır.

Hazırda kanalın yayımı "Azerspace-1" peyki, eləcə də Azərbaycanın bütün kabel televiziyaları və Dalğa TV-nin rəsmi saytı olan "dalga.az" üzərindən həyata keçirilir.

Yayımlanan serialları

Adı	Orijinal adı	Sezon sayı	Yayımlanmış bölüm sayı	Yaş səviyyəsi	Yayım vaxtı
İmtahan	Azərbaycan : İmtahan	2	333	Gənəl	Həftə içi 5 gün - 09.15
Ata ocağı	Azərbaycan : Ata ocağı	2	341	Gənəl	Həftə içi 5 gün - 16.45
Kiçik gəlin	Hindistan : Balika Vadhu	2	339	Gənəl	Həftə içi 5 gün - 17.30
Niyə?	Azərbaycan : Niyə?	1	28	Gənəl	Şənbə günü - 12.00
Xalxın evi	Azərbaycan : Xalxın evi	2	68	Gənəl	Bazar günü - 12.00
Vikinqlər	Kanada : Vikinqlər	5	59	18+	Şənbə günü - 20.00
Taxt-tac oyunları	ABŞ : Game of Thrones	6	60	18+	Şənbə günü - 21.00
Gəzən ölülər	ABŞ : The Walking Dead	4	41	18+	Bazar günü - 23.00

Bitmiş serialları

Adı	Orijinal adı	Sezon sayı	Bölüm sayı	Yaş səviyyəsi	Yayım müddəti	Yayım vaxtı
Bənzərsiz gözəl	Braziliya : Totalmenta Demais	1	130	12+	10.09.2018 - 15.03.2019	Həftə içi 5 gün - 20.00
Əbədi sevgi	Hindistan : Beintehaa	2	235	Ümumi	04.12.2017 - 11.01.2019	Həftə içi 5 gün - 17.00
Romantik həkim	Cənubi Koreya : Dr. Romantic	1	21	12+	26.11.2018 - 24.12.2018	Həftə içi 5 gün - 21.00
Ailəcanlı	Azərbaycan : Ailəcanlı	2	41	Ümumi	09.12.2017 - 01.12.2018	Şənbə günü - 12.00
Müttəhim	Cənubi Koreya : Innocent Defendant	1	18	12+	29.10.2018 - 21.11.2018	Həftə içi 5 gün - 21.00
Şopinq kralı Lui	Cənubi Koreya : Shopping King Louie	1	16	12+	01.10.2018 - 22.10.2018	Həftə içi 5 gün - 21.00
İllər sonra	Braziliya : A Traves Del Tiempo	2	100	12+	02.03.2018 - 28.09.2018	Həftə içi 5 gün - 21.00
Sevgi qanunu	Braziliya : Sombras del Ayer	1	145	12+	04.12.2017 - 29.06.2018	Həftə içi 5 gün - 18.00
Bəyaz kölə	Kolumbiya : La Esclava Blanca	1	62	7+	04.12.2017 - 01.03.2018	Həftə içi 5 gün - 21.00
Cehizsiz gəlinlər	Azərbaycan : Cehizsiz gəlinlər	1	141	7+	05.12.2017 - Bilinmir	Həftə içi 5 gün - 15.00

Yayım axışı

Həftə içi 5 gün	Adı	Yaş səviyyəsi
07.15/14.00/16.00/20.00/22.00/00.15	Bədii film	12+
09.15	İmtahan	Ümumi
10.00	Animasiya filmi	Ümumi
12.00	Gün ortası Zümrüdlə	Ümumi
16.45	Ata ocağı	Ümumi
18.00	Xalxın evi	Ümumi
18.45	Romantik həkim	12+

Şənbə günü	Adı	Yaş səviyyəsi
07.15/08.30	Animasiya filmi	Ümumi
10.00/13.00/15.00/18.00/21.00/23.00	Bədii film	12+
12.00	Niyə?	Ümumi
17.00	Şopinq kralı Lui x1	12+
20.00	Vikinqlər	18+

Bazar günü	Adı	Yaş səviyyəsi
07.15/08.30	Animasiya filmi	Ümumi
10.00/13.00/15.00/18.00/20.00/23.45	Bədii film	12+
12.00	Xalxın evi	Ümumi
17.00	Şopinq kralı Lui x1	12+
22.00	Kino mən	Ümumi
23.00	Gəzən ölülər	18+