Azərbaycan Respublikası Milli Televiziya və Radio Şurası

Vikipediya, açıq ensiklopediya
Jump to navigation Jump to search
Milli Tеlеviziyа və Rаdiо Şurаsı
Azərbaycan Respublikası
Milli Tеlеviziyа və Rаdiо Şurаsı
MTRŞ loqo.jpg
Milli Tеlеviziyа və Rаdiо Şurаsının rəsmi loqosu
Ölkə: Flag of Azerbaijan.svg Azərbaycan
Yaradılıb: 5 oktyabr 2002
Tabeçilik: Azərbaycan Respublikası Prezidenti
Ünvan: Nəsimi rayonu, Nizami küçəsi, 145, АZ1000, Bakı, Azərbaycan
Rəhbərlik
Rəhbər: Nuşirəvan Məhərrəmli
Müavin: Sona Vəliyeva
Qafar Cəbiyev
Sayt
http://www.ntrc.gov.az/

Milli Televiziya və Radio Şurası - Azərbaycan Respublikası Prezidentinin 2002-ci il 05 oktyabr tarixli Fərmanı ilə yaradılmışdır. Şuranın yaradılmasında məqsəd televiziya və radio yayımı sahəsində dövlət siyasətinin həyata keçirilməsini təmin etmək və bu fəaliyyəti tənzimləməkdir.

Şura haqqında[redaktə | əsas redaktə]

Azərbaycan Respublikası Milli Televiziya və Radio Şurası Azərbaycan Respublikası Prezidentinin 05 oktyabr 2002-ci il tarixli 794 saylı Fərmanı ilə - televiziya və radio yayımı sahəsində dövlət siyasətinin həyata keçirilməsini təmin etmək və bu fəaliyyəti tənzimləmək məqsədilə yaradılmışdır. Şuranın əsas vəzifəsi televiziya və radio yayımçılarının fəaliyyətini tənzimləmək, yayım zamanı ictimaiyyətin maraqlarını qorumaq, televiziya və radio yayımı haqqında qanunvericiliyə əməl edilməsi üzərində nəzarəti həyata keçirməkdir. Şuranın fəaliyyəti «Milli Televiziya və Radio Şurası haqqında Əsasnamə» ilə tənzimlənir. Şura öz fəaliyyətində Azərbaycan Respublikasının Konstitusiyasını, Azərbaycan Respublikasının qanunlarını, Azərbaycan Respublikası Prezidentinin fərman və sərəncamlarını, Azərbaycan Respublikası Nazirlər Kabinetinin qərar və sərəncamlarını və «Milli Televiziya və Radio Şurası haqqında Əsasnamə»ni rəhbər tutur. Şura dövlət büdcəsindən maliyyələşdirilir və öz fəaliyyətində müstəqildir. Şura Azərbaycan Respublikası Prezidenti tərəfindən 9 üzvdən ibarət tərkibdə yaradılır. Şura üzvlərindən üçü iki il, üçü dörd il, üç nəfəri isə altı il müddətinə təyin olunur. Üzvlərin təkrar təyin olunmaq hüququ vardır. Şura üzvləri öz aralarından sədr və sədr müavini seçirlər. Şuraya rəhbərliyi Şuranın sədri həyata keçirir. Şura teleradio məkanının vahid inkişaf konsepsiyasını hazırlayır və həyata keçirir; teleradio yayımının texniki və keyfiyyət standartlarını müəyyən edir; teleradio yayımı üçün xüsusi razılıq (lisenziya) verir, bu məqsədlə müsabiqə keçirir; qanunvericiliklə müəyyən edilmiş hallarda və qaydada teleradio yayımçılarına qarşı inzibati tənbeh və digər məsuliyyət tədbirləri tətbiq edir. «İctimai televiziya və radio yayımı haqqında» Azərbaycan Respublikası Qanununa uyğun olaraq müvafiq təşkilat qruplarında Yayım Şurasının üzvlüyünə namizədlərin irəli sürülməsi işini təşkil edir. Şura onun səlahiyyətlərinə aid məsələlərə dair televiziya və radio yayımçıları üçün məcburi olan qərarlar qəbul edir. «Normativ hüquqi aktlar haqqında» Azərbaycan Respublikası Qanununa əsasən Milli Televiziya və Radio Şurasının qərarları normativ xarakterli akt hesab edilir. Şura xərclər smetasının daxilində Şura aparatının işçilərinin say həddini müəyyən edir, aparatını formalaşdırır və struktur bölmələrini yaradır.

Milli Televiziya və Radio Şurasının strukturu aşağıdakı kimidir[redaktə | əsas redaktə]

  • Şura sədri
  • Şura sədrinin müavini
  • Şura üzvləri

Şura Aparatı:

  • Şura Aparatının rəhbəri
  • Ümumii sektor;
  • Maliyyə və texniki nəzarət şöbəsi;
  • Ekspertiza, proqramlaşdırma və analitik şöbə;
  • Hüquq və beynəlxalq əlaqələr şöbəsi;
  • Təsərrüfat şöbəsi.

Mənbə[redaktə | əsas redaktə]

İstinadlar[redaktə | əsas redaktə]