Telli Pənahqızı

Vikipediya, azad ensiklopediya
Jump to navigation Jump to search
Telli Pənahqızı
azərb. Telli Panah qızı Əliyeva
İlk adı Telli
Təxəllüsü Pənahqızı
Doğum tarixi (66 yaş)
Doğum yeri Böyük Vedi, Vedibasar mahalı,
Ermənistan Sovet Sosialist Respublikası Ermənistan SSR,
SSRİ SSRİ
Fəaliyyəti jurnalist
Mükafatları "Tərəqqi" medalı — 2008
"Azərbaycan Respublikasının əməkdar mədəniyyət işçisi" fəxri adı — 2006

Telli Pənahqızı (tam adı: Əliyeva Telli Panah qızı; 24 may 1954. Böyük Vedi, Vedibasar mahalı, Ermənistan SSR, SSRİ) — Əməkdar mədəniyyət işçisi, Azərbaycan Respublikası Milli Televiziya və Radio Şurasına Şura üzvü, şairə, publisist, nasir.

Həyatı[redaktə | əsas redaktə]

Telli Əliyeva 1954-cü il mayın 24-də Qərbi Azərbaycanda Vedibasar mahalının Böyük Vedi kəndində anadan olmuşdur. Burada kənd orta məktəbini bitirdikdən sonra Azərbaycan Dövlət Universitetinin jurnalistika fakültəsində təhsil almışdır (1971-1976).

Əmək fəaliyyətinə ilk dəfə 1977-1980-ci illərdə C.Cabbarlı adına Respublika Gənclər Kitabxanasında baş kitabxanaçısı olaraq başlamışdır. Daha sonra 1980-1981-ci illərdə Azərbaycan Dövlət Televiziya və Radio Verilişləri Komitəsində (Azərbaycan Dövlət Teleradio Verilişləri Şirkəti) müxbir, 1981-1982-ci illərdə Azərbaycan Dövlət Televiziyasının Gənclik redaksiyasında kiçik redaktor, 1982-1992-ci illərdə Dövlət Televiziyasının İctimai-siyasi və iqtisadi informasiyalar redaksiyasında redaktor, 1992-1993-cü illərdə Dövlət Televiziyasının İnformasiya studiyasının “Günün ekranı” Yaradıcılıq Birliyi rəhbərinin müavini, 1993-1995-ci illərdə Azərbaycan Dövlət Teleradio Şirkətinin İnformasiya xidməti rəhbəri, 1995-1997-ci illərdə Televiziyanın İkinci Proqram üzrə direktoru, 1997-2005-ci illərdə İkinci Proqram üzrə Baş proqram direktorunun müavini, 2005-ci ildən isə Azərbaycan Teleradio Verilişləri QSC Televiziya Proqramları direktorunun müavini vəzifələrində işləmişdir.

12 mart 2019-cu ildən Azərbaycan Respublikası Milli Televiziya və Radio Şurasına Şura üzvü təyin edilmişdir. [1]


Bədii yaradıcılığa tələbəlik illərindən başlamışdır. Dövri mətbuatda şeir, oçerk və hekayələri dərc olunmuşdur.


Faiq Ağayevin oxuduğu "Məni sevərsənmi?" (bəstəkarı Novruz Aslan), Azərinin oxuduğu "Bizi intiqama çağırır cəngi" (bəstəkarı Gülsüm xanım) mahnılarının sözləri Telli Pənahqızınındır. Səyyad Əlizadə, Niyaməddin Musayev, Teymur Əmrah da şairənin sözlərinə yazılan mahnıları ifa edirlər.[2]

Üç dəfə Həcc ziyarətində olmuşdur.

Mükafatları[redaktə | əsas redaktə]

Telli Pənahqızının Azərbaycan televiziyası və radiosunun inkişafındakı xidmətlərinə görə hər zaman dövlət tərəfindən yüksək qiymətləndirilib.

Həmçinin, müxtəlif illərdə “Qızıl qələm”, “H.B.Zərdabi”, “Məmməd Araz”, “Natəvan” mükafatlarına layiq görülmüşdür. “Ali Media” mükafatı laureatıdır.

Əsərləri[redaktə | əsas redaktə]

  • "Ömrün qoşa izi". Bakı: Maarif, 1995.
  • "Tanrımla söhbət". Bakı: 1999.
  • "Ayrılıqdan sonra çəkilmiş şəkillər". Bakı:
  • "Səsində ay işığı var". Bakı:
  • "Sizi sevən Sərdaram". Bakı: "Ziya-Nurlan", 2004.
  • "Səsin xiffəti". Bakı:
  • "Uzun, incə bir yol varmış". Bakı: 2011.
  • "Yaddaşım qaval daşı". Bakı: "Təhsil" nəşriyyatı, 2013

Filmoqrafiya[redaktə | əsas redaktə]

  1. Nailə (film, 1994) — ssenari müəllifi
  2. Min ev Sədərək (film, 2004)
  3. Sizi sevən Sərdaram (film, 2005)
  4. Sarı simin möcüzəsi (film, 2011) — ssenari müəllifi (Elxan Məsumovla birlikdə)

İstinadlar[redaktə | əsas redaktə]

  1. Azərbaycan Respublikasının Milli Televiziya və Radio Şurası üzvlərinin təyin edilməsi haqqında Azərbaycan Respublikasının Prezidentinin Sərəncamı
  2. Faiq Balabəyli (29 yanvar 2014). "Telli Pənahqızı: "Məni dəli kimi sevən olmadı..."" (azərb.). axar.az. İstifadə tarixi: 2015-04-14.
  3. Azərbaycan Respublikasının televiziya və radio işçilərinə fəxri adların verilməsi haqqında Azərbaycan Respublikasının Prezidentinin Sərəncamı
  4. Azərbaycan Respublikasında televiziya işçilərinin "Tərəqqi" medalı ilə təltif edilməsi haqqında Azərbaycan Respublikasının Prezidentinin Sərəncamı

Xarici keçidlər[redaktə | əsas redaktə]