CBC

Vikipediya, azad ensiklopediya
Naviqasiyaya keçin Axtarışa keçin
CBC
Loqonun şəkli
Ölkə Azərbaycan Azərbaycan
Yayım ərazisi Yer bayrağı (müxtəlif bölgələrdə)
Dil Azərbaycan dili
Rus dili
İngilis dili
Gürcü dili
Baş qərargah Bakı, Azərbaycan
Yaranma tarixi 5 oktyabr 2009 (test yayımı)
29 dekabr 2009 (əsas yayım)
Sahibi SOCAR
Keçmiş adları ATV International
Şüar Bringing Azerbaijan to the World, Bringing World to Azerbaijan
Qardaş kanallar CBC SportHD
Xəzər TVHD
Xəzər FM
Araz FM
Sayt cbctv.az

CBC (Caspian Broadcasting Company) — 2009-cu ildə ATV International adı ilə yayıma başlayan çoxdilli kanal. 10 aprel 2013-cü il tarixində kanal SOCAR tərəfindən alınıb və CBC adı ilə fəaliyyətinə davam edib.[1] Ad dəyişdirdiyi ilk bir neçə ay ərzində loqosu hər 7 saniyədən sonra "ATV Int." loqosuna çevrilirdi. 9 may 2014-cü il tarixindən etibarən ATV Plus kabel televiziyasında yayımlanır. 2015-ci ildə Futbol üzrə Azərbaycan çempionatı 2015/2016 mövsümünün yayım hüququnu əldə etmişdir. 9 avqust 2015-ci il tarixində "Neftçi — Kəpəz" oyunu ilə yayıma start verdi. Yayım Azərbaycan dilində həyata keçirilir. Həmçinin həmin gün "CBC Sport" adlı qardaş kanalı da yayıma başladı.

Tarixçə[redaktə | mənbəni redaktə et]

ATV International 2009-cu ilin oktyabr ayının 5-də "Hotbird 13" peykində test yayımına başladı. Həmin vaxt kanalın işçi heyətini formalaşdırmaq çətin olduğundan Azad Azərbaycan TV-də tez-tez bu kanalla əlaqədar iş elanı verilirdi. Test yayımı müddətində əsasən filmlər yayımlayırdı. 29 dekabr 2009-cu il tarixində əsas yayıma keçmişdir. Telekanalda xəbərlər 4 dildə - ingilis, rus, farserməni dillərində yayımlanırdı. Filmlər isə original dillərində nümayiş etdirilirdi. Sənədli filmlər əsasən, Ermənistanla informasiya müharibəsi ilə əlaqədar yayımlanırdı. Lakin kanalın gəlirlərinin olmaması, üstəlik populyarlığının az olması Azad Azərbaycan Teleradio Yayım Şirkətinin qənaət məqsədi ilə kanalı əlindən çıxarması fikrinə gətirib çıxartdı və bu məqsədlə 10 aprel 2013-cü il tarixində kanal SOCAR şirkətinin tabeliyinə verilmiş və kanalın adı dəyişdirilərək "CBC" (Caspian International Broadcasting Company) olmuşdur.[2][3][4]

ATV International "Televiziya Filmləri Studiyası"[redaktə | mənbəni redaktə et]

"ATV International Televiziya Filmləri Studiyası" Azərbaycanda sənədli film istehsalçılarından biridir. Studiya Azad Azərbaycan Televiziyasının strukturuna daxil idi. Bədii və sənədli filmlərin istehsalı ilə məşğul olan "ATV International Televiziya Filmləri Studiyası" yarandığı gündən maraqlı filmlərin istehsalı ilə məşğul olub. Teleşirkətin ilk peşəkar telefilm studiyası 2011-ci ilin avqust ayında yaradılıb. Studiya Azad Azərbaycan TRYŞ-nın tarixində ilk sənədli televiziya filmlərinin çəkilişlərini həyata keçirmiş və bir il ərzində müxtəlif növdə 26 televiziya filmi istehsal etmişdir.

İstinadlar[redaktə | mənbəni redaktə et]

  1. Fərhadoğlu, Tapdıq. "SOCAR "ATV İnternational"ı alıb". Voice of America (az.). Amerikanın Səsi. 10 aprel 2013. İstifadə tarixi: 12 aprel 2024.
  2. https://www.youtube.com/watch?v=3Wg5i_1Htv4
  3. "Arxivlənmiş surət". 2016-03-06 tarixində orijinalından arxivləşdirilib. İstifadə tarixi: 2015-09-20.
  4. "Arxivlənmiş surət". 2016-03-06 tarixində orijinalından arxivləşdirilib. İstifadə tarixi: 2015-09-20.