Etibar Babayev

Vikipediya, azad ensiklopediya
Jump to navigation Jump to search
Etibar Babayev
Etibar.jpg
Şəxsi məlumatlar
Təhsili
Doğum tarixi 15 dekabr 1950(1950-12-15) (70 yaş)
Doğum yeri
Atası Adil Babayev

Etibar Adil oğlu Babayev (15 dekabr 1950(1950-12-15), Bakı) — Əməkdar jurnalist; pedaqoq; "Azad Azərbaycan" Teleradio Şirkətinin bədii şura sədri; Bakı Slavyan Universitetinin professoru.

Həyat və fəaliyyəti[redaktə | əsas redaktə]

Etibar Babayev 1950-ci il dekabrın 15-də Bakı şəhərində anadan olmuşdur.

1968-ci ildə H. Cavid adına 132 nömrəli orta məktəbi, 1973-cü ildə M.Əliyev adına Azərbaycan Dövlət İncəsənət İnstitutunun teatrşünaslıq fakültəsini bitirib. Politoloq ixtisası üzrə İkinci ali təhsilini Bakı Ali Partiya məktəbində alıb.

Əmək fəaliyyətinə 1971-ci ildən Azərbaycan Teleradio verilişləri Komitəsinin redaksiyaları ilə əməkdaşlıqla başlayıb. "Tələbə klubu", "Yeddinci qitə", "Sözlü-nəğməli İstanbul", "Kanal-6 təqdim edir" kimi populyar verilişlərin müəllifi və aparıcısı olaraq tamaşaçıların rəğbətini qazanıb. Etibar Babayev Azərbaycan Komsomolu Mərkəzi Komitəsində təlimatçı, daha sonra təbliğat və mədəni kütləvi işlər şöbəsinin müdiri (1975-1979), Azərbaycan Kommunist Partiyası Mərkəzi Komitəsinin mədəniyyət şöbəsində təlimatçı (1979-1981), Bakı şəhər Partiya Komitəsinin təbliğat-təşviqat şöbəsinin müdiri (1981-1988) kimi məsul vəzifələrdə çalışıb. 1981-1989-cu illərdə Bakı Şəhər Sovetinin deputatı seçilib. 1989-1992-ci illərdə "Azərbaycantelefilm"in direktoru, Azərbaycan Dövlət Teleradio şirkətinin sədr müavini vəzifələrində çalışıb. 1993-2001-ci illərdə Bakı İcra Hakimiyyətində məsul vəzifələr daşıyıb. 2001-2006-cı illərdə "Space" müstəqil teleradio şirkətinin prezidenti olub. 2013-cü ildən "Azad Azərbaycan" müstəqil teleradio şirkətinin Bədii Şurasının sədridir.

E.Babayev həm də elmi-pedaqoji fəaliyyətlə məşğuldur. 2001-ci ildən Azərbaycan Dövlət Mədəniyyət və İncəsənət Universitetində, daha sonra Bakı Slavyan Universitetində dərs deyir. 2009-cu ildən jurnalistika kafedrasının müdiri seçilib. 2010-2013-cü illərdə Azərbaycan Televiziya və Radio verilişləri Qapalı Səhmdar Cəmiyyətində yeni yaradılan Teleradio Akademiyasında rektor olub.

Etibar Adil oğlu Babayev uzun illər Azərbaycan Respublikası Prezidenti yanında Sahibkarlar Şurasının, Dünya Azərbaycanlıları Əlaqələndirmə Şurasının üzvü, Azərbaycan Reklamçılar İttifaqının vitse-prezidenti olub. Azərbaycan Teatr Xadimləri İttifaqı və Azərbaycan Jurnalistlər Birliyinin üzvüdür.

Müxtəlif illərdə "Hacı Zeynalabdin Tağıyev" milli mükafatı, Jurnalistlərin "Qızıl qələm", "Həsən bəy Zərdabi" mükafatları, "Əməkdə fərqlənməyə görə" Lenin yubiley medalı, Yusif Məmmədəliyev medalı, müxtəlif Fəxri Fərmanlar və Diplomlar alıb. 2016- cı ildə Prezident İlham Əliyevin sərəncamı ilə "Əməkdar jurnalist" adına layiq görülüb. Etibar Babayevin jurnalist fəaliyyəti Türkiyədə də müxtəlif ödüllərlə yüksək qiymətləndirilib.

Heç bir siyasi partiyanın üzvü deyil.

Etibar Babayev ABŞ, İngiltərə, Rusiya, Fransa, İspaniya, Belçika, Hollandiya, Almaniya, Macarıstan, Avstriya, Rumıniya, Polşa, Türkiyə, Seneqal, Misir, Vyetnam, Kuba, Çin Xalq Respublikası, İran, İsveç, İsveçrə və digər ölkələrə xidməti səfər edib, görkəmli ictimai-siyasi xadimlərlə, elm, sənət aləminin, iş dünyasının tanınmış simaları ilə görüşüb, onlardan eksklüziv müsahibələr alıb. Xarici ölkələrdə keçirilən beynəlxalq tədbirlərdə, forumlarda rəsmi nümayəndə heyətlərinin tərkibində iştirak edib.

Azərbaycanda və xarici ölkələrdə dərc olunan çoxsaylı publisistik yazıların, elmi məqalələrin, kitabların, eləcədə sənədli filmlərin müəllifidir.


KİTABLAR

1.Bu da bir imtahandır. 2008

2. Yalana heykəl. 2009

3. Düz söz əyri qulağa necə girər? 2010

4. Qəfəsdə yaşamaq həyat deyil. 2011

5. Sözün varsa danış. 2012

6. Yalana heykel (türkçe) İstanbul nəşri. 2012

7. Teatrda müasirlik axtarışları. 2013

8. Devrimin gölgesinde fırtınalar (türkçe) İstanbul nəşri. 2014

9. Ömrün 100 anı. 2014

10. Barış körpüsü. 2018


SƏNƏDLİ FİLMLƏR

  1. Sağalmaz yara
  2. Birincilər
  3. Bir millət, iki dövlət
  4. Zirvə
  5. Çiçək yağışı
  6. Azərbaycan deyəndə
  7. Biz 50 milyonluq xalqiq
  8. Birliyimiz əbədidir


Həmçinin bax[redaktə | əsas redaktə]

Xarici keçidlər[redaktə | əsas redaktə]