İlyas Hüseynov

Vikipediya, açıq ensiklopediya
Jump to navigation Jump to search
İlyas Hüseynov
İlyas Hüseynov.jpg
Sənətçi məlumatları
Doğum tarixi 22 sentyabr 1924(1924-09-22)
Doğum yeri Bakı, Azərbaycan SSR, Zaqafqaziya SFSR, SSRİ
Vəfat tarixi 12 yanvar 2017 (92 yaşında)
Vəfat yeri Berlin, Almaniya
Dəfn yeri Berlin
Peşəsi musiqiçi

Mükafatları "Azərbaycan SSR əməkdar artisti" fəxri adı — 1978

İlyas Hüseyn oğlu Hüseynov (22 sentyabr 1924 – 12 yanvar 2017) — Azərbaycanın görkəmli kontrabas ifaçısı, Azərbaycanda kontrabas ifaçılığı və tədrisinin banilərindən biri.Üzeyir Hacıbəyov adına Azərbaycan Dövlət simfonik orkestrinin solisti,Üzeyir Hacıbəyli adına Azərbaycan Dövlət Konservatoriyasının Professoru.

Həyatı[redaktə | əsas redaktə]

İlyas Hüseynov 1924-cü il sentyabrın 22-də Bakı şəhərində anadan olub. Yeddi yaşından fortepianoda, 10 yaşından piano ilə məşğul olmağa başlayıb. Böyük Vətən müharibəsinin (1941-1945) iştirakçısı olan musiqiçi müharibədən döndükdən sonra musiqi fəaliyyətini davam etdirib.Üzeyir Hacıbəyli adına Azərbaycan Dövlət Konservatoriyasında (indiki Bakı Musiqi Akademiyası) M.M.Çudnovskinin sinfində təhsil alan İ.Hüseynov öz müəlliminin ənənələrini davam etdirərək pedaqoqun vəfatından sonra kontrabas sinfinə rəhbərlik etmiş, sonralar konservatoriyanın professoru olub. İstedadı və bacarıqlı ilə seçilən sənətkarın yetişdirdiyi tələbələr həm ifaçı, həm də pedaqoq kimi nəinki Azərbaycanda, eləcə də ölkəmizin hüdudlarından kənarda böyük şöhrət qazanıb.

İ. Hüseynov pedaqoji fəaliyyətlə yanaşı,Müslüm Maqomayev adına Azərbaycan Dövlət Filarmoniyasının Simfonik orkestrində kontrabasçılar qrupunun konsertmeysteri olub, kamera orkestrində fəaliyyət göstərib. O, kontrabas aləti üçün dərslik, metodiki tövsiyələrin müəllifi olmaqla yanaşı, milli musiqi nümunələrinin kontrabas aləti üçün işləmələrini də həyata keçirib.

Bunların sırasında “Elegiya - İsrafimzadə”, Qara Qarayevin “Yeddi gözəl” baletindən solo, Üzeyir Hacıbəylinin “Gülşən” baletindən rəqs və Azərbaycan bəstəkarlarının simfonik əsərlərindən parçaları qeyd etmək olar.

Görkəmli sənətkar Azərbaycan musiqi mədəniyyətinin inkişafına verdiyi töhfələrə görə 1978-ci ildə respublikanın Əməkdar artisti fəxri adına layiq görülüb.[1]

Daha sonra ailəsi ilə birgə Almaniyanın paytaxtı Berlin şəhərinə köçür və yaradıcılığını orda davam etdirir.

2017-ci il 12 yanvarda Berlin şəhərində vəfat edib. Berlin şəhərində dəfn olunub.


İstinadlar[redaktə | əsas redaktə]