İmran Əbilov

Vikipediya, azad ensiklopediya
Jump to navigation Jump to search
İmran Əbilov
İmran Rəşid oğlu Əbilov
İmran Əbilov.jpg
Doğum tarixi 23 oktyabr 1935(1935-10-23) (84 yaş)
Doğum yeri Mahmudavar, Masallı, Azərbaycan SSR
Elm sahəsi Kənd təsərrüfatı, heyvandarlıq, zootexnika
Mükafatları "Azərbaycan SSR əməkdar kənd təsərrüfatı işçisi" fəxri adı — 1989
"Şərəf Nişanı" ordeni "Şərəf Nişanı" ordeni SU Order of Friendship of Peoples ribbon.svg

İmran Rəşid oğlu Əbilov (d. 23 oktyabr 1935(1935-10-23), Mahmudavar, Masallı rayonu) — Azərbaycan SSR əməkdar kənd təsərrüfatı işçisi (1989), Azərbaycan Ağsaqqallar Şurası İdarə Heyətinin üzvü, heyvandarlığa dair bir sıra kitabların müəllifi, Qarabağ müharibəsi veteranı.

Həyatı[redaktə | əsas redaktə]

İmran Əbilov 1935-ci ilin oktyabrın 23-də Masallı rayonunun Mahmudavar kəndində doğulmuşdur. 1953-cü ildə Lənkəran Pedaqoji texnikumunu bitirmiş, Masallı rayonu Boradigah kəndində müəllim işləmişdir.

1959-cu ildə Azərbaycan Kənd Təsərrüfatı İnstitutunu Stalin təqaüdü alaraq fərqlənmə diplomu ilə bitirmişdir. 1959-1962-ci illərdə Masallı rayonu Həsənli kəndində baş mütəxəssis, Masallı rayon Partiya komitəsində təlimatçı, rayon komsomol komitəsinin birinci katibi, Azərbaycan Mərkəzi Komsomol Komitəsində təşkilatçı, 1963-1969-cu illərdə Masallı rayon Kənd Təsərrüfatı İstehsalat İdarəsinin rəisi, 1969-1991-ci illərdə Azərbaycan Respublikası Kənd Təsərrüfatı nazirinin müavini, Dövlət Aqrar Sənaye Komitəsinin sədr müavini, 1991-1997-ci illərdə Dövlət Quşçuluq Şirkətinin vitse-prezidenti, 1997-2011-ci illərdə Respublika Nazirlər Kabinetinin baş məsləhətçisi işləmişdir.

2011-ci ildən dövlət qulluğu təqaüdçüsüdür.

Mükafatları[redaktə | əsas redaktə]

İki "Şərəf nişanı", bir "Xalqlar dostluğu" ordeni, "Yubiley" medalı, Azərbaycan Respublikası Ali Sovetinin "Fəxri fərmanı" və s. mükafatlarla təltif edilmişdir.

Azərbaycanda "Sovet-Hindistan", "Kuba-Azərbaycan", Hindistanda "Sovet-Hindistan" simpoziumlarının, Moskvada "Ümumdünya Baytarlıq", Misirdə və Bolqarıstanda "Beynəlxalq" və "Avropa", "Buffalo" Konqreslərinin təşkilində fəal iştirak etmişdir.

Dünyanın 5 alimi ilə birlikdə Misir Elmlər Akademiyasının və Beynəlxalq Konqresin Fəxri diplomu və medalı ilə təltif edilmişdir.

15-ə qədər kitab və tövsiyələrin, o cümlədən 2 memuar, 4 bədii-avtobioqrafik kitabın, 200-dən çox müxtəlif məqalənin müəllifidir.

Ailəlidir, 4 övladı, 8 nəvəsi vardır.