İniya Trinkuniyene

Vikipediya, azad ensiklopediya
Jump to navigation Jump to search
İniya Trinkuniyene
lit. Inija Trinkūnienė
Romuvan ceremony (1).PNG
Doğum tarixi 25 oktyabr 1951(1951-10-25) (70 yaş)
Vətəndaşlığı  SSRİ Litva
Təhsili
Fəaliyyəti psixoloq, etnoloq, folklorşünas, musiqiçi, sosioloq
Tanınır 2014-cü ildən Romuva dini bütpərəst icmasının rəhbəri
Vikianbarın loqosu Vikianbarda əlaqəli mediafayllar

İniya Trinkuniyene (lit. Inija Trinkūnienė; 25 oktyabr 1951) — Litva etnoloqu, sosioloq, folklorşünas, psixoloq; 2014-cü ildən bəri Romuva adlı Litva neobütpərəst cəmiyyətinin lideri (krive, baş kahinə).[1] Cəmiyyətin qurucusu və "Kūlgrinda" adlı musiqi folk-qrupunun lideri Yonas Trinkunas onun həyat yoldaşıdır.

Həyatı[redaktə | mənbəni redaktə et]

1969-cu ildə Kelme şəhərində orta məktəbi və 1974-cü ildə psixologiya ixtisası üzrə Vilnüs Universitetinin fəlsəfə fakültəsini bitirmişdir. Litva Mədəni Tədqiqatlar İnstitutunda (Vilnüs Fəlsəfə və Sosiologiya İnstitutu) sosioloq kimi çalışmışdır. 1990-cı ildə, 1988-2014-cü illərdə Romuva dini bütpərəst icmasının rəhbəri olan əri ilə birlikdə Litva xalq musiqi ansamblını və "Kūlgrinda" xorunu təsis etdi.[2] Onun Rimqayle, Vetra, Uqne və İndre adlı 4 uşağı var.[2]

Elmi karyerası boyunca Trinkuniyene xalq mədəniyyətinin yayılması sahəsində araşdırmalarla məşğul olmuşdur. 60-dan çox elmi məqalə yazmış, Litva və xaricdə müxtəlif elmi konfranslarda iştirak etmişdir. 2004-2013-cü illərdə Litva Respublikası Seymi yanında Xalq Mədəniyyətininin Müdafiəsi Şurasının üzvü olmuşdur.[2] Ərinin vəfatından sonra Romuva icmasına rəhbərlik etdi və eyni zamanda Avropa Etnik Dini Qurultayının sədri oldu.[3] 2016-cı ildə təqaüdə çıxdıqdan sonra yalnız cəmiyyət işləri ilə məşğul olmağa başladı.[4] Dev Sanskriti Vişvavidyalaya universitetinin (Haridvar, Uttarakhand, Hindistan) fəxri doktorudur.[5]

İstinadlar[redaktə | mənbəni redaktə et]

  1. Организация международного союза религиозных общин балтских этнических религий в Литве (rus.)
  2. 1 2 3 15min: Vilniaus Gedimino kalne įšventinta Lietuvos Romuvos Krivė. (lit.)
  3. Англоязыческий пузырь (rus.)
  4. Интервью с Инией Тринкуниен, Верховной Жрицей Ромува (Перевод) Arxivləşdirilib 2019-04-08 at the Wayback Machine (rus.)
  5. Grzegorz J. Nowicki, Minna Huuskonen, Anastasiya Niakrasav, Inija Trinkūnienė. Sobótka // Pismo Folkowe. 3. Agata Kusto (red. nacz.) (polyak). № 136. Lublin: Mariya Küri-Sklodovskaya Universiteti. — 2018. iyun. ISSN 2449-7622. İstifadə tarixi: 2018-07-09.