İntizam Rəhimov

İntizam Rəhimov
Şəxsi məlumatlar
Doğum tarixi	4 yanvar 1959(1959-01-04)
Doğum yeri	Qumlaq, Vartaşen rayonu, Azərbaycan SSR, SSRİ
Vəfat tarixi	5 iyul 1992(1992-07-05) (33 yaşında)
Vəfat yeri	Naxçıvanik, Xocalı rayonu, Azərbaycan
Dəfn yeri	Qumlaq
Vətəndaşlığı	SSRİ  Azərbaycan
Təhsili	Azərbaycan Dövlət Pedaqoji Universiteti
Hərbi fəaliyyəti
Rütbəsi	Baş leytenant
Döyüşlər	Birinci Qarabağ müharibəsi

İntizam Əhməd oğlu Rəhimov (4 yanvar 1959, Qumlaq, Vartaşen rayonu – 5 iyul 1992, Naxçıvanik, Xocalı rayonu) — Baş leytenant, Birinci Qarabağ müharibəsi şəhidi.

Həyatı

İntizam Rəhimov 4 yanvar 1959-cu ildə Oğuz rayonunun Qumlaq kəndində anadan olmuşdur. 1966–1976-cı illərdə həmin kənd məktəbində oxumuşdur. 1978–1980-ci illərdə SSRİ Silahlı Qüvvələrində xidmət etmişdir. İntizam Rəhimov 1982-ci ildə Azərbaycan Pedaqoji İnstitutunun hərbi hazırlıq fakültəsinə qəbul olmuş və 1986-cı ildə həmin fakültəni bitirmişdir. 1987-ci ildə Oğuz rayon Padar kənd orta məktəbində, daha sonra isə Tayıflı kənd orta məktəbində gənclərin çağırışa qədər hərbi hazırlıq müəllimi işləmişdir.

Ailəsi

İntizam Rəhimovun ocağında 3 qız övladı doğulub boya başa çatmışdır: Aynurə Rəhimova, Dünya Rəhimova və İntizamə Rəhimova.

Hərbi xidməti

İntizam Rəhimovun məzarı

Qarabağ müharibəsi başlayanda 1992-ci ilin 14 iyununda İntizam könüllü olaraq vətənin müdafiəsinə yollanmışdır. 1992-ci il "Oğuz yurdu" qəzetində İntizam Rəhimova həsr olunmuş "Yarımçıq qalmış ömür" adlı məqalə dərc olunmuşdur.

1992-ci il iyul ayının 5-də Ağdamın Naxçıvanik kəndi uğrunda gedən döyüşlərdə qəhrəmancasına şəhid olmuşdur.

İrsi və xatirəsi

• İntizam Rəhimovun adı əbədiləşdirilmiş, oxuduğu Qumlaq kənd tam orta məktəbi və Oğuz şəhərindəki hərbi komissarlığın yerləşdiyi küçə İntizam Rəhimovun adını daşıyır.