İrəli (ictimai birlik)

Vikipediya, açıq ensiklopediya
Keçid et: naviqasiya, axtar
"İrəli" İctimai Birliyi
Logo 2-3.png
Növü Qeyri-hökumət təşkilatı
Yaranma tarixi 26 avqust 2005
Qeydiyyat tarixi 19 fevral 2009
Rəsmi dili Azərbaycan
Mərkəzi AZ1009, Səməd Vurgun 43, World Business Center [1]
Sədri Mirhəsən Seyidov
(27 iyun 2014 – indi)
Rauf Mərdiyev
(5 may 201227 iyun 2014)Ceyhun Osmanlı
(24 dekabr 20085 may 2012)
Üzvləri 37 000 (2015)
Rəsmi saytı www.ireli.az

"İrəli" İctimai Birliyi (ing. IRELI Public Union) — Azərbaycan Respublikasında əsasən gənclər sahəsində fəaliyyət göstərən qeyri-hökumət təşkilatı.

Tarixi[redaktə | əsas redaktə]

İrəli 26 avqust 2005-ci ildə gənclər hərəkatı kimi fəaliyyətə başlamışdır. Əsas fəaliyyəti Azərbaycanda gənclər siyasətinin həyata keçirilməsi, gənclərin inkişafına dəstək göstərmək olmuşdur. 3 il fəaliyyət göstərdikdən sonra gənclər hərəkatı kimi fəaliyyətini dayandıraraq, 24 dekabr 2008-ci ildə "İRƏLİ" İctimai Birliyi yenidən təsis edilmişdir.

24 dekabr 2008-ci il tarixində Azərbaycan Dövlət Filarmoniyasında 380 nəfər nümayəndənin iştirakı ilə baş tutmuş Təsis Konfransda Ceyhun Osmanlı "İrəli" İctimai Birliyinin sədri seçilmişdir. Təsis Konfransından sonra 16 aprel 2009-cu il tarixində ilk Məclis iclası həyata keçirilmiş, iclasda təşkilatın İdarə heyəti üzvləri, katibliyin Əsasnaməsi və Baş katib təsdiq edilmişdir.

"İrəli" İctimai Birliyi Azərbaycan Respublikasının Ədliyyə Nazirliyi tərəfindən 19 fevral 2009-cu il tarixində dövlət qeydiyyatına alınmışdır.

2012-ci ilin 5 may tarixində keçirilmiş II Hesabat-Seçki Konfransında Rauf Mərdiyev təşkilatın yeni sədri seçilmişdir. Bu vaxta kimi Rauf Mərdiyev 2010-2012-ci illərdə təşkilatın baş katibi vəzifəsini daşımışdır

27 iyun 2014-cü ildə "İrəli" İctimai Birliyinin IV hesabat -seçki konfransı keçirilib. "İrəli" İctimai Birliyinin sədri vəzifəsinə səsvermə zamanı təşkilat üzvləri yekdilliklə Mirhəsən Seyidovu təşkilatın yeni sədri seçiblər. Mirhəsən Seyidov buna qədər Azərbaycan Respublikası Gənclər Təşkilatlarının Milli Şurasının (ARGTMŞ) sədr müavini vəzifəsində fəaliyyət göstərib. 19 dekabr, 2016-cı ildə həyata keçirilən V Hesabat-seçki konfransında Mirhəsən Seyidov açıq səsvermə nəticəsində yenidən idarə heyətinin sədri vəzifəsinə təyin olunub.

Məqsədlər[redaktə | əsas redaktə]

İctimai Birliyin əsas fəaliyyət istiqaməti dövlət gənclər siyasətinin inkişafına dəstək ola biləcək hər bir gəncin bütün sahələrdə təşəbbüslərini stimullaşdırmaq, ölkə maraqlarını qoruyan və gənclər siyasətinin inkişafında yaxından iştirak edən vətəndaş cəmiyyətinin formalaşmasında iştirak etməkdir. Həmçinin bu sahədə fəaliyyət göstərən bütün dövlət qurumları, qeyri-hökumət təşkilatları və gənclər təşkilatları ilə qarşılıqlı əlaqələri gücləndirmək, mövcud əməkdaşlıqları artırmaq və bununla da Azərbaycanın Gənclər Siyasətinə birgə töhfə vermək İctimai Birliyin əsas məqsədlərindəndir.

İstiqamətlər[redaktə | əsas redaktə]

  • Dövlət gənclər siyasətinin inkişafında yaxından iştirak etmək və gənclərin dinamik inkişafındakı rolunu daha da inkişaf etdirmək.
  • Gənclərdə müasir düşüncə tərzinin formalaşması
  • İctimai və sosial həyatın, cəmiyyət quruculuğunun bütün sferalarında gənclərin təmsil olunması
  • Gənclərin ölkəmiz üçün layiqli vətəndaş kimi yetişməsi
  • Azərbaycançılıq, dövlətçilik dəyərlərinin qorunması
  • Beynəlxalq platformalarda ölkənin ictimai və siyasi maraqlarının qorunması - Mədəni və tarixi irsin təbliğ olunması
  • Beynəlxalq rəqabətə davamlı gənclik

Strukturu[redaktə | əsas redaktə]

"İrəli" İctimai Birliyinə üzvlük fərdi və kollektiv qaydada həyata keçirilir. 2015-ci ilin may ayına olan məlumatlara görə 37 000 nəfərdən çox gənc "İrəli"-nin üzvüdür. Təşkilata üzvlük müraciət əsasında həyata keçirilir.

"İRƏLİ" İctimai Birliyinin rəhbər vəzifələri[redaktə | əsas redaktə]

"İRƏLİ" İctimai Birliyin seçkili orqandır, ali orqanı konfrans hesab olunur. "İRƏLİ" İctimai Birliyi hər il Hesabat konfransı keçirir, fəaliyyəti haqqında cəmiyyətə hesabat verir. Hər iki ildə isə birliyin "Hesabat-Seçki" Konfransı keçirilir. Hesabat-Seçki konfransında birliyin Sədr və Mərkəzi Nəzarət-Təftiş Komissiyasına seçkilər keçirlir. Birliyin ümümi fəaliyyətini sədr həyatə keçirir.

  • Sədr
  • Sədr müşaviri
  • İdarə Heyəti
  • Mərkəzi Nəzarət Təftiş Komissiyası
  • Katiblik

İdarə Heyəti üzvləri : Azər Əmirov, Turqay Həsənəliyev, Nərgiz Xələf, Ülviyyə Qəhrəmanlı, Elmar Məmmədov, Kənan Əliyev

Mərkəzi Nəzarət Təftiş Komissiyası üzvləri : Eltun Ibrahimov,Həmid Qasımov,Ağamir Ağamirov,Lalə Babayeva,Ülviyyə Qəhrəmanlı

"İRƏLİ" İctimai Birliyinin Sədri

Katiblik[redaktə | əsas redaktə]

  1. Sədr müşaviri
  2. Baş mühasib
  3. Mətbuat katibi və ictimaiyyətlə əlaqələr üzrə katib
  4. Layihələr və Tədbirlər Katibliyi
  5. Beynəlxalq əlaqələr üzrə katiblik
  6. İnsan resursları üzrə katiblik
  7. Regionlarla iş üzrə katiblik

Layihələr[redaktə | əsas redaktə]

“İRƏLİ” İctimai Birliyi Azərbaycan Respublikasının Dövlət Gənclər siyasətinə töhfə vermək məqsədilə fəaliyyətinin son iki ili ərzində 15 geniş tərkibli layihə həyata keçirmişdir. Bu layihələr sırasında gənclərin təşkilatlarda rolunu əks etdirən, onlara stimul verən “Mənim Gənclər Təşkilatım”, ali təhsil müəssisələrində təhsil alan gənclər arasında şəbəkələşməni və onların idarəetmə qabiliyyətlərini artırmaq məqsədilə “Şəxsi İnkişaf Akademiyası”, gənclərin beynəlxalq arenada Azərbaycanı layiqincə təmsil etməsi üçün “Nəzər Nöqtəsi”, region gənclərini bir yerə toplayan “Region Gənclərinin əməkdaşlıq forumu”,Azərbaycanda könüllülük fəaliyyətinin inkişaf etdirilməsi və gəncləri bu işdə həvəsləndirmək, İlk Avropa Oyunları “Baku2015”-ə və IV İslam Həmrəylik oyunlarına dəstək olmaq üçün “Support of Azerbaijan Youth (SAY): Könüllülük Akademiyası” və “Support of Azerbaijan Youth (SAY): Volunteering Festival” layihələrinin və bir sıra digər layihələrin icraları başa vurulmuşdur Bu layihələr ilə paralel olaraq cari ilin 10 ayı ərzində isə gənc və peşəkar jurnalistlərlə əlaqələrin möhkəmləndirilməsi və Azərbaycanda mətbuatın 140 illiyi münasibətilə “Gənc Əkinçi”, gənclər arasında ekologiyanın və ətraf mühitin qorunmasının təbliği, gənclərdə atıcılığa, səmti müəyyən etmə idman növünə və bunun kimi digər ekstrim idman növlərinə olan marağın artırılması istiqamətində “Support of Azerbaijan Youth (SAY): Green, Dağlıq Qarabağ münaqişəsi ilə bağlı həqiqətləri gün üzünə çıxarmaq və Azərbaycanın haqqlı mövqeyini dünya ictimaiyyətinə çatdırmaq məqsədilə keçirilmiş “Münaqişə tərəfi Azərbaycan – Həqiqətlər və Reallıqlar” layihələrini qeyd etmək olar. Ümumi olaraq keçirilmiş layihələr çərçivəsində 5000 nəfərdən artıq gəncin müraciətinə baxılmışdır. Onlardan 2130 gənc birbaşa olaraq layihələrdə iştirakçı adını qazanmışdır. İştirakçıların 60%-dən çoxu region gəncləri olmuşdur. Layihələr boyunca 71 müxtəlif mövzuda təlim sessiyası təşkil edilmişdir.

Mənim Gənclər Təşkilatım[redaktə | əsas redaktə]

“İrəli” İctimai Birliyinin Azərbaycan Respublikasının Prezidenti yanında Gənclər Fondu ilə birgə Göygöl şəhərində 2014-cü ildə reallaşdırdığı “Mənim gənclər təşkilatım” layihəsi ümumilikdə gənclər təşkilatının quruculuğunu, onun strukturunun formalaşdırılması yönündə həyata keçirilən bir layihədir. Layihə çərçivəsində gənclər təşkilatının tam şəkildə fəaliyyət göstərməsi və inkişaf etməsi üçün lazım olan katibliklərdən ibarət komandalar formalaşıb. Ümumilikdə 7 region gənclərini əhatə edən layihənin əsas məqsədi təşkilatın quruculuğu, onun strukturu, işləmə mexanizmi, idarə olunmasında yaxından tanışlıq, gənclərin layihədə iştirakını artırmaqla ,onların inkişafına dəstək vermək olub. Layihənin əsas məqsədi gənclər təşkilatlarının fəaliyyət göstərmədiyi 7 şəhər və rayonun – Şəmkir, Göygöl, Balakən, Yevlax, Tərtər, Qəbələ və Sabirabadın gənclərini təşkilatın quruluşu, strukturu, işləmə mexanizmi, idarə olunması sahəsində maarifləndirmək, onların cəmiyyətdə fəallığını artırmaqdır. 7 katiblik üzrə düşərgə formatında keçirilən təlimlərdə insan resursları, ictimaiyyətlə əlaqələr, maliyyənin idarə olunması, layihələrin idarə olunması və menecment və beynəlxalq əlaqələr üzrə gənclərə məlumatlar verilib. Layihə nəticəsində 7 regiondan 4-ü təşkilatlanmaq üçün müvafiq qurumlara müraciət etmişlər.

Şəxsi İnkişaf Akademiyası[redaktə | əsas redaktə]

“İRƏLİ” İctimai Birliyi və Azərbaycan Respublikasının Prezidenti yanında Gənclər Fondunun birgə layihəsi olan və 2014-cü ildə Bakı şəhərində keçirilən “Şəxsi İnkişaf Akademiyası” layihəsi regionlarda və universitetlərdə “İrəli” İctimai Birliyinin nəzdində fəaliyyət göstərəcək koordinatorluqların, eləcə də ali təhsil müəssisələrində fəaliyyət göstərəcək gənclərin idarəetmə qabiliyyətlərinin artırılmasına, vətənpərvərlik, azərbaycançılıq, dövlətçilik prinsipləri əsasında, cəmiyyətin ictimai-siyasi, sosial-iqtisadi və mədəni həyatında fəal iştirakının artırılmasını təmin edib. Layihələrin yazılma mexanizmi və idarə edilməsi, ictimaiyyətlə əlaqələr və PR, komanda quruculuğu və hökumətdə qərar qəbulu prosesində gənclərin rolu kimi maraqlı mövüzalarda təlimlər keçirilib. Layihəyə 10 region və 13 universitetin nümayəndələri cəlb olunub.

Nəzər Nöqtəsi[redaktə | əsas redaktə]

“Nəzər Nöqtəsi”, “İRƏLİ” İctimai Birliyi və Azərbaycan Respublikasının Prezidenti yanında Gənclər Fondu ilə birgə 2014-cü ildə həyata keçirilib. Layihənin əsas məqsədi dünya arenasında Azərbaycan adını yüksəldə bilən gənclərin hazırlanması, beynəlxalq rəqabətə davamlı gənclərin yetişdirilməsi, dünya arenasına “Mən fəxr edirəm ki, azərbaycanlıyam” fəlsəfəsini çatdırıb, izah edib, təbliğ etmək olub. Layihə çərçivəsində gənclər 5 gün ərzində təlimləndirildikdən sonra aldığı bilikləri tətbiq etmək imkanları qazanıblar. Təlimlər ümumi olaraq “Azərbaycanın siyasəti”, “Komanda quruculuğu”, “Dövlət quruculuğu”, “Siyasi analiz və təhlil”, “Dağlı Qarabağ” haqqında olub. Layihə Azərbaycan Gənclər və İdman Nazirliyi tərəfindən “gənclər paytaxtı” seçilən Quba şəhərinin Gənclər Mərkəzində keçirilib.

“Yaşıl Standart“ Sertifikasiya Sistemi[redaktə | əsas redaktə]

Layihə Azərbaycanda ictimaiyyətin Ətraf Mühit problemlərinə biganə qalmamasına dəstək olmuşdur. “Yaşıl Standart” layihəsi çərçivəsində ilk növbədə “Yaşıl Ofis” standartları yaradılmış, bu standartlar ümumdünya təcrübəsinə əsaslanaraq hər hansı bir ofisin fəaliyyəti zamanı, ətraf mühitə vurduğu ziyanın minimuma çatdırılması üçün uyğun şəraiti formalaşdırmışdır . Həmçinin, “Yaşıl Standart” Sertifikasiya Sistemi həm “İRƏLİ” İctimai Birliyində, həm də Azərbaycanda ekoloji monitorinq və qiymətləndirmə potensialının artırılmasına səbəb olub. İlkin olaraq, xarici ölkələrin təcrübəsinə malik olan, beynəlxalq ekspertlər dəvət olunmuş və yerli ekspertlər `ilə əməkdaşlıq quraraq, yeni Azərbaycana adaptasiya olunan “Yaşıl Standart” sistemi yaradılmışdır. Yaradıldıqdan sonra, açıq elan vasitəsi ilə, layihədə iştirak etmək istəyən qurumların ərizələri gəbul olunmuşdur. Seçilmiş qurumlar ilkin olaraq “Yaşıl Standart” modulu ilə tanış olmuş, bundan sonra auditdən keçərək sertifikasiya sistemində iştirak etmişlər. Həmçinin paralel olaraq “Yaşıl Standart” Təlim modulu yaradılmış və təlimləndirmə zamanı seçilmiş 20 nəfərdən ibarət olan gənclər qrupu – “multiplayer”-lər hazırlamışdır. Multiplayerlər Ekoloji informasiya və biliklərin əldə edilməsi, istifadəsi və qiymətləndirilməsi üzrə təşkilatın potensialını təşkil etmişlər. Təlimləndirmə 2015-2016-cı illərdə davam etmişdir.

Xaricdən Milli Baxış[redaktə | əsas redaktə]

“Xaricdən Milli Baxış” forumu, 2016-cı ildə İstanbulda “İrəli” İctimai Birliyi və İnsan Kapitalının İnkişaf Mərkəzinin (İNDEX) birgə təşkilatçılığı ilə keçirilmişdir. Azərbaycan Respublikasının Prezidenti yanında Gənclər Fondunun dəstəyi ilə keçirilən Forumda 19 ölkədən 20 gənclər təşkilatının nümayəndələri iştirak edib. Layihənin əsas məqsədi Azərbaycandan kənarda yaşayan və təşkilatlanmış fəal Azərbaycan gənclər təşkilatlarını bir araya gətirmək və beynəlxalq aləmdə ölkəmizlə bağlı görülən işlərin səmərəsini daha da artırmaq olmuşdur. Tədbirin yekununda Forum iştirakçıları, o cümlədən Rusiya, Ukrayna, Belarus, Gürcüstan, Polşa, İspaniya, Macarıstan, Norveç, Türkiyə, Çexiya, İtaliya, Rumıniya, Litva, Şimali Kipr və s. ölkələrdə fəaliyyət göstərən Azərbaycan gənclər təşkilatlarının təmsilçiləri birgə bəyanat yaymışlar. Bəyanatda deyilir: “Biz, dünya azərbaycanlıları olaraq ölkəmizi xaricdə təmsil etməkdən qürur duyur və bunun məsuliyyətini hər zaman öz üzərimizdə dərk edirik. Ümummilli lider Heydər Əliyevin “Mən fəxr edirəm ki, azərbaycanlıyam” ifadəsi indi hər birimizin həyat devizinə çevrilib. Məqsədimiz ölkəmizlə bağlı doğru informasiyaları, Azərbaycanın qısa müddət ərzində keçdiyi inkişaf yolunu, xalqımıza xas olan milli dəyərləri, Ermənistanın xalqımıza qarşı törətdiyi soyqırımı və işğalçılıq siyasətini yaşadığımız ölkələrin, eləcə də dünyanın diqqətinə çatdırmaq, ədalətin bərqərar olunmasına nail olmaqdır”.

Region Gənclərinin Əməkdaşlıq Forumu[redaktə | əsas redaktə]

“Region Gənclərinin Əməkdaşlıq formu” layihəsi 2016-cə ilin iyun ayında, “İRƏLİ” İctimai Birliyi və Azərbaycan Respublikasının Prezidenti yanında Gənclər Fondunun dəstəyi ilə Gəncədə baş tutub. Layihənin əsas məqsədi, “Azərbaycan gəncliyi 2011-2015-ci illərdə” Dövlət Proqramı çərçivəsində istifadəyə verilən «Gənclər Ev»ləri və “Gənclər Mərkəz”ləri yerləşən regionlarda, bölgələrdə gənclərin şəxsi inkişafına təkan vermək, “Gəncə-2016-cı il Avropa Gənclər Paytaxtı” layihəsinə dəstək olmaq gənclərin üçün birgə fəaliyyətlərini stimullaşdırmaqdan ibarət olmuşdur. Layihə müddətində Regional İnkişaf İctimai Birliyi nümayəndələri gənclərə təşkilatın gördüyü işlər haqqında ətraflı məlumat verib. Gənclərlə birgə müzakirələ həyata keçirilmiş və iştirakçıların sualları əməkdaşlar tərəfindən cavablandırılıb. Gənclər öz ideyalarını, istəklərini bildirərək, bu ideyaların həyata keçirilməsi üçün müəyyən məsləhətlər, biliklər əldə etmişlər.

SAY (Support of Azerbaijan Youth)[redaktə | əsas redaktə]

Azərbaycanda keçirilməsi nəzərdə tutulan layihələrin keçirilməsi və təşkili zamanı könüllülər böyük rol oynayır. Ölkəmizdə, könüllülük fəaliyyəti ilə əsasən gənclər məşğul olur və gənclər ölkə əhalisinin 35%-ini təşkil edir. Buna görə də, “İRƏLİ” İctimai Birliyi, qarşıdan gələn beynəlxalq tədbirləri ( Baku 2015 Avropa Oyunları, Gəncə- Avropa Gənclər Paytaxtı, 42-ci Beynəlxalq Şahmat Olimpiadası, 4-cü İslam Həmrəylik Oyunları və s.) nəzərə alaraq 2014-cü ildə “ Support of Azerbaijan Youth (SAY)” hərəkatına start vermişdir. İki il ərzində SAY proqramının 4 iriçaplı layihəsi həyata keçirilmiş və hələ də hərəkat davam etməkdədir. 4 layihə nəticəsində 400-dən artıq gənc “SAY” ailəsinin üzvlərinə çevrilmişdir.

“Support of Azerbaijan Youth: Könüllülük Akademiyası” layihəsi “İRƏLİ” İctimai Birliyinin təşkilatçılığı və Gənclər və İdman Nazirliyinin dəstəyi ilə 15-20 dekabr, 2014-cü ildə“Gənclər Paytaxtı” seçilmiş Quba şəhərində həyata keçirilib.Düşərgənin məqsədi, qarşıda gələn 2015-ci il Avropa Oyunlara dəstək olmaq, beynəlxalq və yerli səviyyəli tədbirlərdə gənclərin aktiv iştirakına stimul vermək və Azərbaycanda könüllü fəaliyyətinin təbliğ olunması ilə könüllülərin peşəkarlığının artırılması, onların təlimləndirilməsi və ixtisaslaşdırılması nail olmaqdır. Ümumilikdə layihədə 100 gənc iştirak edib. Düşərgə formatında keçirilən layihə iki mərhələdən ibarət olub. Layihənin ilkin mərhələsində könüllüyün nə olduğu haqqında, kriteriyaları barədə suallara ətraflı cavablar çatdırılıb. Layihə iki hissədən ibarət olub, “Nəzəri biliklər”-in ötürülməsi və “Biliklərin tətbiq edilməsi” hissəsi. Həmçinin məlumat üçün bildirmək istərdik ki, “Nəzəri biliklər”-in ötürülməsi hissəsində gənclər yeni təlim modulu - “SAY: Könüllü” təlim modulu vasitəsi ilə təlimləndiriliblər.

  • Support of Azerbaijan Youth (SAY): Green

Düşərgə Azərbaycan Respublikası Gənclər və İdman Nazirliyinin dəstəyi və İRƏLİ İctimai Birliyinin təşkilatçılığı ilə "SAY" hərəkatının ikinci fəaliyyəti çərçivəsində təşkil olunub. Düşərgə müddətində 100 nəfər gənc açıq havada qurulan yaşayış çadırlarında qalaraq, bir sıra ekoloji, ətraf mühitin qorunması sahəsində təlimlərdə, ictimai müzakirələrdə iştirak edərək öz bilik və bacarıqlarını inkişaf etdirib və eyni zamanda təşkil olunan səmti müəyyən etmə, dağçılıq və müxtəlif ekstrim idman növləri üzrə yarışlarda özlərini sınayıblar. Düşərgə zamanı gənclərə Azərbaycanda aparılan könüllü hərəkatı üzrə xüsusi təlimçilər, səmti müəyyən etmə, dağçılıq, atıcılıq, velosiped idmanı, ekoloji maarifləndirmə üzrə xüsusi təlimlər və təcrübə proqramları təşkil olunub. Seçim zamanı təbiətin Layihənin əsas məqsədi düşərgə zamanı təbiətin insan tərəfindən çirkləndirməsinin mümkün qədər aradan qaldırılması və gənclərə sosial məsuliyyəti öyrədərək gələcəkdə böyük ekoloji problemlə qarşılaşmamaq üçün onlara sağlam həyat prinsiplərini aşılamaq olub. Layihə 4-9 Avqust, 2016-cı ildə, Gəncə şəhərinin Hacıkənd qəsəbəsində keçirilib.

  • Support of Azerbaijan Youth (SAY): Multiculturalism

Azərbaycan Respublikası Prezidenti yanında QHT-lərə Dövlət Dəstəyi Şurasının dəstəyi və “İRƏLİ” İctimai Birliyinin təşkilatçılığı ilə SAY hərəkatının üçüncü fəaliyyəti çərçivəsində təşkil olunan düşərgədə 100 nəfər gənc açıq havada qurulan yaşayış çadırlarında qalaraq, bir sıra multikultural dəyərlərin təbliği ilə bağlı təlimlərdə, ictimai müzakirələrdə iştirak edərək öz bilik və bacarıqlarını inkişaf etdirib, həmçinin təşkil olunan səmti müəyyən etmə, dağçılıq və s. ekstrim idman növləri üzrə yarışlarda özlərini sınayıblar. Layihənin əsas məqsədi 2016-cı Multikulturalizm ili çərçivəsində Azərbaycanda multikultural dəyərlərin aşılanması, vətəndaş cəmiyyətinin düzgün istiqamətə yönləndirilməsi, gənclərdə humanizm, tolerantlıq prinsiplərinin formalaşdırılması ilə demokratik mühiti inkişaf etdirmək, dünya mədəniyyətinə inteqrasiyanı sürətləndirmək, inteqrasiya fonunda Azərbaycan mədəniyyətinin dünya miqyasında tanınmasına nail olmaqla milli-mənəvi dəyərlərimizin, tarixi nailiyyət və abidələrimizin mənfurlar tərəfindən öz adına çıxarmağın qarşısını almaqdan ibarətdir. Düşərgə 25-30 İyul, 2016-cı ildə İsmayıllı rayonunda həyata keçirilib.

  • Support of Azerbaijan Youth (SAY): Volunteering Festival

“İrəli” İctimai Birliyinin təşkilatçılığı və Azərbaycan Respublikasının Gənclər və İdman Nazirliyinin dəstəyi ilə “SAY: Volunteering Festival” (Könüllülük festivalı) layihəsi 28 sentybar – 2 oktyabr tarixində Oğuz rayonunda baş tutub. Azərbaycanda könüllülüyün təbliği sahəsindəki fəaliyyətlərin davamı olaraq SAY hərəkatı çərçivəsində təşkil olunan düşərgədə 100-dən artıq gənc iştirak edir. Layihənin məqsədi könüllülük təcrübəsi olan gənclərin bilik və bacarıqlarını daha da artırmaq və IV İslam Həmrəylik Oyunlarının formlaşmaqda olan könüllü qrupuna dəstək olmaq olmuşdur. Proqrama uyğun olaraq layihədə iştirak edən gənclər üçün komanda quruculuğu, özünü təqdim etmə bacarıqları, tədbirlərin təşkili və digər mövzular üzrə xüsusi təlimlər keçirilmişdir. Həmçinin, önüllülük festivalı zamanı gənclər müxtəlif əyləncəli proqramlarda iştirak etmişlər.

Gənc Əkinçi[redaktə | əsas redaktə]

“Gənc Əkinçi” layihəsi 12-15 mart tarixlərində “İrəli” İctimai Birliyi (İB) Azərbaycan Respublikasının Prezidentı yanında Gənclər Fondunun dəstəyi ilə İsmayıllıda həyata keçirilib. Layihənin əsas məqsədi Azərbaycanda peşəkar jurnalistikanı formalaşdırmaq, fəaliyyət göstərən kütləvi informasiya vasitələri arasında mövcud əlaqələri inkişaf etdirmək, yeni əlaqələrin qurulmasına şərait yaratmaq olmuşdur. Layihə çərçivəsində jurnalistlərə məruzəçilər tərəfindən müxtəlif seminarlar keçirilmiş, Azərbaycanın beynəlxalq məkanda tanıdılması, həqiqətlərin dünyaya çatdırılması istiqamətində mətbuat nümayəndələrinin rolundan danışılmışdır. İştirakçı olan jurnalistlər layihənin davamlılığı çərçivəsində bundan sonra “Gənc Əkinçi” sayəsində öz yazıları ilə həm yerli mətbuatda, həm də xarici mətbuatda çıxış etmişlər. Layihənin digər vacib məqsədi jurnalistlərin xarici mediaya çıxışını təmin etməkdir və bu məqsədlə təşkilatın artıq bu sahədə bir neçə xarici media qurumları ilə əməkdaşlıq müqavilələri imzalayıb.

Layihənin davamlılığı çərçivəsində, ilk mərhələdə 3 tirajda “Gənc Əkinçi”qəzeti çap olunmuşdur. Hal-hazırda növbəti mərhələ olaraq jurnalistika sahəsində yeni düşərgənin keçirilməsi və “Gənc Əkinçi” qəzetininin mütəmadı olaraq nəşr olunması planlaşdırılır.

Azərbaycanın İntellektual BİRincisi[redaktə | əsas redaktə]

“Azərbaycanın İntellektual Birincisi ” – Azərbaycanda gənclərin intellektual potensialının inkişafına dəstək verən bir layihədir.Layihə 2016-cı ilin noyabr-dekabr aylarında keçirilib. Ümumilikdə, Azərbaycan Respublikasının 10 regionundan , 75 rayon, 1336 gənc iştirakı nəzərdə tutulub. Hər bir rayon 17 nəfərlik komanda ilə çıxış edib. Gənclərin bilik və bacarıqlarının qiymətləndirəcək və onların intellektual fəaliyyətinə yardımçı olacaq layihə 2 istiqamət üzrə həyata keçirilib. 1-ci istiqamət iqtisadi rayonlar üzrə seçim mərhələlərinin keçirilməsi, 2-ci mərhələ isə yekun final oyunlarının keçirilməsində ibarət olub. Layihənin ilkin mərhələsində 10 iqtisadi rayonda intellektual oyunlarının seçmə mərhələləri təşkil edilib. Seçmə mərhələlər çərçivəsində hər iqtisadi rayonda 4 intellektual oyun keçirilib və iqtisadi rayonda yerləşən rayonların hər biri 4 oyun üzrə komanda çıxarmaq hüququna malik olub. Seçilmiş və uğur qazanmış gənclərdən ibarət komandalar yekun mərhələdə yaşadıqları iqtisadi rayonu təmsil etmək hüququ qazanmışlar. Yekun mərhələ – final oyunlarını əks etdirəcək mərhələ olmuşdur. Bu mərhələdə, seçmə mərhələdə hər bir iqtisadi rayon üzrə uğur qazanmış gənclər arasında yarışlar keçirilmişdir. Sözügedən gənclər mili-mədəni, irs, tarix, natiqlik və digər bilik mövzuları üzrə intellektual oyunlarda iştirak etmişlər. Qalib gəlmiş gənclər ilk “Azərbaycanın İntellektual BİRincisi” oyunlarının mükafatçıları olmuşlar. Layihə çərçivəsində keçirilən intellektual oyunlar: 1. Xəmsə 2. Nə? Harda? Nə zaman? 3. Axtar Tap 4. Vətəni tanı

Keçirilmə məkanı: Bakı, Sumqayıt, Quba, Şəki, İsmayıllı, Sabirabad, Lənkəran, Tərtər, Mingəçevir və Şəmkir şəhərlərində (rayonlarında)

DO! Dostlarla Oyunlara Kampaniyası[redaktə | əsas redaktə]

Heydər Əliyev Fondunun dəstəyi ilə 28 May-28 İyun 2015-ci il tarixlərində DO! – Dostlarla Oyunlara kampaniyasına start verilmişdir. Kampaniyanın məqsədi uşaq evlərində mövcüd idman infrastrukturunun təşviqinə dəstək, məhəllə idmanına olan sevgi və ruhu geri qaytarmaq, eyni zamanda Azərbaycanın ev sahibliyi edəcəyi ilk Avropa oyunlarına dəstək verməkdən ibarət idi. 6 müxtəlif məkanda stendlər quraşdırılaraq 20.000 ədəd qolbaq satışa çıxarıldı. Bu işdə 144 nəfər gənc könüllü şəkildə fəaliyyət göstərərək kampaniyaya dəstək göstərmişdir. Kampaniya nəticəsində 29 məhəllə və müxtəlif uşaqlar evlərində idman avadanlıqları yenilənmişdir. Kampaniyanın əsas məqsədi, - uşaq evlərində idmanın təşviqinə dəstək olmaq; - məhəllə idmanına olan sevgi və ruhu geri qaytarmaq; - 20 000 ədəd qolbaq - 20 000 vətəndaş - Bakı şəhərində 7 müxtəlif məkan - 3 müxtəlif regionda stendlər - 1 uşaq evinə ziyarət - 44 könüllü - 13 supervayzer - 9 məhəllədə idman avadanlıqlarının yenilənməsi

Beynəlxalq[redaktə | əsas redaktə]

“İRƏLİ” İctimai Birliyinin əsas prioritet istiqamətlərindən biri olan xaricdə təmsilçilik sahəsində əsas məqsədimiz beynəlxalq arenada Azərbaycanın mövqeyinin və maraqlarının layiqli şəkildə müdafiə olunmasını, xarici ölkələrdə yaşayan soydaşlarımız və beynəlxalq təşkilatlar ilə əlaqələrin möhkəmləndirilməsini təmin etməkdir. Məhz bu səbəbdən də “İRƏLİ” üzvləri xarici ölkələrdə keçirilmiş müxtəlif tədbir və layihələrdə iştirak edərək ölkəmizi layiqincə təmsil etmiş və beynəlxalq əməkdaşlıq imkanları üçün münbit zəmin yaratmışlar. Ötən 2 il ərzində 26 beynəlxalq layihədə 110 gənc bu fürsətdən faydalanmışdır. 

Beynəlxalq Tərəfdaşlar[redaktə | əsas redaktə]

  1. Rusiya Gənclər İttifaqı (Rusiya)
  2. Giovannie nel Mondo (İtaliya)
  3. Ukrayna Gənclər Assambleyasının (Ukrayna)
  4. LOYAC (Küveyt)
  5. European Voluntary Service akkreditasiya

21 İyul 2015-ci il "İRƏLİ" İctimai Birliyi Avropa Komissiyasının Avropa Könüllülük Xidməti (EVS) hər iki növ proqramı üzrə akkreditasiya alıb. Akkreditasiya azərbaycanlı gənclərin xaricdə təmsilçilik, könüllü fəaliyyətinin stimullaşdırılması, ixtisas artırma iş yerlərində işlə təminat və digər məsələləri öz üzərində əsas götürür

Beynəlxalq Layihələr[redaktə | əsas redaktə]

  • Rusiyanın Azərbaycanlı Gənclər Təşkilatının (AMOR) V konfransı

Layihə təşkil olunan ölkə: Rusiya

Layihə təşkil olunan tarixlər: 30 sentyabr noyabr 2014-cü il

  • Black Sea Young Diplomats

Layihə təşkil olunan ölkə: Gürcüstan, Kaqvi şəhəri

Layihə təşkil olunan tarixlər: 18-25 oktyabr 2014-cü il

  • Молодежный межпарламентский форум СНГ

Layihə təşkil olunan ölkə: Rusiya, Sankt Peterburq

Layihə təşkil olunan tarixlər: 23-25 noyabr 2014-cü il

  • “Macarıstanda Azərbaycan turizm günləri”

Layihə təşkil olunan ölkə: Macarıstan, Budapeşt

Layihə təşkil olunan tarixlər: 21-22 noyabr 2014-cü il

  • «Youth for Exchange and Understanding»

Layihə təşkil olunan ölkə: Belçika Brugge

Layihə təşkil olunan tarixlər: 30 noyabr 2014-cü il

  • “Run and Explore”

Layihə təşkil olunan ölkə: Türkiyə, Ordu

Layihə təşkil olunan tarixlər: 30 yanvar – 10 fevral 2015-ci il

  • Şərq Tərəfdaşlığı ölkələrinin Gənclər Forumu «İRƏLİ»

-      55 Avropa və ətraf ölkələrin nümayəndələri ilə ünsiyyətdə olub.

-      Müxtəlif panellərdə Azərbaycan tərəfi adından çıxışlar etmişlər.

- İctimai Birliyi 10-a yaxın nümayəndəsi Şərq Tərəfdaşlığı ölkələrinin Gənclər Forumunda iştirak edib.

  • “İrəli” və “Gənc MÜSİAD”

“İrəli” İctimai Birliyi ilə Türkiyənin ən böyük gənclər təşkilatı - “Gənc MÜSİAD” arasında   iki ölkənin gənclər təşkilatları arasında layihələr keçirmək üçün əməkdaşlıq memorandumu imzalanıb.

  • "Norvegian Azerbaijan Youth Organization"

Layihə təşkil olunan ölkə: Norveç, Oslo

Layihə təşkil olunan tarixlər: 24 aprel 2015-ci il

  • "Filling the gaps"

Layihə təşkil olunan ölkə: Norveç, Alta

Layihə təşkil olunan tarixlər: 28 aprel – 6 may 2015-ci il

  • “Career Magazine”

Layihə təşkil olunan ölkə: Türkiyə, Ordu

  • “No to Prejudiscrimination”

Layihə təşkil olunan ölkə: Türkiyə, Trabzon

Layihə təşkil olunan tarixlər: 10-21 avqust 2015-ci il

  • “Lets Make a Cultural Art Visible”

Layihə təşkil olunan ölkə: Türkiyə, Trabzon

Layihə təşkil olunan tarixlər: 10-21 avqust 2015-ci il

  • “Youth Camp "Dialogue 2015”

Layihə təşkil olunan ölkə: Rusiya, Kaluqa vilayəti

Layihə təşkil olunan tarixlər: 16-22 iyul 2015-ci il

  • «Youth for Exchange and Understanding»

Layihə təşkil olunan ölkə: Bosniya və Herseqovina, Banya Luka

Layihə təşkil olunan tarixlər: 21-22 noyabr 2015-ci il

  • «Living-with-Prejudices »

Layihə təşkil olunan ölkə: Türkiyə, Trabzon

Layihə təşkil olunan tarixlər: 7-19 oktyabr 2015-ci il

  • «5-ci Ərəb-Avropa Gənclər Forumu»

Layihə təşkil olunan ölkə: Strazburq, Fransa

Layihə təşkil olunan tarixlər: 2-5 sentyabr 2015-ci il

  • «13-cü Asiya Gənclər Şurasının ümumi yığıncağı»

Layihə təşkil olunan ölkə: Ulaan-bator, Monqolustan

Layihə təşkil olunan tarixlər: 18-22 may 2015-ci il

  • “Youth Exchange”

Layihə təşkil olunan ölkə:  Koreya

Layihə keçirilən tarix:  10 İyul, 2016

  • “Say No to Islamophobia and Anti-Semitism”

Layihə təşkil olunan ölkə:  Türkiyə

Layihə keçirilən tarix:  7-19 İyul, 2016

  • “Shaping Democracy Actively

Layihə təşkil olunan ölkə:  Almaniya

Layihə keçirilən tarix:  28 İyul – 8  Avqust, 2016

  • “Tiny Footsteps on the beach”

Layihə təşkil olunan ölkə: Türkiyə

Layihə keçirilən tarix:  12 Avqust, 2016

  • “Exchange Program”

Layihə təşkil olunan ölkə:  Mərakeş

Layihə keçirilən tarix:  2-11 Sentyabr, 2016

  • “Ekstrimizm və zorakığın qarşısının alınmasında gənclərin rolu”

Layihə təşkil olunan ölkə:  Mərakeş

Layihə keçirilən tarix:  20-21 Oktyabr, 2016

  • "Youth for Exchange and Understanding İnternational"

Layihə təşkil olunan ölkə: Belçika

Layihə keçirilən tarix:  24-27 Noyabr, 2016

İRƏLİ Radio[redaktə | əsas redaktə]

İRƏLİ" Radio 10 oktyabr 2010-cu ildə ilk dəfə fəaliyyətinə başlayıb. Radionun məqsədi Azərbaycan musiqi və mədəniyyətini dünya miqyasında təbliğ etmək, aktiv gəncləri bu sahədə birləşdirməkdir.

2015-ci il, 2 fevral Gənclər Günü münasibəti ilə İrəli İctimai Birliyi “İradio” - Gənclərin radiosunu və radionun www.iradio.az saytının təqdimatını keçirmişdir. “İRƏLİ” radionun əsas məqsədi gənclərin müasir problemlərinin araşdırılması, onların maarifləndirilməsi və çətinliklərinin həlli istiqamətində fəaliyyət göstərmək və mövcud şəraitdən səmərəli istifadə etməklə, hər zaman gənclərin yanında olmaqdır.Qeyd edək ki, iki il ərzində “İradio”da işləmək üçün 200-dən çox gənc müraciət edib. “İradio”-da işləmək üçün seçilən gənclərə mütəxəssislər tərəfindən təlimlər, təcrübə proqramları keçilib. “İradio” olaraq əsas hədəflər informasiya texnologiyalarının yaratdığı imkanlardan yararlanmaq, müasir media sahəsində öz yerini tutmaq, gənclərə məxsus, onların maraq dairəsini əhatə edən brend yaratmaq, milli musiqi və mənəvi dəyərləri gənclər arasında təbliğ etmək, hər zövqdə gənci nəzərə alıb, hər janrda musiqiləri yayımlamaq, bu sahədə marağı olan gənclərə təcrübə qazandırmaq üçün şərait yaratmaqdır. Eyni zamanda, müasir tələblərə cavab verən funksional online radio yaratmaq, gənclərin maraq dairəsinə uyğun verilişlər hazırlamaq, yüzlərlə gəncə təcrübə qazandırmaqdır. “İradio”nun yayımlanma vaxtı həftənin 7 günü, 24 saatdır.

  1. www.iradio.az saytı [2]

13 fevral Ümumdünya Radio Günü[redaktə | əsas redaktə]

13 fevral Ümumdünya Radio Günü münasibətiylə "İRƏLİ" İctimai Birliyi nəznində fəaliyyət göstərən “İradio” “Park Bulvar” ticarət və əyləncə mərkəzində konsert proqramı ilə çıxış etmişdir. Konsert proqramında məşhur müğənnilərin iştirakı və maraqlı viktorinaların keçirilmişdir. Viktorinaların qaliblərinə hədiyyələr təqdim olunmuşdur. Onuda qeyd edək ki, hər il fevral ayının 13-ü BMT-nin Elm, Təhsil və Mədəniyyət üzrə təşkilatı olan UNESCO tərəfindən Ümumdünya Radio Günü kimi qeyd edilir.

Tədbirlər[redaktə | əsas redaktə]

“İRƏLİ” İctimai Birliyi ölkə ictimaiyyətinin inkişafı, mədəni və tarixi irsinin təbliğ olunması və ələxsus beynəlxalq rəqabətə davamlı gəncliyin formalaşdırması istiqamətində dayanmadan çalışmaqdadır. Bu məqsədlə də ictimaiyyətin maraq dairəsində olan tədbirlərin, görüşlərin və s. həyata keçirilməsi təşkilat üçün prioritetə çevrilmişdir. 

  •  “Gənclik və dövlət müstəqilliyi: gələcəyə baxış” mövzusunda gənclərin respublika konfransı
  •  ''9 Noyabr Bayraq Günü'' münasibətilə, Azərbaycan Avtomobil Federasiyası (AAF) tərəfindən təşkil olunan klassik avtomobillərin paradı
  •  “Bu Şəhərdə” tamaşası
  •  “Müstəqilliyimiz Əbədidir - 25 il” velo yürüşü
  •   “Dini ayrıseçkiliyin aradan qaldırılması və tolerantlığın yayılması” seminarı
  •  Azərbaycan Türkiyə Gənclər Forumu
  •  "Koreya-Azərbaycan gənclər mübadilə proqramı" çərçivəsində görüş
  •  Mark Kairnslə Azərbaycanda fəaliyyət göstərən gənclər təşkilatlarının nümayəndələri arasında görüş
  •  “Multikultural dəyərlər və tolerantlıq Azərbaycanın ən qiymətli sərvətlərindəndir” mövzusunda konfrans
  •  Səmti müəyyən etmə üzrə "Ümummilli Lider Heydər Əliyev adına Kubok" yarışı
  •  Baku2016 Marafon
  •  İtaliya müğənnisi Eros Ramazzottinin konserti
  • "Ordumuza dəstək" tədbiri
  • 'Batut Gimnastikasi Üzrə Fig Dünya Kuboku Agf Trophy yarışması
  •  “Şəxsi büdcənin planlaşdırılması və idarə edilməsi” mövzusunda açıq qapı
  •  Xocalı soyqırımının 24-cü ildönümü münasibətilə yürüş
  • 2 Fevral Gənclər Gününə həsr olunmuş möhtəşəm "Gənclik veloyürüşü<nowiki>
  •  Azərbaycan Respublikası Prezidenti İlham Əliyev 2 Fevral Gənclər günü münasibəti ilə bir qrup gənclərlə görüşü
  •  Milli Məclis Gənclər və İdman Komitəsinin ilk görüşü
  •  "İRƏLİ" İctimai Birliyi və Azərbaycan Bank Tədris Mərkəzinin birgə təşkilatçılığı ilə açıq qapı
  •  Heydər Əliyev Mərkəzində ümumilli lider Heydər Əliyev irsinin öyrənilməsi istiqamətində elmi-praktik seminar
  •  Xətai rayonunda ilk dəfə səs verəcək gənclərlə görüş
  •  Azərbaycan Dayanıqlı İnkişaf və Korporativ Sosial Məsuliyyət (Baku CSR Conference-2015) üzrə konfrans
  •  Cəbhə bölgəsində həqiqi hərbi xidmət keçən gənclərlə görüş
  • "Bakı 2015, 1-ci Avropa Oyunları UNİCEF-in Yeniyetmələrlə Milli Məsləhətləşmələri
  •  Azərbaycan Universitetində 21-ci "Məzun günü”
  •  Ulu Öndərin 92 ildönümü ilə bağlı “Heydər Əliyev zirvəsi”nə yürüş
  •  Gənclər Təşkilatları arasında Peyntbol İdman növü üzrə çempionatı
  •  “Hədəf Bakıdır. Hitler neft uğrunda döyüşü necə uduzdu” sənədli filminin təqdimatı
  •  Azərbaycan Yazıçılar Birliyində "Böyüməyən uşaqlar" kitabının təqdimatı
  • Heydər Əliyevin anadan olmasının 92-ci ildönümü münasibəti ilə həvəskarlar arasında velosiped yürüşü
  •  Birliyi Azərbaycan Universitetində detektiv yazıçı, nasir, publisist, hüquq elmləri doktoru Çingiz Abdullayev ilə gənclərin görüşü 
  •  Azərbaycanın görkəmli hərbi xadimi, tanınmış hərbçi alim, general-leytenant Əliağa İsmayıl ağa oğlu Şıxlinskinin anadan olmasının 150 illiyinə həsr olunmuş "Silahlı Qüvvələr kuboku" adlı velosiped yarışı
  •  “AZIZ” İsrail-Azərbaycan Beynəlxalq Assosiasiyasının təşkilatçılığı ilə Azərbaycanda səfərdə olan İsrailin nüfuzlu jurnalistləri ADA Universitetində gənclərlə görüşü
  •  Dünya Autizm ayı ilə əlaqədar olaraq psixoloq Narınc Rüstəmovanın təqdimatı ilə "Autizm: Bilmək Anlamaqdır" adlı seminar
  •  Bu gün məhşur Türkiyəli şair-yazar və radyoçu, əsərləri ilə milyonlarla oxucunun sevimlisi olan Kahraman Tazeoğlu ilə görüş
  •  ADA” Universitetində “İRƏLİ” İctimai Birliyinin və “Böyük İpək Yolu” Beynəlxalq Gənclər İttifaqının təşkil etdiyi “dəyirmi masa”
  •  "İRƏLİ” İctimai Birliyi milli mədəni dəyərlərimizi aşılamaq və təbliğ etmək məqsədi ilə birliyin üzvləri üçün Milli İncəsənət Muzeyinə tur
  •  12 saylı İnternat Məktəbində uşaqlarımız və gənclərlə görüş
  •  Azərbaycan Xalq Artisti Flora Kərimovanın 8 mart münasibəti ilə “İRƏLİ” İctimai Birliyinin üzvləri ilə görüşü (50)
  •  Beynəlxalq Radio günü ilə əlaqədar "Youth&Radio" tədbiri
  •  Tanınmış jurnalist-teleaparıcı Anar Necefli ilə görüş
  •  Level Up tədris Mərkəzində Bir addım İRƏLİ" adlı seminarı
  •  Osman Gündüzün Beynəlxalq Təhlükəsiz İnternet Günü ilə bağlı “İRƏLİ” İctimai Birliyinin üzvləri ilə görüşü
  •  “2015 NN Table Tennis Club İTTF – Europe Top- 16 Cup” turnirinin açılış mərasimi
  •  İctimai Televiziyanın "Müzakirə Vaxtı" verilişi
  •  Gənclər günü münasibətiylə Azərbaycan Gənclər Fondunun keçirdiyi tədbir
  •  Ümumrespublika Gənclər Gününə həsr olunmuş möhtəşəm "Gənclik" veloyürüşü
  •  “Azərbaycan Dövlət Xalça Muzeyi”nə tur
  •  Suraxanı İcra Hakimiyyəti, Bakı Şəhər Gənclər və İdman Baş İdarəsi və Suraxanı rayon İdman İdarəsinin 2 fevral Ümumxalq Gənclər Gününə həsr olunmuş tədbir
  •  9.01.2015-ci il tarixində 2 Fevral Ümumrespublika Gənclər günü çərçivəsində "Təmiz Binəqədi naminə Gənclər Forumu"
  •  700 bal toplayan gənclər ilə görüş
  •  Azərbaycan milli mətbuatının 140 illik yubileyi
  •  UNİCEF-in Yeniyetmələrlə "Milli Məsləhətləşmələri" tədbiri
  • Ekologiya - Ağacəkmə aksiyası – İRƏLİ İDEA Nizami rayon İH
  • Osman Gündüzün İRƏLİ gəncləri ilə görüşü
  • Anar Nəcəflinin İRƏLİ gəncləri ilə görüşü
  • 8 mart Beynəlxalq qadınlar günü ilə əlaqədər üzvlərlə görüş
  • Kahraman Tazeoğlu ilə görüş
  • Ümumdünya kitab və müəllif hüquqları günü ilə əlaqədar Çingiz Abdullayev ilə görüş
  • “Autizm: Bilmək Anlamaqdır" adlı seminar
  • Xalça Muzeyinə tuR
  • Milli İncəsənət Muzeyinə tur
  • Qocalar Evinə ziyarət
  • Uşaq evinə ziyarət
  • 700 bal toplayan gənclər ilə görüş
  • "Koreya-Azərbaycan gənclər mübadilə proqramı" çərçivəsində görüş
  • 25-lilər kitabının təqdimatı
  • “Bu Şəhərdə” tamaşası

Gənclərə Dəstək[redaktə | əsas redaktə]

“İRƏLİ” İctimai Birliyinin qarşısına qoyduğu əsas fəaliyyət istiqamətlərindən biri olan sağlam düşüncəli gəncliyin inkişafı, onların fəaliyyətlərinin stimullaşdırılması və innovativ təşəbbüslərinin dəstəklənməsi istiqamətində də gənclərə yaxından kömək olur və layihələrinin uğurla həyata keçirilməsinə münbit şərait yaradır. Son 2014-2016-cı illər ərzində, ümumilikdə, 1685 gəncin cəlb olunduğu 18 fərdi layihə təşkilat tərəfindən dəstəklənmişdir.

  • Anar Ağarzayev
“Gəncəm Gəncədəyəm” layihəsi
  • Azər Əmirov
"Yaşıl Diyar" layihəsi
  • Türkan Xəlilova
"Həyəcan Siqnalı"
  • Aynur Novruzova
"Danışan kitab" layihəsi
  • Leyla Mövsümzadə
“United Culture in Azerbaijan”
  • Şəbnəm Məhərrəmova
“Universiada”
  • Əminə İlyaslı
“Araşdırılır: Araşdırma jurnalistikası”
  • Altunay Əsgər
“Vətənimə xidmət edirəm”
  • Məhbubə Şahverdi
“Xarici baxış”
  • Ülvi Mövsümzadə
“Nizaminin Sirri”
  • Anar Qurbanov
“Öyrən və Kəşf et”
  • Aysel Axundzadə
“Elektron xidmətlərin təbliğində gənclərin rolu”
  • Aydan Qasımova
“Ekoloji İncəsənət”
  • Nail Ramazanov
“Həftəsonu Bakı”
  • Şahin Rəhmanlı
“Fermer olmaq istəyirəm”
  • Orxan Rüstəmov
“Erkən nigaha Yox Təhsilə Hə”
  • Firuzə Harunova
“Ekosivil Gənclik”
  • Kənan Əliyev
“Mən Könüllüyəm”

Bakı 2015 Dəstək![redaktə | əsas redaktə]

“Bakı 2015” oyunları idman tarixində sadəcə, birinci Avropa Oyunları kimi deyil, eyni zamanda, ən gözəl oyunlar kimi qaldı. “İRƏLİ” İctimai Birliyinin gəncləri bu işdə öz üzərlərinə düşən vəzifəni layiqincə yerinə yetirdilər. Sosial şəbəkəsində Bakı Olimpiya Oyunları haqqında hər gün müxtəlif açıqlamalar, müsahibələr, tədbirlər haqqında geniş məlumatlar verirdi. • 1000-dən artıq İRƏLİ-nin üzvləri 1-ci Bakı2015 Avropa Oyunlarını könüllü qatılımı • 1-ci Bakı 2015 Avropa Oyunlarına dəstək istiqamətində yaradılan koalisiyanda təmsilçilik • Bir sıra idman yarışlarında gənclərin birbaşa iştirakı üçün yaradılan şərait • Sosial şəbəkələrdə “Baku2015 Support Campaign” -ə həsr olunmuş 4350 tvit

"İRƏLİ"- yə üzv olmaq[redaktə | əsas redaktə]

Son iki il ərzində “İRƏLİ” İctimai Birliyi vakansiyaları, üzv qeydiyyatını online qeydiyyat sisteminə keçirmişdir. Statistik hesablamar onu göstərir ki, hər 351 dəqiqədə “İRƏLİ” gənclərinin sıralarına bir fərd də əlavə olur. Təşkilatın insan resursları katibliyi həftəlik olaraq yeni üzvlərlər görüşlər keçirir, birliyin fəaliyyəti ilə bağlı bütün məlumatlar mütəmadsi olaraq gənclərə çatdırılır.

Təşkilata üzv olmaq üçün həftənin ilk 5 günü ərzində ofisə yaxınlaşmaq və ya online qeydiyyatdan keçmək mümkündür.[3]

HƏQİQƏTLƏR![redaktə | əsas redaktə]

“İRƏLİ” İctimai Birliyi heç bir həqiqəti unutmur və unutdurmur. Azərbaycanın beynəlxalq ictimaiyyət üçün hesablanmış addımlarında mövcud həqiqətlərin qabardılmasını “İRƏLİ” İctimai Birliyi əsas fəaliyyət istiqaməti kimi götürmüşdür.“İRƏLİ” İctimai Birliyi cəbhə bölgəsində olan gəncləri də yaddan çıxartmayıb. Başda təşkilat sədri olmaqla, “İRƏLİ” İctimai Birliyinin üzvləri dəfələrlə cəbhə bölgəsinə səfər etmiş, ordudakı əsgərlərimizə dəstək göstərmişdirlər. 6 və 8 yaşını “İRƏLİ” cəbhə bölgəsinin əsgərləri ilə bir yerdə qeyd etmişdir.

  • 24 dekabr 2014 “İRƏLİ” İctimai Birliyi 6 yaşını cəbhə xəttində yerləşən N saylı hərbi hissədə əsgərlərlə birgə qeyd edib.
  • 7 avqust 2014 "İRƏLİ" İctimai Birliyinin sədri MirHəsən Seyidov cəbhə bölgəsində həqiqi hərbi xidmət keçən gənclərlə görüşdə iştirak edib.
  • 16 avqust 2015 "İRƏLİ" İctimai Birliyinin sədri MirHəsən Seyidov, Parlament Jurnalistlər Birliyinin nümayəndələri və millət vəkilləri ilə birlikdə cəbhə bölgəsində həqiqi hərbi xidmət keçən gənclərlə görüşdə iştirak edib.
  • 26 fevral 2015-ci ildə “İRƏLİ” İctimai Birliyi üzvləri tərəfindən 613 nəfərdən ibarət Bakı şəhərində anım yürüşü həyata keçirilmişdir.
  • İşğal tarixlərimizin hər zaman xatırlanması üçün sosial şəbəkələr vasitəsi ilə beynəlxalq aləmdə yer alan tanınmış şəxslərə xüsusi çağırış metodları ilə 10.000 çox ismarıclar göndərilmişdir.
  • 26 Fevral Xocalı faciəsində hər iki valideynlərini itirmiş Xocalıdan qalan 25 Böyüməyən uşaqların həyat hekayəsinin dünyaya çatdırılması istiqamətində 4 dildə tərcümə olunmuş “25 Böyüməyən uşaq” sənədli filmini canlandırmışdır.
  • 2 Oktyabr, 2016-cı ildə Xocavəndin işğalı ilə bağlı “We are Khojavand” adlı sosial video çarx çəkilmiş və cəmiyyətə təqdim edilmişdir.
  • 18 dekabr, 2016-cı ildə, 100 üzv “İRƏLİ” İctimai Birliyinin 8 yaşını qeyd etmək münasibətilə cəbhə xəttində yerləşən N saylı hərbi hissədəki əsgərlərlə görüşmüşdür

İRƏLİ sosial şəbəkələrdə[redaktə | əsas redaktə]

  1. "İRƏLİ" Facebook səhifəsi: "İRƏLİ" İctimai Birliyi / "IRELI" Public Union [4]
  2. "İRƏLİ" Facebook qrupu: "IRELI" Public Union - www.ireli.az [5]
  3. "İRƏLİ" Twitter hesabı: IRELI Public Union [6]
  4. "İRƏLİ" Youtube kanalı: İRELİ TV [7]
  5. "İRƏLİ" İnstagram hesabı: [8]

İrəli Ünvan[redaktə | əsas redaktə]

İrəli ofisi yerləşir: AZ1009, Səməd Vurgun 43, World Business Center [9]

İstinadlar[redaktə | əsas redaktə]

Videolar[redaktə | əsas redaktə]