Ceyhun Osmanlı

Vikipediya, açıq ensiklopediya
Jump to navigation Jump to search
Ceyhun Osmanlı
Doğum tarixi 30 yanvar 1982 (1982-01-30) (37 yaş)
Doğum yeri Bakı, Flag of the Azerbaijan Soviet Socialist Republic.svg Azərbaycan SSR
Vətəndaşlıq
CeyhunOsmanli.az

Ceyhun Yunis oğlu OsmanlıAzərbaycan Respublikası Milli Məclisinin deputatı, "İrəli" İctimai Birliyinin keçmiş sədri.

Həyatı[redaktə | əsas redaktə]

Ceyhun Osmanlı 30 yanvar 1982–ci ildə Bakı şəhərində anadan olmuşdur. 1989–cu ildən Bakıdakı 48 saylı orta məktəbdə təhsil almış, 1993-cü ildən Bakı Özəl Türk liseyində təhsilini davam etdirmişdir. 1999–cu ildə Bakı Dövlət Universitetinə daxil olmuşdur.

2003–də politologiya ixtisası üzrə bakalavr pilləsini, 2005–ci ildə həmin ixtisas üzrə magistr pilləsini fərqlənmə diplomu ilə bitirmişdir. Akademik təhsilə davam edərək Azərbaycan Dövlət İqtisad Universitetinin aspiranturasına qəbul olmuş və hal-hazırda elmi işini müvəffəqiyyətlə tamamlamışdır.

2007–ci ildə Varşava Universiteti və Polşa Təhlükəsizlik Akademiyası tərəfindən təşkil edilən "SENSE" Proqramının, 2008–ci ildə Harvard Universitetinin "Liderlər İnkişafda Proqramı"nın iştirakçısıdır.

Hərbi xidmətdə olmamışdır.

Ailəlidir, 3 övladı var.

İctimai fəaliyyəti[redaktə | əsas redaktə]

Universitet illərindən ictimai fəaliyyətə başlayan Ceyhun Osmanlı 1999-cu ildə "Azərbaycan Könüllülər" İctimai Birliyini yaratmışdır. 2005-ci ildə bu ictimai birlik Avropa Şurasının Baş katibi Terri Devis tərəfindən Avropada ən yaxşı birliklərdən biri kimi xüsusi sertifikatla mükafatlandırılmışdır.

2005-ci ildə "İrəli" gənclər hərəkatının həmtəsisçilərindən biri olmuşdur. 2009-cu ildə "İRƏLİ"-nin fəaliyyəti Azərbaycanın 56 şəhər və rayonu üzrə 100 mindən çox insanı əhatə etmiş, eyni zamanda Avropanın 13 şəhərində nümayəndəliklər yaradılmışdır. 2008-ci ildə hərəkat ictimai birliyə çevrilmiş və o, birliyin sədri seçilmişdir.

2002-ci ildə Avropa Şurası Gənclər Məsələləri Üzrə Məsləhət Şurası və Proqram Komitəsinin üzvlyünə seçilmiş və 2005-ci ilədək mərkəzi Strasburqda olan bu qurumda fəaliyyət göstərmişdir. Bu illər ərzində Ceyhun Osmanlı Avropa Gənclər Fondunun qərarlarının qəbulunda iştirak etmiş, müxtəlif ölkələrdə qurumun fəaliyyətilə bağlı mühazirələrlə çıxış etmişdir.

2004–2006-cı illərdə Azərbaycan Respublikası Gənclər Təşkilatlarının Milli Şurasının Baş Katibi, 2006-2009-cu illərdə isə Qafqazda ilk Gənclər Parlamenti olan Azərbaycan Gənclər Parlamentinin sədri olmuşdur.

2008–ci ildə Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasına üzv seçilmişdir.

2008-ci ildə Azərbaycan Respublikasında keçirilən Prezident seçkilərində Prezidentliyə namizədliyi irəli sürülmüş İlham Heydər oğlu Əliyevin vəkili olmuşdur.[Mənbə göstərin]

2010-cu ildə 63 saylı Sabirabad birinci seçki dairəsindən dördüncü çağırış Azərbaycan Respublikası Milli Məclisinin deputatı seçilmişdir. Parlamentin Beynəlxalq münasibətlər və parlamentlərarası əlaqələr komitəsinin üzvüdür[1].

Gülənçilərlə əlaqə[redaktə | əsas redaktə]

2014-ci ildə, onun Wikileaksdə «Gülənçi»lərlə sıx əlaqələrinə dair məxfi sənəd yayılıb.[2].

İstinadlar[redaktə | əsas redaktə]

Xarici keçidlər[redaktə | əsas redaktə]