Jalə Əliyeva

Vikipediya, azad ensiklopediya
Jump to navigation Jump to search
Jalə Əliyeva
Şəxsi məlumatlar
Təhsili
Doğum tarixi 5 oktyabr 1966(1966-10-05) (54 yaş)
Doğum yeri
Vikianbarın loqosu Vikianbarda əlaqəli mediafayllar

Jalə Əliyeva (5 oktyabr 1966(1966-10-05), Bakı) — Azərbaycan Respublikası Milli Məclisinin III[1], IV[2], V[3]VI[4] çağırış deputatı.



Həyatı[redaktə | mənbəni redaktə et]

Əliyeva Jalə Fazil qızı f.e.d,prof.,deputat ictimai-siyasi xadim 1966-cı il oktyabrın 5-də Bakı şəhərində ziyalı ailəsində anadan olmuşdur. Görkəmli şairə Nurəngiz Günün yeganə övladıdır. 1 övladı var.

Hazırda BDU-nun Türk filologiyası kafedrasının professorudur.[5] VI ÇAĞIRIŞ Milli Məclisinin deputatıdır.

Təhsili[redaktə | mənbəni redaktə et]

1983-cü ildə S.M.Kirov adına Azərbaycan Dövlət Universitetinin (indiki Bakı Dövlət Universiteti) Şərqşünaslıq fakültəsinə daxil olmuşdur.

1988-ci ildə Bakı Dövlət Universitetinin Şərqşünaslıq fakültəsini fərqlənmə diplomu ilə bitirmişdir. Universitetdə oxuduğu illərdə, dövrün ən ali təqaüdü olan Lenin təqaüdünə layiq görülmüşdür. Eyni zamanda universitetin ictimai və elmi həyatında yaxından iştirak etmiş, universitet elmi şurasının üzvü, fakültə komsomol komitəsinin katibi olmuşdur. 1994-cü ildə Bakı Dövlət Universitetinin aspiranturasını bitirmişdir.

1998-ci ildə Bakı Dövlət Universitetinin Hüquq fakültəsini bitirərək, ikinci ali təhsilə yiyələnmişdir.




Elmi Fəaliyyəti[redaktə | mənbəni redaktə et]

1996-cı ildə “Füzulişünaslığın təşəkkülü və inkişaf meylləri” mövzusunda namizədlik dissertasiyasını müdafiə edərək filologiya elmləri namizədi elmi dərəcəsini almışdır. 2006-cı ildə “Çağdaş Türk şeirinin poetikası” mövzusunda doktorluq dissertasiyasını müdafiə etmişdir. 2007-ci ildə Ali Attestasiya Komissiyasının qərarı ilə filologiya elmləri doktoru elmi dərəcəsini almışdır. Ali Attestasiya Komissiyasının qərarı ilə ona, 2012-ci ildə dosent, 2014-cü ildə professor elmi adları verilmişdir. AMEA-nın N.Gəncəvi adına Ədəbiyyat İnstitutunun Dissertasiya Şurasının və AMEA-nın N.Gəncəvi adına Ədəbiyyat Müzeyinin Elmi Şurasının üzvüdür. 100-ə yaxım elmi məqalənin, 4 elmi monoqrafiyanın, 1 dərs vəsaitinin və 1 metodik vəsaitin müəllifidir. Həmçinin, 3 elmi araşdırma kitabı və 2 monoqrafiyaya elmi redaktorluq, 1 dissertasiya müdafiəsinə elmi rəhbərlik və 8 dissertasiya müdafiəsinə rəsmi opponentlik etmişdir. 1988-ci ildən Bakı Dövlət Universitetinin Şərqşünaslıq fakültəsində dərs deyir. Hal- hazırda BDU-nun professorudur. Şərqşünaslıq fakültəsi Elmi Şurasının üzvüdür.

Azərbaycan Yazıçılar Birliyinin və İLESAM-ın (Türkiyə Elm və Ədəbiyyat Əsəri Sahibləri Məslək Birliyi) üzvüdür.



Siyasi Fəaliyyəti[redaktə | mənbəni redaktə et]

2005, 2010, 2015-ci illərdə Üçüncü, Dördüncü, Beşinci çağırış Azərbaycan Respublikası Milli Məclisinə deputat seçilmişdir. Milli Məclisin Mədəniyyət komitəsinin sədr müavini olmuşdur. Hal-hazırda Ailə, Qadın və Uşaq məsələləri komitəsinin sədr müavini, sosial-siyasət komitəsinin üzvüdür. Qara Dəniz İqtisadi Əməkdaşlıq Təşkilatı Parlament Assambleyasında Azərbaycan nümayəndə heyətinin üzvü, komitə sədr müavini və sədr vəzifələrinə seçilmişdir. Hazırda MDB Parlamentlərarası Assambleyasının üzvüdür. Azərbaycan-İsveç parlamentlərarası əlaqələr üzrə dostluq qrupunun rəhbəri olmuşdir. Hazırda Azərbaycan-Meksika Parlamentlərarası əlaqələr üzrə dostluq qrupunun rəhbəridir. Eyni zamanda Azərbaycan-Türkiyə, Azərbaycan-İtaliya, Azərbaycan-Hindistan, Azərbaycan-Almaniya, Azərbaycan-Avstriya və Azərbaycan-Yaponiya parlamentlərarası əlaqələr üzrə dostluq qruplarının üzvüdür.


Sosial kanalları[redaktə | mənbəni redaktə et]

https://www.youtube.com/channel/UCBmH7E9drjinplqiZqI_qFQ

https://www.facebook.com/DeputyofAzerbaijanOfficial/

https://instagram.com/jaleeliyevaofficial?igshid=qb6ojfurpdqw

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]