Fərəc Quliyev

Vikipediya, azad ensiklopediya
Jump to navigation Jump to search
Fərəc Quliyev
Fərəc İbrahim oğlu Quliyev
Fərəc Quliyev.jpg
bayraqMilli Dirçəliş Hərəkatı Partiyası sədribayraq
7 may 2005 — Hal-hazırda
Şəxsi məlumatlar
Partiya
Təhsili
İxtisası həkim
Fəaliyyəti siyasətçi
Doğum tarixi 22 dekabr 1962(1962-12-22) (58 yaş)
Doğum yeri
Milliyyəti Türk
Uşaqları 3 oğlu: Mətin, Nikbin, Türkel

Təltifləri "Azərbaycan Ordusunun 100 illiyi (1918-2018)" yubiley medalı "Azərbaycan Xalq Cümhuriyyətinin 100 illiyi (1918-2018)" yubiley medalı
mdhp.az

Fərəc Quliyev və ya Fərəc Ulusoy (tam adı: Quliyev Fərəc İbrahim oğlu; 22 dekabr 1962(1962-12-22), Üstüpü, Naxçıvan MSSR) — ictimai-siyasi xadim, istiqlalçı deputat, Azərbaycan Respublikası Milli Məclisinin dördüncübeşinci çağırış deputatı, Milli Dirçəliş Hərəkatı Partiyasının lideri.

Həyatı[redaktə | əsas redaktə]

Fərəc Quliyev 22 dekabr 1962-ci ildə Naxçıvan Muxtar Respublikasının Ordubad rayonunda Üstüpü kəndində anadan olub. 1980-cı ildə orta məktəbi qızıl medalla, 1986-cı ildə Azərbaycan Tibb Universiteti "Müalicə işi" fakültəsini fərqlənmə diplomu ilə bitirib. Əlavə hüquq təhsili almışdır. Sambo üzrə idman ustasıdır. Ailəlidir. 3 oğlu var.

Ordubadda Azərbaycan milli ordusunun təməli olan özünümüdafiə–könüllü batalyonların yaradılmasına rəhbərlik etmişdir.

Məhbəsdə 3 kitab və elmi-nəzəri məqalələr yazmışdır. Məhbəsdən çıxdıqdan sonra Anqlosaks-Türk Assambleyasını yaratmış, bu təşkilatın prezidenti seçilmişdir.

"Yeni Dirçəliş", "Təbriz" qəzetlərinin təsisçisidir. Güney Azərbaycanda yayımlamaq üçün "qəzet içində qəzet" layihəsində "Təbriz" qəzetini təsis etmiş, "Yeni Dirçəliş" qəzeti ilə birgə çapını reallaşdırmışdır.

Azərbaycan Yazıçılar Birliyinin üzvüdür.

Siyasi fəaliyyəti[redaktə | əsas redaktə]

1989-cu ildə Sərhəd Hərəkatının ideoloq və təşkilatçılarından biri olmuşdur. Naxçıvanda ən yüksək zirvədə, Ermənistanla sərhəddə, mübahisəli ərazidə yerləşən "Soyuq" adlı Uzaq Şərqə nəzarət edən radiolokasiya sistemi qurulmuş hərbi hissəni 1991-ci il dekabrın 17-də rus-erməni hərbi birliklərindən 24 nəfərlə birlilkdə ələ keçirmişdir. İndi orada Azərbaycan milli ordusunun hərbi hissəsi yerləşib. Bu əməliyyat itkisiz ötüşsə də 5 nəfər döyüşçümüzün ayaqlarını soyuq aparmış və müxtəlif hissələrdən amputasiya olunmuşdur. Bu əməliyyata görə prezident Ə.Elçibəy tərəfindən "milli qəhrəman" adına layiq görülsə də, bu addan imtina etmişdir.

Azərbaycanda ilk dəfə Ordubad rayonu ərazisində 5 sərhəd zastavasını rus ordusundan təhvil alıb milliləşdirilməsinin, bu ərazidəki bütün Sovet ordusuna məxsus əmlak, silah və texnikanın milliləşdirilməsinin həyata keçirilməsinə rəhbərlik etmişdir.

1989–1993-cü illərdə Azərbaycan Xalq Cəbhəsi Ordubad rayon şöbəsinin sədri, 1993-cü ildə isə Azərbaycan Xalq Cəbhəsi İcraiyyə komitəsinin sədri, Prezident Əbülfəz Elçibəyin 1-ci müavini olmuşdur.

1990-cı il Yanvar qırğınından sonra Bakıda rus işğalçılarına qeyri-leqal dirəniş üçün Güney Azərbaycandan olan hərakatçıların da iştirakı ilə yarım hərbi "Qisas" təşkilatı formalaşdırmışdır.

2002-ci ildə Hollandiyada Dünya Azərbaycanlıları Konqresinin idarə heyəti üzvü və sədr müavini seçilmiş, 2003-cü ildən DAK Azərbaycan nümayəndəliyinin rəhbəri olmuşdur.

Seçkilərdə[redaktə | əsas redaktə]

Fərəc Quliyev Azərbaycan Respublikasında keçirilmiş aşağıdakı seçkilərdə iştirak etmişdir.[1]

Fərəc Quliyev prezident seçkilərində səs verir.

Prezident seçkilərində[redaktə | əsas redaktə]

2013-cü il prezident seçkilərinə qatılan Fərəc Quliyev 31 926 ( 0,86% ) səs toplayaraq seçkiləri 8. sırada tamamlamışdır.

2018-ci il prezident seçkilərinə də qatılan Fərəc Quliyev 46 010 (1.17%) səslə seçkiləri 7. sırada tamamlamışdır.

Parlament seçkilərində[redaktə | əsas redaktə]

Fərəc Quliyev 1991-ci ildə parlamentdə

1990-cı ildə Azərbaycan SSR Ali Sovetinə keçirilən seçkilərdə Azərbaycan Xalq Cəbhəsi namizədi olaraq qatılan Fərəc Quliyev 338 nömrəli Ordubad seçki dairəsindən deputat seçilmişdir. Müstəqillik aktını yazan 3, ona səs verən 43 istiqlalçı deputatdan biri olmuşdur.

1995-ci ildə deputat mandatından məhrum edilərək həbs edilmişdir. 2003-cü ildə azadlığa buraxılmışdır.

2010-cu il parlament seçkilərinə rəsmi dövlət qeydiyyatına alınmayan Milli Dirçəliş Hərəkatı Partiyası sədri olaraq qatılmışdır. 31 saylı Suraxanı ikinci seçki dairəsindən namizəd olan Fərəc Quliyev 2 814 (34.99%) səs toplayaraq deputat seçilmişdir.

31 may 2011-ci ildə Milli Dirçəliş Hərəkatı Partiyasının rəsmi dövlət qeydiyyatına alınmasıyla MDHP öz sədri tərəfindən parlamentdə təmsil olunmağa başladı.

2015-ci il parlament seçkilərinə rəsmi olaraq Milli Dirçəliş Hərəkatı Partiyası sədri olaraq qatılmışdır. 31 saylı Suraxanı ikinci seçki dairəsindən namizəd olan Fərəc Quliyev 5 437 (38.6%) səs toplayaraq deputat seçilmişdir.

2020-ci il parlament seçkilərinə Milli Dirçəliş Hərəkatı Partiyası sədri olaraq qatılmışdır. 31 saylı Suraxanı ikinci seçki dairəsindən namizəd olan Fərəc Quliyev deputat seçilə bilməmişdir.

Millət vəkili fəaliyyəti[redaktə | əsas redaktə]

  • Azərbaycan SSR Ali Sovetinin XII çağırışı və daha sonra Azərbaycan Respublikası Ali Sovetinin Milli Şurasının üzvü olaraq 1991-ci ildə Parlamentdə qəbul olunmuş "Müstəqillik aktı]"nı yazan 3, ona səs verən 43 istiqlalçı deputatdan biridir.
  • Azərbaycan Respublikası Milli Məclisinin IV çağırış deputatı olaraq 5 illik parlament fəaliyyəti dövründə keçirilmiş 114 iclasda 105 təkliflə çıxış edib. Milli Məclisin Təhlükəsizlik, Müdafiə və Korrupsiya ilə mübarizə Komitəsinin üzvü olub. Avropa Parlamenti "Avronest" Parlament Assambleyasında Azərbaycan nümayəndə heyətinin üzvü olub. Azərbaycan-Belçika, Azərbaycan-Ukranya, Azərbaycan-Türkiyə, Azərbaycan-Gürcüstan, Azərbaycan-Qazaxıstan, Azərbaycan-Moldova, Azərbaycan-Latviya, Azərbaycan-Ruminiya parlamentlərinin dostluq qruplarının üzvü olub. 5 il ərzində (2010–2015) 521 nəfər yazılı ərizə ilə, 862 nəfər isə qəbula gələrək şifahi formada (Cəmi: 1383 müraciət) deputata müraciət edib. "Avronest" Parlament Assambleyasında Azərbaycan nümayəndə heyətinin üzvü olub və Avropa İttifaqı üzvü olan dövlətlərin Avropa Parlament Assambleyasında təmsil olunan üzvlərinə 169 müraciət göndərib.[2]
  • Azərbaycan Respublikası Milli Məclisinin V çağırış deputatı olaraq 4 il ərzində (2015–2019) keçirilmiş 115 iclasın 71-ində 174 təkliflə çıxış edib. 6529 sayt və qəzetdə müsahibə və çıxışları olub. 190 televiziya çıxışı olub. Milli Məclisin Təhlükəsizlik, Müdafiə və Korrupsiya ilə mübarizə Komitəsinin üzvü olub. Avropa Parlamenti "Avronest" Parlament Assambleyasında Azərbaycan nümayəndə heyətinin üzvü olub. Beynəlxalq qurum olan "Parlament üzvlərinin korrupsiyaya qarşı Qlobal Təşkilatı" (GOPAC) üzvü olub. Bu dövrdə 932 vətəndaş (seçici) qəbulu keçirilmiş ki, bunlardan 343-ü seçki dairəsində yerləşən deputat ofisində keçirilib. 98 məhəlli görüş keçirilmişdir. Keçirilən qəbullarda deputata ümumilikdə 2031 müraciət edilmiş, bunlardan 1680-i öz həllini tapmışdır.

Milli Dirçəliş Hərəkatı Partiyası sədri[redaktə | əsas redaktə]

2003-cü ildə ildə Milli Dirçəliş Hərəkatını (MDH) formalaşdırmış, təşəbbüs qrupunun qərarı ilə 7 may 2005-ci il tarixdə keçirilən 1-ci qurultayda Milli Dirçəliş Hərəkatı Partiyasının (MDHP) sədri seçilmişdir. 2017-ci ilin 14 may tarixində partiyanın II qurultayı keçirilmiş və Fərəc Quliyev yenidən partiya sədri seçilmişdir.[3]

Kitabları[redaktə | əsas redaktə]

5 kitab[4][5] və elmi-nəzəri məqalələr müəllifidir.

Azərbaycan dilində[redaktə | əsas redaktə]

  • "Yeni Dünya Düzəni siyasətində Azərbaycanın yeri və rolu" Bakı, 2001. Fərəc Quliyev.[6]
  • "Missiya" Bakı, 2002. Fərəc Quliyev.[7]

İngilis dilində[redaktə | əsas redaktə]

  • "The place and role of Azerbaijan in new world order policy" Bakı, 2012. Faraj Gulyev.[8]

Mükafatları[redaktə | əsas redaktə]

  • "Azərbaycan Ordusunun 100 illiyi (1918–2018)" yubiley medalı "Azərbaycan Ordusunun 100 illiyi (1918-2018)" yubiley medalı[9]
  • "Azərbaycan Xalq Cümhuriyyətinin 100 illiyi (1918–2018)" yubiley medalı "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif olunub.
  • "Şito-Ryu Karate Do" federasiyasının fəxri prezidentidir.
  • "Bozqurd fight club" fəxri prezidentidir.
  • "Sportivnaya Rossiya" Beynəlxalq Döyüş Sənəti festivalında Azərbaycan yığma komandasına xüsusi dəstəyin təşkilinə görə beynəlxalq sertifikata və medala layiq görülüb.
  • 2019-cu ildə "İlin ən aktiv millət vəkili" seçilib.[10]

Mənbə[redaktə | əsas redaktə]

İstinadlar[redaktə | əsas redaktə]

  1. Milli Dirçəliş Hərəkatı Partiyası seçkilərdə, red
  2. Fərəc Quliyevin hesabat bukleti
  3. MDHP-nin II qurulayı keçirildi
  4. Yeni Dünya Düzəni siyasətində Azərbaycanın yeri və rolu
  5. Missiya
  6. Fərəc Quliyevin "Yeni Dünya Düzəni siyasətində Azərbaycanın yeri və rolu" kitabı
  7. Fərəc Quliyevin "Missiya" kitabı
  8. Millət vəkili Fərəc Quliyevin kitabı ingilis dilində yenidən nəşr edilib
  9. https://meclis.gov.az/?/az/news/view/4224/ (azərb.). meclis.gov.az. 2018-11-12 Fərəc Quliyev yubiley medalı ilə təltif olunub https://meclis.gov.az/?/az/news/view/4224/ Fərəc Quliyev yubiley medalı ilə təltif olunub (#bad_url) (#bare_url_missing_title). İstifadə tarixi: 27-07-2020.
  10. 2019-cu ilin ən aktiv millət vəkilləri seçildi

Həmçinin bax[redaktə | əsas redaktə]