Fazil Mustafa

Fazil Mustafa
Avropa Şurası Parlament Assambleyasının əvəzedici üzvü[d] Vəzifədədir 24 yanvar 2011-ci ildən
Şəxsi məlumatlar
Doğum adı	Mustafayev Fazil Qəzənfər oğlu
Doğum tarixi	15 oktyabr 1965(1965-10-15) (56 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ
Partiya	Azərbaycan Xalq Cəbhəsi (1991–1995) Azərbaycan Xalq Cəbhəsi Partiyası (1995–2001) Böyük Quruluş Partiyası (2003–) Azərbaycan Xalq Cəbhəsi (1991), AXCP (1995), Böyük Quruluş Partiyası (2003)
Təhsili	BDU

Fazil Mustafa (həmçinin əvvəllər Fazil Qəzənfəroğlu kimi, tanınmışdır, 15 oktyabr 1965, Naxçıvan) — III, IV, V və VI çağırış Azərbaycan Milli Məclisinin deputatı.

Həyatı

19 oktyabr 1965-ci ildə Naxçıvan şəhərində anadan olub. 1982-ci ildə Naxçıvan şəhər 10 saylı orta məktəbi bitirib. 1982–1984-cü illərdə 5 saylı Naxçıvan tikinti trestində fəhlə işləyib. 1984–1986-cı illərdə keçmiş SSRİ Silahlı Qüvvələrində Ukraynada sıravi əsgər kimi həqiqi hərbi xidmət keçib. 1986-cı ildə Bakı Dövlət Universitetinin Hüquq fakultəsinə daxil olub və 1991-ci ildə həmin fakultədən hüquqşünas ixtisası ilə məzun olub.

1991–1992-ci illərdə Azərbaycan Xalq Cəbhəsi sədrinin müşaviri, 1992-ci ildə AXC Analitik Mərkəzinin rəhbəri vəzifələrini daşıyıb. 1992–1993-cü illərdə Azərbaycan Respublikası Prezident Aparatı Dövlət-Hüquq şöbəsinin müdiri vəzifəsində çalışıb. 1995–1998-ci illərdə AXCP sədrinin Türkiyə təmsilçisi olub. 2000-ci ildə Azərbaycan Xalq Cəbhəsi Partiyası daxilindəki bölünmə zamanı Mirmahmud Mirəlioğlu liderliyindəki klassiklər qanadında fəaliyyət göstərməyə başladı. 1998–2001-ci illərdə AXCP sədrinin siyasi məsələlər üzrə müavini olub.

2001–2003-cü illərdə Azərbaycan Respublikasının Silahlı Qüvvələrində döyüş bölgəsində tağım komandiri vəzifəsində baş leytenant rütbəsi ilə həqiqi hərbi xidmət keçib.

2003-cü ildə Böyük Quruluş Partiyasını təsis edib və ilk qurultayda həmin partiyanın başqanı seçilib. 2006, 2009, 2012, 2016 və 2020-ci illərdə yenidən partiya başqanı seçilib.

2005-ci ildə fəlsəfə üzrə fəlsəfə doktoru alimlik dərəcəsini alıb.

2005, 2010, 2015 və 2020-ci illərdə 4, 5 və 6-cı çağırış Milli Məclisə seçkilərdə deputat seçilib.

2008-ci ilin prezident seçkilərində iştirak etmiş, 89985 seçicinin səsini alaraq 2,43 % səslə üçüncü olmuşdur.

2009-cu ildə Azərbaycan Hüquqşünaslar Konfederasiyasının İdarə Heyətinin üzvü seçilib.

2016-cı ildə Xüsusi Olimpiya Komitəsinin İcraiyyə Komitəsinin üzvü və vitse-prezidenti seçilib.

Hazırda Azərbaycan Respublikası Milli Məclisinin Mədəniyyət Komitəsinin sədr müavinidir. Avropa Şurası Parlament Assambleyasında Azərbaycan nümayəndə heyətinin üzvüdür.

Fazil Mustafa Türkiyə və Azərbaycanda nəşr olunmuş 19 kitabın, yüzlərlə elmi, publisistik məqalənin müəllifidir.

Evlidir, iki övladı var.

Kitabları

• "Əbülfəz Elçibəy. Tarixdən gələcəyə", İstanbul, 1995.
• "Azərbaycanda türk kimliyi və saxta tarix proplemi,, Bakı, 2014
• "XX əsrin əvvələrində Azərbaycanda siyasi düşüncə cərəyanları,, Bakı 2015
• "Asiyadan sivilizasiyaya,, Bakı
• "Azərbaycan türklərinin dini-fəlsəfi dünyagörüşü- dini-fəlsəfi aspekt,, Bakı
• "Azərbaycan türkünün iman davası,, Bakı

Məqalələri

• Fazil Mustafa. "Nursuzluq təhlükəsi" (az.). vaxt.az. 2014-03-09. 2018-06-12 tarixində arxivləşdirilib. İstifadə tarixi: 2018-06-12.