Şahin Seyidzadə

Vikipediya, azad ensiklopediya
Jump to navigation Jump to search
Şahin Seyidzadə
Şahin Seyidzadə, 2020.jpg
İçərişəhər Dövlət Tarix-Memarlıq Qoruğu İdarəsinin İdarə Heyətinin sədri
Vəzifədədir
3 mart 2022-ci ildən
Sələfi Əsgər Ələkbərov
bayraqAzərbaycan Milli Məclisinin VI çağırış deputatıbayraq
10 mart 2020 — 17 mart 2022
Sələfi Zeynəb Xanlarova
Seçki dairəsi 202050 saylı Abşeron-Qobustan
Şəxsi məlumatlar
Doğum adı Şahin Kamil oğlu Seyidzadə
Doğum tarixi 15 aprel 1978(1978-04-15) (44 yaş)
Doğum yeri
Partiya
Təhsili

Təltifləri "Bakı Dövlət Universitetinin 100 illiyi" yubiley medalı
Azərbaycan Respublikası Prezidentinin fəxri diplomu
seyidzade.az

Şahin Kamil oğlu Seyidzadə (15 aprel 1978, Bakı) — İçərişəhər Dövlət Tarix-Memarlıq Qoruğu İdarəsinin İdarə Heyətinin sədri.

Həyatı[redaktə | mənbəni redaktə et]

Şahin Seyidzadə 1995-ci ildə Həbib bəy Mahmudbəyov adına Texniki-Humanitar Liseyi bitirmişdir. 1999-cu ildə Azərbaycan Dövlət Pedaqoji Universitetinin bakalavr pilləsini bitirmişdir. 2001-ci ildə Azərbaycan Dövlət Pedaqoji Universitetinin magistr pilləsini bitirmişdir. 2006-cı ildə Azərbaycan Dövlət İqtisad Universitetinin "Menecment" ixtisası üzrə magistr dərəcəsi almışdır.

2007-ci ildə Sosial və İqtisadi elmlər üzrə Moskva Ali Məktəbinin "Təhsilin təşkili və idarəetməsi" ixtisası üzrə təhsil almışdır.

2007-ci ildə isə İngiltərənin Mançester Universitetinin "Təhsilin təşkili və idarəetməsi ixtisası" üzrə magistr dərəcəsi almışdır.

Hazırda Azərbaycan Dövlət Pedaqoji Universitetinin "Təhsilin təşkili və idarəetməsi" üzrə fəlsəfə doktorluğu üzrə dissertantıdır. İngilisRus dillərində sərbəst danışa bilir.

Ailəsi[redaktə | mənbəni redaktə et]

Ailəlidir, iki övladı var.

İctimai-siyasi fəaliyyəti[redaktə | mənbəni redaktə et]

Şahin Seyidzadə 1999–2005-ci illərdə "Milli Debat Mərkəzi"nin direktoru, 2005–2007-ci illərdə "İnsan Resursları Məktəbi"nin rəhbəri olmuşdur.

2005-ci ildən "Vətəndaş Cəmiyyətində Debat" İctimai Birliyinin həmtəsisçisidir. 2007–2009-cu illərdə "Karyera Akademiyası" layihəsinin rəhbəri olmuşdur. 2012-ci ildən gənc sahibkarların təşəbbüslərinə dəstək verən "Youth Inc." Sahibkarlara Dəstək Proqramının (Biznes İnkubator) həmtəsisçidir.

2012-ci ildə 2012 Avroviziya Mahnı Müsabiqəsinin keçirilməsinə dəstək məqsədi ilə yaradılmış "Step In!" kampaniyasının rəhbəri olmuşdur.[1]

2012–2016-cı illərdə Azərbaycan Respublikası Gənclər Təşkilatları Milli Şurasının sədri olmuşdur.

2012–2017-ci illərdə Azərbaycan Respublikasının Prezidenti yanında Gənclər Fondunun Müşahidə Şurasının üzvü olmuşdur[2].2015-ci ildən Azərbaycan Respublikası Təhsil Nazirliyinin "SABAH qrupları"nın İcra Komitəsinin rəhbəridir.

2013-cü ildə baş tutan Prezident seçkiləri zamanı İlham Əliyevin namizədliyinə dəstək məqsədi ilə yaradılmış "Mənim Prezidentim" kampaniyasının rəhbəri olmuşdur.

2015-ci ildə Azərbaycanda keçirilən "Avropa Oyunları" zamanı ictimai tədbirlərin təşkili, "SABAH Könüllüləri"nin inkişafı üzrə fəaliyyət göstərmişdir.

2019-cu ildən Azərbaycan Respublikası Sahibkarlar (İşəgötürənlər) Təşkilatları Milli Konfederasiyası "Gənc sahibkarlarla iş komissiyası"nın sədr müavinidir.

2019-cu ildən Heydər Əliyev Fondunun təşəbbüsü ilə "Regional İnkişaf" İctimai Birliyi tərəfindən həyata keçirilən "Sosial layihələr" müsabiqəsinin rəhbəridir.

3 mart 2022 tarixində Azərbaycan Prezidenti tərəfindən İçərişəhər Dövlət Tarix-Memarlıq Qoruğu İdarəsinin rəisi vəzifəsinə təyin olunmuşdur.[3]

Parlamentdə[redaktə | mənbəni redaktə et]

9 fevral 2020-ci ildə keçirilən növbədənkənar parlament seçkilərində 50 saylı Abşeron-Qobustan seçki dairəsi üzrə Azərbaycan Milli Məclisinin VI çağırış deputatı seçilmişdir.

Azərbaycan Respublikasının Milli Məclisinin Elm və Təhsil[4], həmçinin Gənclər və idman[5] Komitələrinin, "Ali təhsil haqqında" Azərbaycan Respublikası Qanunu layihəsinin hazırlanması məqsədi ilə yaradılmış İşçi Qrupunun, həmçinin Avropa Parlamenti ilə Əməkdaşlıq Komitəsinin üzvüdür.

24 aprel 2020-ci ildən Azərbaycan-Mavritaniya parlamentlərarası əlaqələr üzrə işçi qrupunun rəhbəridir.[6] Azərbaycan-Avstraliya və Yeni Zelandiya parlamentlərarası əlaqələr üzrə[7], Azərbaycan-Birləşmiş Ərəb Əmirlikləri parlamentlərarası əlaqələr üzrə[8], Azərbaycan-Gürcüstan parlamentlərarası əlaqələr üzrə[9], Azərbaycan-Hindistan parlamentlərarası əlaqələr üzrə[10], Azərbaycan-İsrail parlamentlərarası əlaqələr üzrə[11], Azərbaycan-Litva parlamentlərarası əlaqələr üzrə[12] üzrə işçi qruplarının üzvüdür.

3 mart 2022 tarixində İçərişəhər Dövlət Tarix-Memarlıq Qoruğu İdarəsinin İdarə Heyətinin sədri vəzifəsinə təyin olunduğu üçün 16 mart 2022 tarixində Mərkəzi Seçki Komissiyasına deputat fəaliyyətinə xitam verilməsi üçün müraciət etmiş, Mərkəzi Seçki Komissiyası 17 mart 2022 tarixində keçirilən iclasında müraciətə baxar Şahin Seyidzadənin deputat mandatına xitam vermişdir.[13]

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. "Azərbaycan gəncliyi 2011–2015-ci illərdə Dövlət Proqramı"". 2020-04-07 tarixində arxivləşdirilib. İstifadə tarixi: 2020-04-07.
  2. "Arxivlənmiş surət". 2018-04-03 tarixində arxivləşdirilib. İstifadə tarixi: 2020-04-07.
  3. "Arxivlənmiş surət". 2022-03-03 tarixində arxivləşdirilib. İstifadə tarixi: 2022-03-17.
  4. "Arxivlənmiş surət". 2021-10-19 tarixində arxivləşdirilib. İstifadə tarixi: 2022-03-17.
  5. "Arxivlənmiş surət". 2021-10-19 tarixində arxivləşdirilib. İstifadə tarixi: 2022-03-17.
  6. "Arxivlənmiş surət". 2020-10-26 tarixində arxivləşdirilib. İstifadə tarixi: 2022-03-17.
  7. "Arxivlənmiş surət". 2020-11-12 tarixində arxivləşdirilib. İstifadə tarixi: 2022-03-17.
  8. "Arxivlənmiş surət". 2020-11-13 tarixində arxivləşdirilib. İstifadə tarixi: 2022-03-17.
  9. "Arxivlənmiş surət". 2020-07-12 tarixində arxivləşdirilib. İstifadə tarixi: 2022-03-17.
  10. "Arxivlənmiş surət". 2020-11-13 tarixində arxivləşdirilib. İstifadə tarixi: 2022-03-17.
  11. "Arxivlənmiş surət". 2020-11-13 tarixində arxivləşdirilib. İstifadə tarixi: 2022-03-17.
  12. https://www.meclis.gov.az/?/az/workgroups/140
  13. https://report.az/daxili-siyaset/msk-nin-iclasi-kecirilir-2022/
  14. ""Azərbaycan Respublikası Prezidentinin fəxri diplomu" ilə təltif edilməsi haqqında Azərbaycan Respublikası Prezidentinin Sərəncamı". 2017-12-07 tarixində arxivləşdirilib. İstifadə tarixi: 2020-04-07.

Xarici keçidlər[redaktə | mənbəni redaktə et]