Elman Nəsirov

Vikipediya, azad ensiklopediya
Jump to navigation Jump to search
Elman Nəsirov
Elman Nəsirov.jpg
Doğum tarixi 30 aprel 1968 (1968-04-30) (51 yaş)
Doğum yeri Bakı, Azərbaycan SSR, SSRİ
Vətəndaşlığı Azərbaycan Azərbaycan
Atası Xudam Nəsirov
Milliyyəti azərbaycanlı
İxtisası Politologiya
Təhsili Bakı Dövlət Universiteti, Azərbaycan Dillər Universiteti
Fəaliyyəti Azərbaycan Respublikası Prezidenti yanında Dövlət İdarəçilik Akademiyası "Siyasi Araşdırmalar İnstitutu"
Fəaliyyət illəri 1989-h.h
Mükafatları BMT nəzdində Universal Sülh Federasiyası və Dünyada Sülh Uğrunda Dinlərarası və Beynəlxalq Federasiya tərəfindən “Sülh səfiri”

Nəsirli Elman Xudam oğlu (30 aprel 1968(1968-04-30), Bakı) — politoloq, siyasi şərhçi; Azərbaycan Respublikası Milli Məclisinin V çağırış deputatı.

Təhsili[redaktə | əsas redaktə]

1989-1994-cü illərdə Bakı Dövlət Universitetinin(BDU) Tarix fakültəsində təhsil alıb və oranı fərqlənmə diplomu ilə bitirmişdir. 1995-2000-ci illərdə BDU-nun Avropa və Amerika ölkələrinin yeni və müasir tarixi kafedrasının dissertantı olmuşdur. 1992-1994-cü illərdə Azərbaycan Dillər Universitetində iki illik ingilis dili kursunda təhsil alıb və fərqlənmə sertifikatı ilə bitirmişdir. 1995-2003-cü illərdə BDU-nun Avropa və Amerika ölkələrinin yeni və müasir tarixi kafedrasında calışmışdır. 2001-ci ildə “Azərbaycan-ABŞ münasibətləri. 1991-1997-ci illər” mövzusunda namizədlik dissertasiyasını müdafiə edərək tarix elmləri namizədi alimlik elmi dərəcəsi almışdır. “ABŞ və beynəlxalq terrorizm problemi” mövzusunda doktorluq dissertasiyası üzərində işi başa çatdırmışdır.

İşgüzar fəaliyyəti[redaktə | əsas redaktə]

2003-cü ildən Azərbaycan Respublikasının Prezidenti yanında Dövlət İdarəçilik Akademiyasında (DİA) müəllim işləyir. DİA-nın “Beynəlxalq münasibətlər və xarici siyasət” kafedrasının dosentidir. 2004-cü ildən Azərbaycan Respublikasının Prezidenti yanında Dövlət İdarəçilik Akademiyasının «Dövlət idarəçiliyi: nəzəriyyə və təcrübə» elmi-nəzəri və praktiki jurnalının, habelə 2007-ci ildən Azərbaycan Dillər Universitetinin «Beynəlxalq münasibətlərin aktual problemləri» adlı elmi və ictimai-siyasi jurnalının Redaksiya heyətinin üzvüdür.

2007-ci ildən Azərbaycan Respublikasının Prezidenti yanında Ali Attestasiya Komissiyasının Siyasi və tarix elmləri üzrə Ekspert Şurasının elmi katibi və ekspertidir. 2008-ci ildən Azərbaycan Respublikasının Prezidenti yanında Dövlət İdarəçilik Akademiyasının Geostrateji Araşdırmalar Mərkəzinin direktor müavini vəzifəsində çalışır.

2002-ci ildən hal-hazırkı dövrədək Azərbaycan Dövlət Radiosunun «Dünya: hadisələr, şərhlər» proqramının siyasi analitiki; Azərbaycan Respublikası “Space” Müstəqil Teleradio MMC-nin siyasi şərhçisidir. Müxtəlif televiziya kanallarında Azərbaycanın xarici siyasəti və beynəlxalq vəziyyətlə bağlı siyasi şərhlərlə çıxış edir.

Müasir beynəlxalq münasibətlərin aktual problemləri, enerji təhlükəsizliyi məsələləri, Avropa və Amerika ölkələrinin yeni və müasir tarixi, ABŞ və Avropa dövlətlərinin müasir xarici siyasəti, beynəlxalq terrorizm problemi və s. istiqamətlər onun tədris və tədqiqat sahələrini əhatə edir. 90-dan artıq elmi məqalənin və 6 tədris- metodiki işin müəllifidir. Bir sıra elmi məqalələri xarici ölkələrdə (Çexiya, İran, Türkiyə, Ukrayna, Rumıniya və s.) çap edilmişdir.

Kitabları[redaktə | əsas redaktə]

Aşağıdakı kitabları nəşr olunmuşdur:

  1. “Azərbaycan-ABŞ münasibətləri. 1991-1997-ci illər”. Bakı, Qanun nəşriyyatı, 1998, 136 s.;
  2. “Azərbaycan nefti və beynəlxalq müqavilələr. 1991-1999-cu illər”. Bakı, Qanun nəşriyyatı, 1999, 104 s.,
  3. “ABŞ və dünya 11 sentyabrdan sonra”. Bakı, Adiloğlu, 2003, 262 s.,
  4. Amerika Birləşmiş Ştatlarının antiterror doktrinası və onun tətbiqi mexanizmləri. Bakı, Elm və Təhsil, 2010, s.392
  5. “Dövlət İdarəçiliyində varislik, novatorluq və dinamizm. İlham Əliyevin prezidentlik fəaliyyətinin xronikası: rəsmi qəbul və səfərlərinin icmalı (2003-2006)”.(həmmüəllif) Bakı, Azərbaycan nəşriyyarı, 2007, 944 s.
  6. Dövlət İdarəçiliyində varislik, novatorluq və dinamizm. İlham Əliyevin prezidentlik fəaliyyətinin xronikası: rəsmi qəbul və səfərlərinin icmalı (2007-2008) II kitab (həmmüəllif)-Bakı, Azərbaycan nəşriyyarı, 2007, 754 s.

Təltifləri[redaktə | əsas redaktə]

1997-ci ildə Bakı Dövlət Universiteti, Azərbaycan Beynəlxalq Əməliyyat Şirkəti və Azərbaycan Milli Elmlər Akademiyasının birgə təşkil etdikləri «Azərbaycan neftinin dünəni, bu günü və sabahı» mövzusunda gənc alim və tədqiqatçıların ümumrespublika müsabiqəsinin qalib olmuş, I dərəcəli diplom və mükafatla təltif edilmişdir. 2000- ci ildə eyni tipli müsabiqənin qaliblərindən biri olaraq III dərəcəli diplom və mükafatla təltif edilmişdir.

2006-cı ildə BMT nəzdində Universal Sülh Federasiyası və Dünyada Sülh Uğrunda Dinlərarası və Beynəlxalq Federasiya tərəfindən “Sülh səfiri” fəxri adına layiq görülmüşdür. 2009-cu ilin oktyabr ayında Azərbaycan Respublikası Kütləvi İnformasiya Vasitələri işçiləri Həmkarlar İttifaqı Rəyasət Heyətinin qərarı ilə “Qızıl qələm” media mükafatı laureati diplomu ilə təltif olunmuşdur. 2009-cu ilin 30 dekabr tarixində Daxili Qoşunların şəxsi heyəti qarşısında hərbi-vətənpərvərlik mövzusunda etdiyi mütəmadi çıxışlarına görə Daxili Qoşunların Komandanı tərəfindən Fəxri fərmanla təltif olunmuşdur.

Çıxışları[redaktə | əsas redaktə]

2003, 2007-ci illərdə Brüssel, Mons (Belçika), 2001, 2004-cü illərdə Tehran (İran), 2007-ci ildə Simferopol (Krım,Ukrayna), 2008-ci ilin iyun və sentyabr aylarında Kiyev (Ukrayna), 2009-cu ilin iyun, sentyabr və noyabr aylarında müvafiq olaraq Sevastopolda (Krım, Ukrayna), Kiyevdə (Ukrayna), Frankfurtda (Almaniya), 2010-cu ilin may ayında Təl-Əvivdə (İsrail) və Bursada (Türkiyə), həmin ilin oktyabr ayında İstanbulda (Türkiyə) və Buxarestdə (Rumıniya), 2011-ci ilin may ayında Bursada (Türkiyə) və Skopyedə (Makedoniya Respublikası), iyun ayında Pekin, Şanxay və Usidə (Çin), habelə avqust ayında Batumda (Gürcüstan) keçirilən beynəlxalq elmi konfrans və simpoziumlarda elmi məruzələrlə çıxış etmişdir. 2009-cu il 18 mart tarixində Azərbaycan Respublikasının Konstitusiyasına əlavə və dəyişikliklərin edilməsi ilə bağlı keçirilən referendumda “Vətəndaş cəmiyyəti” təşviqat qrupunun vəkili olmuşdur. İngilis, rus, türk dillərini bilir.

Xarici keçidlər[redaktə | əsas redaktə]

  • [1]  (azərb.)

Mənbə[redaktə | əsas redaktə]

  • [2]  (azərb.)
  • [3]  (azərb.)